Skagfirðingabók - 01.01.2015, Page 39

KRÓKSARARNIR FRÁ JÓTLANDI
39
skilur eftir vísu. Skyldi hún hafa ort hana
þarna í morgunsárið?
Æskunni verða aldrei tryggð
æðstu lífsins gæðin
ef undirstaðan ekki' er byggð
áður en þriðja hæðin.
Gestabókin er annars ljós vottur um
þann fjölda sem sótti heim þau hjón.
Bang fór jafnan til Michelsens í mið-
degiskaffi til að spjalla við landa sinn,
rölti þá oft á vinnusloppnum yfir götuna;
jafnan fengu þeir nýbakaða köku með
kaffinu. Þess er vert að geta að góður
vinskapur hélst alla tíð með þessum
fjölskyldum. Athygli vakti að Bang var
ávallt á gljáburstuðum skóm sem stirndi á
í sólskini og ævinlega smekklega klæddur.
Og víst þurfti Minna stundum að blanda
mixtúrur án aðkomu Bangs ef hann var
vant við látinn, enda kunni hún orðið
býsna vel til verka og vann reyndar í
apóteki í Árósum áður en hún kom til
landsins. En aldrei var hún hins vegar
við afgreiðslu í Apótekinu eins og dætur
hennar eftir að þær komust til vits og ára.
VII
EN MEST munaði þó æskulýðinn á
Króknum um hana Minnu. Hún stóð
fyrir margs konar námskeiðum fyrir
börn og unglinga og jafnvel fullorðnar
Sæluvikuveisla laust fyrir 1960. F.v.: Jófríður Björnsdóttir, Sigríður Friðriksdóttir, Gunnar
Þórðarson, Svafar Helgason, Minna og Geir Bachman. Bang stendur bak við þau.
Ljósm.: Úr einkasafni