Skagfirðingabók - 01.01.2015, Qupperneq 49

KRÓKSARARNIR FRÁ JÓTLANDI
49
– eins og lyfseðlar hétu ávallt þessi ár.
Oft kom Bang niður á slopp um tíu- eða
ellefuleytið þegar mikið lá við og blandaði
mixtúru – með sígarettu og kaffibolla
nærhendis. Allt þurfti síðan að vera klárt
áður en mjólkurbílarnir fóru úr bænum
fram í sveit, út á Skaga eða yfrum með
það sem bændur þurftu – hvort sem var
nú úttekt í kaupfélaginu eða hjá Haraldi
Júl. – eða mixtúra úr Apótekinu. Það
voru því tarnir í recepturnum og laboinu
og engin ró fyrr en um kl. átta að kvöldi.
Bang hafði þó jafnan varann á og í viku
hverri þurfti hann að afgreiða resept eftir
kvöldmat. Friðrik læknir Friðriksson
kom til starfa 1956 og hann breytti
viðtalstímum þannig að hann hafði ekki
móttöku fyrir sjúklinga seinni part dags
og því var Apótekinu lokað kl. 7 að kvöldi
eftir að hann tók við sjúkrahúsinu.
Það fór ekki fram hjá nokkrum manni
að Bang var stórreykingamaður. Hann
var alltaf með sígarettu milli fingra eða í
munnviki. Hann reykti m.a. tyrkneskar
sígarettur sem hétu Theofane, síðan
Lucky Strike og filterslausar Camel.
Gulur litur var á vísifingri og löngutöng
hægri handar. Sá sem hér skrifar man vel
eftir að hafa rétt honum resept sem hann
tók við með vinstri hendi og pírði augun
til að lesa gegnum reykinn. Þá sá hver
maður að Bang drakk ósköpin öll af kaffi
og var oft með þrjá bolla í takinu í einu,
einn inni í íbúð, annan í recepturnum eða
laboinu og þann þriðja frammi við kassa.
Öskubakkar voru þar líka nærhendis.
Hann opnaði sígarettupakkana þannig
að hann þurfti ekki að taka þá upp úr
vasa, heldur önglaði einni sígarettu í senn
upp úr hægri buxnavasa, bankaði henni
létt á handarbak vinstri handar, seildist í
Ronsonkveikjarann og tendraði, allt svo
sem meira af vana en skýlausri löngun í
nikótín eftir að leið á daginn.
Minna stjórnaði innan húss á heim-
ilinu og tók þátt í hvers konar félagsskap.
Hún var um meira en hálfrar aldar
skeið í kvenfélaginu og aldarfjórðung í
sóknarnefnd, starfaði einnig með félagi
sjálfstæðiskvenna á Króknum. Henni
Minna og Bang
sumarleg í Ebeltoft á
Jótlandi. Bang með
sígarettuna milli fingra.
Ljósm.: Úr einkasafni