Skagfirðingabók - 01.01.2015, Side 59

KRÓKSARARNIR FRÁ JÓTLANDI
59
sem maður hefði ekki heyrt afganginn.
Þetta er ágætt ráð, en við höfum hér í
Rotary ráð sem er ennþá betra, sem sé að
nota fjórprófið:
1. Er þetta satt?
2. Er það sanngjarnt gagnvart öllum
aðilum?
3. Vekur það góðhug og treystir
vináttu?
4. Verður það öllum hlutaðeigandi til
góðs?
Ég fyrir mitt leyti er viss um að engin
slúðursaga fær staðist þetta próf. Við
skulum vera sammála um að nota fjór-
prófið og þar með vinna að því að kveða
slúðurdrauginn niður fyrir fullt og allt.“
Þetta erindi rímar vel við þá lyndis-
einkunn Bangs að hann var mjög
orðvar og óáleitinn, afar fámáll um sína
einkahagi. Fjórprófinu hefur verið breytt
og er nú á þessa lund:
Er það satt og rétt?
Er það drengilegt?
Eykur það velvild og vinarhug?
Er það öllum til góðs?
XI
APÓTEK Á fyrri tíð eiga ekkert sam-
eiginlegt með nútímalyfjabúðum nema
nafnið og lyfsöluna. Nú eru engin lyf
framleidd í apótekum, öll meðul koma
nú í sérhönnuðum pakkningum með
innihaldslýsingu og leiðbeiningum, m.a.
um verkun og aukaverkanir. Í Apótekinu
hjá Ole Bang gegndi hins vegar öðru máli.
Ótal mixtúrur voru blandaðar á staðnum
og pillur taldar ofan í lítil lyfjaglös.
Brúnar flöskur af ýmsum stærðum, sem
Eyþór Stefánsson og Birgit handmáluðu
innihaldsmerkingar á með hvítu lakki,
voru hvarvetna í hillum í recepturnum
áðurnefnda, alls konar vökvar sömuleiðis
sem og í kjallaranum undir íbúðinni; úr
gamla Apótekinu var gengt þangað niður
og hleri fyrir gólflúgunni. Töflusláttarvél
var til í Apótekinu, en hún var ekki í
notkun að því er lifandi heimildarmenn
muna best. Töflur voru taldar í lítil
Bang og Minna á
árshátíð Rotaryklúbbs
Sauðárkróks ásamt
Brynjari Pálssyni,
tengdasyni sínum.
Ljósm.: Úr einkasafni