Skagfirðingabók - 01.01.2015, Side 61

KRÓKSARARNIR FRÁ JÓTLANDI
61
sem stúlkurnar höfðu mest saman að
sælda við, en Bang tók engan þátt í
heimilisstörfum, ekki fremur en aðrir
karlar á Króknum á þeim dögum.
En ekki komu allir í Apótekið til
þess að kaupa lyf. Ölkærir karlar og
konur leituðu þangað til þess að kaupa
brennsluspritt og var Bang á varðbergi
gagnvart því. Sigurlaug Sveinsdóttir
minnist þess að maður nokkur keypti
glas af kogara fyrir hádegi og þegar Bang
fór í hádegismat sagði hann: „Lauja!
Ef hann NN kemur aftur þá má ekki
selja hann meira“. Og karl kom og fékk
enga úrlausn og var orðljótur þegar
hann snerist á hæli. Ungir menn áttu
líka það erindi að kaupa smokka, en
voru heimóttarlegir. Þeim stóðu tvær
tegundir til boða. Bang var illa við að
afgreiða resept upp á amfetamín, en
fyrir kom að læknar ávísuðu þessu lyfi.
Eitt sumar komu slík resept undraoft
í Apótekið handa sama manni, en þó
aldrei frá Torfa lækni, en frá læknum í
öðrum plássum. En svo kom skyndilega
einn daginn lyfseðill frá Torfa fyrir
amfetamíni. Bang hringdi í lækninn og
þá kom í ljós að viðkomandi sjúklingur
hafði bankað upp á heima hjá Torfa og
þá stolið eyðublöðunum.
Í nýja Apótekinu.
Vibba stendur við
peningakassann.
Recepturinn er bak við
þilið til vinstri. Uppi
á því ber mortélið við
gluggann. Snyrtivörur
o.fl. undir gleri í
afgreiðsluborðinu.
Hreinlætis- og
snyrtivörur fyrir karla
sem konur í hillum t.h.
Ljósm.: Úr einkasafni