Skagfirðingabók - 01.01.2015, Qupperneq 85

DULRÆNAR SAGNIR
85
og víða í afréttinum því að ég sá að stór
puntur stóð upp úr snjónum og autt á
milli og slóð eftir kindurnar lá ofan af
brún og þangað sem þær stóðu. Þarna
hafði ég aldrei komið og vissi ekki hvar
þetta var. Þó var ég kunnugur öllum
fjöllum í Hjaltadal og hafði gengið á
öllum plássum í Kolbeinsdalsafrétt nema
Staðargöngum en þar fannst mér ég vera
í draumnum.
Um morguninn spurði Erlingur mig
enn sem fyrr og sagði ég honum draum-
inn. Hann taldi útilokað að þær gætu
verið á Staðargöngum eins og búið var
að leita þar. Ég fór að hugsa betur um
drauminn og mundi þá eftir slóðinni
sem ég sá niður hlíðina og sagði að
ærnar hefðu ekki verið þarna. Þær voru
nýkomnar niður og ég spurði hann hvort
nokkuð hefði verið leitað uppi á fjallinu
og sagðist hann aldrei hafa leitað þar en
taldi ekki útilokað að þær hefðu haldið
sig þar af því að tíðin var svo góð.
Daginn eftir kom Kári Steinsson
í Neðra-Ási og sagðist ætla fram í
Skriðuland um kvöldið og færi með
Kolbeini [Kristinssyni] bónda á Skriðu-
landi fram á Heljardal til að gera við síma.
Það varð úr að Erlingur fór með Kára og
skildi hann við þá neðan við Heljardalinn
og hélt áfram á Staðargöngur. Hann var
á skíðum og var kominn fram undir
botn á Staðargöngum í hálfbjörtu. Þá sér
hann eitthvað á hreyfingu fram í hlíðinni
Innri hluti Staðargangna á Austurdal Kolbeinsdals 26. júní 2011. Leiðarhnjúkana þrjá ber
við loft. Þeim hafa verið gefin nöfn. Frá vinstri talið: Ingólfur 1.303 m.y.s., Steingrímur 1.316
m.y.s., Eiður 1.278 m.y.s. Hægra megin á mynd er norðausturhlíð Tungufjalls
Ljósm.: Hjalti Pálssson