Skagfirðingabók - 01.01.2015, Side 98

SKAGFIRÐINGABÓK
98
hans eða amma, sem fékk hann til að sjá
líkið þegar búið var að ganga frá því í
kistuna og taldi hann það hafa hjálpað
sér síðar til að yfirvinna þann óhugnað
sem greyptist í vitund hans við að sjá
leifarnar á timburhlaðanum.10
Eftir þessa uppákomu var Jón gamli í
Móhúsi kallaður til. Hann kom að vörmu
spori og má geta sér til um tilfinningarnar
sem ólguðu í brjóstinu er hann horfði
á hryllilega útleikið lík þessa pilts sem
honum þótti kannski vænna um en allt
annað. En hann skaut yfir sig brynjunni
sem endranær. Enginn skyldi nokkru sinni
sjá Jón í Móhúsi beygja af. Þeir Bæjarmenn
ræddu um að færa líkamsleifarnar heim í
Bæ til aðbúnaðar. Þá rétti Jón gamli úr
bakinu og kvað upp með þrumuraust:
„Nei, hann fer heim. Hann hefur aldrei
verið stofuborinn í Bæ.“ 11
Björn Jónsson í Bæ nefnir þetta slys
og eftirmál þess nokkrum sinnum í dag-
bók sinni. Þann 19. febrúar 1942 var
gott veður. Björn reri með vinnumanni
sínum norður að Kaldbak og fékk góðan
afla. Síðan bætir hann við: „Nonni frá
Móhúsi, sem kom heim með Skafta í
gær, fór í morgun á skyttirí á pramma og
kom ekki aftur, hefir drukknað.“ – 20.
2.: „Ágætt veður. Leituðum allan daginn
að Nonna. Sótti eina ferð af salti í kveld.“
– 21. 2.: „Leituðum átta í Þórðarhöfða.“
– 22. 2.: „Austanátt. Fór inn í Óslands-
hlíð í erindum Fóðurbirgðafélagsins.
Pramminn sem Nonni var á rak vestur
á Skaga.“ – 23. 3.: „Sunnan, rigndi mjög
mikið fyrripartinn. Kistulagðar leifar
af Jóni Margeir.“ – 27. 3.: „Sunnan
frost-stormur. Jarðaður Jón Margeir frá
Móhúsi sem drukknaði 19. febrúar en
fannst fyrir nokkrum dögum, þ.e.a.s.
partur af honum.“ 12
Þegar þetta gerðist var móðir Jóns
Margeirs vinnukona í Bæ. Hún hafði
Kaplavík yst í
Þórðarhöfðanum. Þar
telja flestir að líkamsleifar
Jón Margeirs hafi fundist
reknar upp í fjörumölina.
Ekki er þó óyggjandi
að Kaplavík sé rétti
staðurinn. Enginn er til
frásagnar um það lengur.
Ljósm.: Hjalti Pálsson
10 Jón Björnsson á Hellulandi, viðtal við höfund 8. maí 1997.
11 Friðrik Antonsson á Höfða í viðtali við höfund 5. júní 2014.
12 HSk. 441, folio: Dagbók Björns Jónssonar í Bæ.