Skagfirðingabók - 01.01.2015, Side 117

117
BJÖRN JÓNSSON Í BÆ
FROSTAVETUR
Þáttur þessi er í handriti Björns sem ber safnnúmerið HSk. 2148 4to og er þar í tveimur gerðum sem
hér hafa verið felldar efnislega saman í eina og orðalagi örlítið vikið til á stöku stað af þeim sökum.
Greinilega hefur Björn stuðst við dagbækur sínar og ber frásögnin því vitni á stöku stað. Björn var
fæddur 1902, og hefur því verið 15–18 ára þegar þessir atburðir gerðust. Ritstjórn setti millifyrirsagnir
og viðbætur og skýringar í hornklofum eru frá henni komnar.
Ritstjórn
1917–1919
FYRIR JÓL 1917 kom gufuskipið Sterling
inn á Skagafjörð með svokallaðan
Landsverslunarmat. Landsverslun var
stofnuð haustið 1917. Matvara þessi átti
að skipast upp á Hofsós og Sauðárkrók
og skiptast niður á öll heimili eftir
fólksfjölda og ástæðum. Oddvitar höfðu
úthlutun hver í sínum hreppi. Þar sem
sunnan stormur var þegar Sterling kom
á Skagafjörð var öllum matnum skipað
upp á Sauðárkrók. Af þessu leiddi mjög
mikla erfiðleika eins og síðar verður frá
sagt. Strax um áramótin gerði stórhríð
með ofsastormi af norðri en kvikulaust
var að mestu.
„Moldviðurs stórhríð með hörku
frosti.“ Þetta eru tilsvör vinnumanna
föður míns dag eftir dag. Strax upp úr
Gufuskipið Sterling. Það var keypt af
Thorefélaginu 1906 en hóf siglingar
til Íslands í marsmánuði 1907 og var
um langt skeið best búna farþegaskip
í Íslandsferðum með rými fyrir 86
farþega á tveimur farrýmum. Skipið
var 1.030 rúmlestir að stærð, smíðað
árið 1890 með 800 hestafla gufuvél
og gekk 10–11 mílur, búið raflýsingu
um allt skip og ýmsum þæginum. Árið
1917 varð Sterling fyrsta strand-
ferðaskip íslenska ríkisins og því nýlega komið í þjónustu þess er það kom til Hofsóss fyrir jólin
1917. Þau urðu endalok Sterling að það strandaði á svokölluðum Stýrimannsboða við Brimnes
við Seyðisfjörð 1. maí 1922. Mannbjörg varð en skipið ónýttist.
Mynd af neti