Skagfirðingabók - 01.01.2015, Page 151

FRÁ BÆNDANÁMSKEIÐINU Á HÓLUM 1925
151
Mundi [Guðmundur Z. Eiríksson]
í Nesi [Villinganesi] var settur á
„Náströnd“ og þó nafnið sé ljótt hefir
það „herbergi“ margt gott til brunns
að bera, en stærsti kosturinn er sá að
glugginn snýr að fjölfarnasta strætinu, og
notaði Mundi hann óspart og kunnugir
sögðu að hann hefði seinast verið orðinn
fullt svo leikinn að tala með augunum
eins og munninum.
Eins og leiðir af sjálfu sér var síra
Tryggvi [Kvaran á Mælifelli] settur hjá
höfðingjunum á „Svaðastaði“ því þar
voru undirsængur og önnur lífsþægindi,
en eftir að höfðingjarnir fóru að halda þar
til, brá svo undarlega við að kvenfólkið
fór að kalla „herbergið“ „Svínastíuna“.
Það gekk nú klámi næst.
Matarvistin á námskeiðinu var ágæt.
Tvisvar á dag drykkir með nægu brauði
og tvívegis matur – og áreiðanlega
var mjólkursykurinn ekki sparaður,
enda þurftu fæstir að kvarta um tregar
hægðir. Kamrarnir voru heimsóttir
jafnt að nóttu sem degi og hefði þótt
sumstaðar stórþægindi að hafa slíka
klefa í „herbergja“ haminum [orðið er
illlæsilegt í handriti].
Námskeiðið byrjaði sunnudaginn
1. mars rétt klukkan 10½ með því að
síra Tryggvi messaði. Lagði hann út af
þjónslundinni og sagðist vel að vanda.
Friðbjörn Traustason [kennari á Hólum]
spilaði og blandaður „kór“ söng og
tókst það mjög vel. Meðhjálpari var
Gunnlaugur [Jónsson] í Víðinesi og las
hann bænina á undan og eftir og endaði
með am-en-e. Hringjari var Grímur
[Eiríksson] á Hofi og barði hann stóru
klukkuna svo þrælslega að margir fengu
loku fyrir eyrun og þ[ótti] þar kenna
meira kapps en listar.
Þar næst flutti Páll Z[óphoniasson]
erindi sem hét „Bóndi er bústólpi, bú
er landstólpi“. Var það svo hrífandi að
ungir og gamlir fylltust brennandi áhuga
fyrir velferð landbúnaðarins. Næst talaði
S[igurður] S[igurðarson] ráðunautur um
tryggingar búfjár. Vildi hann láta tryggja
allan búpening, sérstaklega kýr og graða
Guðmundur Z. Eiríksson
Villinganesi.
Eig. myndar: HSk.
Páll Zóphoniasson
skólastjóri á Hólum
reiðbúinn á hesti sínum.
Eig. myndar: HSk. Cab. 971
Séra Tryggvi Kvaran
Mælifelli.
Eig. myndar: HSk. Cab. 903