Skagfirðingabók - 01.01.2015, Blaðsíða 157

FRÁ BÆNDANÁMSKEIÐINU Á HÓLUM 1925
157
Hófkirkjan er hættuleg,
hana þekkja allir.
Og Jónas á Hofdölum kvað:
Ó mér leiðist þetta þóf,
þar var lítt að bótum.
Maðurinn þyrfti að hafa hóf
helst á báðum fótum.
Skömmu síðar söng Bænda „kórinn“
í kirkjunni, en að því loknu flutti Jón
[Sigurðsson] á Ystafelli langt erindi um
samvinnu„pólitík“. Um það urðu svo
langar umræður og hömuðust flestir
meiri mennirnir á tíkinni langt fram á
nótt.
6. mars. Byrjaði Árni Eylands að
tala um verkfærin. Þar næst Jósef um
framræslu, bændur og vinnufólk, var þar
ekkert nýmæli nema ráðlegging til bænda
um að meta hvert skítti til peninga er
þeir láta af mörkum við vinnendurna, en
hafa svo kaupið hærra.
Þar næst skýrði Páll Zóphoniasson
frá gerðum búnaðarþingsins og í sam-
bandi við það hrossarækt. Sagði svo
námskeiðinu slitið og þakkaði mönnum
komuna og fleira. Tók þá til máls Sig-
urður [Björnsson] á Veðramóti og
þakkaði öllum ræðumönnum, nema
Jóni á Ystafelli, fyrir sig og aðra. Var þá
námskeiðið búið og þakkaði einn maður
Páli með þessari vísu:
Þó mig skorti vit og völd
og viljinn sé úr deigu stáli,
mun ég þakka þessi kvöld
þrjótinum honum svarta Páli.
Stóð þá til messu hjá sr. Guðbrandi
[Björnssyni í Viðvík] og þar næst þorra-
blótið og um það verður ekki getið
í þetta sinn. En þó skal þess getið í
örfáum dráttum að þorrablótsnóttina
var hin umrædda tík búin að eiga hvolp.
Þótti hann hafa mikinn svip af Páli
Erlendssyni [á Þrastarstöðum] þó hann
raunar hefði gefið sig lítið að tíkinni.
Urðu þeir sárgramir sem mest þóttust
Stefán Jónsson
Höskuldsstöðum.
Eig. myndar: HSk. Vis 4032
Sigurður Björnsson
Veðramóti.
Eig. myndar: HSk. Vis. 1212
Tómas Jóhannsson
kennari Hólum.
Eig. myndar: HSk. Cab. 2264