Skagfirðingabók - 01.01.2015, Qupperneq 180

SKAGFIRÐINGABÓK
180
á bekk með höfuðið undir útvarpinu.
Við borðið sat veiki Norðmaðurinn
og svaf. Stór klukka var á veggnum og
gekk hún hægt. Skipið var á fimm mílna
hraða. Áhöfnin sinnti okkur Gunnari
og leið okkur mjög vel um borð. Eftir
fimm sólarhringa ferð komum við 23.
ágúst til Álasunds. Þar var mannmargt
á Skansekaja (hafnarbakkanum) til að
taka á móti skútunum. Um borð í Aar-
vak var lifandi ísbjörn í kassa, ásamt 500
skinnum og 85 fötum af hákarlalýsi.
Allur bærinn ruggaði þegar við fórum í
land, við vorum með sjóriðu. Við gistum
á Grand Hotel, þar sem mamma og
pabbi gátu loks þvegið sér og skipt um
föt. Helmingurinn af fólkinu af Rovenu
var líka þar og hinn á Ungdomsheimen.
Við hljótum að hafa farið með rútu
út með fjörðum til Åndalsnes og tókum
þar lestina yfir Dombås til Oslóar.
Þar gistum við hjá frænku pabba, en
mamma og pabbi voru orðin auralaus.
Hitabylgja var í Noregi og mamma sagði
að þegar ég áttaði mig á að fólk starði
á mig í sporvagninum þar sem ég stóð
með vettlinga, reyndi ég að smeygja
þeim niður í vasann. Við Gunnar
vorum í Íslandsgöllunum sem mamma
hafði saumað upp úr kápu um vorið.
Vegabréfið hennar mömmu er stimplað
í Svíþjóð 26. ágúst, eftir 11 daga ferð frá
Siglufirði.
Síðari sambönd við Sunnmæri
Í DESEMBER 1947 sendi pabbi öllum
mönnunum á Furenak myndabók um
Svíþjóð og í henni ljósmynd af okkur
Gunnari. Skipsstjórinn, Erling Lervik,
Olíumynd af Furenak á Ishavsmuseet í Brandal.
Ljósm.: Nanna Hermansson