Fréttatíminn - 11.03.2016, Blaðsíða 2

Feðgarnir Alexander Jóhannes-
son og Valur Alexandersson fyrir
framan sambýlið á Sæbraut á
Seltjarnarnesi sem Reykjavíkur-
borg ætlar að loka. Alexander
sagðist hafa skrifað þeim bréf
og lýst sínum tilfinningum vegna
lokunarinnar en bréfið hefur
greinilega ekki ratað inn á borð
bæjarstjórans sem segist hafa
lesið um málið í Fréttatímanum.
Hjallastefnan ætlar að bjóða
upp á leikskóla fyrir níu
mánaða börn í Reykjavík
Garðabæ og Hafnarfirði.
Framvegis mun fyrirtækið
einbeita sér að yngstu börn-
unum.
Þóra Kristín Ásgeirsdóttir
tka@frettatiminn.is
„Ég er búin að vera í skólastarfi
fyrir börn í 40 ár og aldrei heyrt
annað orð en niðurskurður,“ segir
Margrét Pála Ólafsdóttir, stofnandi
Hjallastefnunnar. Hún er tekin við
sem framkvæmdastjóri í kjölfar
fjárhagserfiðleika og endurskipu-
lagningar fyrirtækisins. Ný stjórn
tók við keflinu á aðalfundi félags-
ins en formaður hennar er Þórdís
Sigurðardóttir.
Hjallastefnan lagði niður mið-
stigið í Reykjavík í fyrravor og í
vetur á Vífilsstöðum. Miðstigið
í Hafnarfirði hefur verið á til-
raunastigi en nú hefur verið tekin
ákvörðun um að hætta því líka.
„Þetta er mikil stefnubreyting en
við ætlum í framtíðinni að einbeita
okkur að yngstu börnunum,“ segir
Margrét Pála. „Mér finnst þetta
persónulega mjög erfitt og sárt
gagnvart börnum og foreldrum.
Ég grét eins og barn við skólaslitin.
Það er held ég í eina skiptið sem ég
hef grátið opinberlega.“
Margrét Pála segir að fjárhags-
mál fyrirtækisins séu flókin,
meðal annars vegna samninga við
sveitarfélög og lögbundin framlög
til skólanna. „Við viljum ekki mæta
þessu með hærri skólagjöldum, en
það er óhjákvæmilegt að bregðast
við miklum niðurskurði til leik- og
grunnskólanna,“ segir Margrét
Pála og segir það afar sársaukafullt
og það séu ekki allir sáttir. „Meira
að segja ég verð stundum að gefast
upp.“
Margrét Pála er þó ekki búin að
leggja árar í bát. Hún segir að nú
verði róið á ný mið, nú sé ætlunin
að skapa valkost fyrir foreldra
sem eru að bíða eftir leikskóla.
Hjallastefnan ætli framvegis að
bjóða upp á leikskólavist fyrir
níu mánaða börn í Reykjavík og
Hafnarfirði en það hefur ekki verið
í boði nema hjá Hjallastefnunni
í Garðabæ. „Við ætlum semsagt
að einbeita okkur að aldrinum 6
mánaða til 9 ára, og ég taldi rétt að
eigandinn og stofnandinn stæði í
brúnni þegar verður alger stefnu-
breyting. Stjórnin fór í góðri sátt
og vináttu og við erum að fá fleira
skólafólk í lið með okkur og þrátt
fyrir allt er ég glöð og bjartsýn á að
við náum markmiðunum.“
Þrátt fyrir erfiðleikana hyggur
Hjallastefnan á uppbyggingu í
Reykjavík. Hún hafði fengið út-
hlutað lóð í Fossvogi til að reisa
nýjan skóla en íbúarnir settu sig
upp á móti því. „Ég tel að íbúarnir
eigi að ráða þessu og borgin ætlar
að aðstoða okkur við að finna
annan stað,“ segir Margrét Pála
Ólafsdóttir.
kemur HeILSuNNI í Lag
eIN tafLa á dag SykurLauSar íSLeNSk framLeIðSLa
Seltjarnarnes Bæjarstjórinn segist ekki hafa vitað um lokun sambýlis fyrir einhverfa
„Maður kemur ekki svona fram“
Bæjarstjórinn á Nesinu segir
að sér hafi verið afskaplega
brugðið vegna fréttar um
lokun sambýlis fyrir ein-
hverfa í bænum.
Þóra Kristín Ásgeirsdóttir
tka@frettatiminn.is
„Maður kemur ekki svona fram,“
segir Ásgerður Halldórsdóttir,
bæjarstjóri á Seltjarnarnesi. Hún
hefur kallað eftir fundi með stjórn-
endum velferðarsviðs borgarinnar
vegna lokunar sambýlis fyrir ein-
hverfa á Nesinu. Seltjarnarnes á í
samstarfi við Reykjavíkurborg um
málefni fatlaðra en Ásgerður segir
að þessi ákvörðun hafi verið tekin
án samráðs. „Það eru ekkert annað
en hreppaflutningar, þegar svona
ákvörðun er tekin um framtíð ein-
staklinga án samþykkis og sam-
ráðs.“
Í Fréttatímanum fyrir viku var
rætt við föður einhverfs manns
sem býr á sambýlinu við Sæbraut
sem hefur verið starfrækt í 20 ár.
Loka á sambýlinu og flytja íbúana í
íbúðir í Breiðholti, vegna ítrekaðra
vanefnda bæjaryfirvalda á Sel-
tjarnarnesi í viðhaldsmálum auk
þess sem nýju íbúðirnar þykja
samræmast betur stefnu
í búsetumálum fatlaðra.
Faðirinn segir hinsvegar
að hann geti ekki hugsað
sér að sonurinn flytji burt
frá umhverfinu sem hann
þekkir, fjölskyldu sinni og
vinum.
Ásgerður mótmælir
því að viðhaldi hafi
ekki verið sinnt. Hún
segist ekki hafa vitað
um lokun sambýlisins
fyrr en hún las um hana í Frétta-
tímanum fyrir viku. „Mér var af-
skaplega brugðið,“ segir hún.
„Ég hafði aldrei heyrt minnst
á þetta mál. Auðvitað eigum
við að standa vörð um rétt-
indi heimilisfólksins til að
búa áfram á heimili sinu, ef
það kýs það. Það á ekki að
flytja fólk nauðugt milli
sveitarfélaga. Ég mun
aldrei samþykkja það.“
Við viljum
ekki mæta þessu
með hærri
skólagjöldum.
Hjallastefnan Horfið frá skóla fyrir eldri en níu ára
Margrét Pála grét eins
og barn við skólaslitin
Ásgerður Halldórsdóttir,
bæjarstjóri.
Mér finnst þetta persónulega mjög sárt og erfitt gagn-
vart börnunum, segir Margrét Pála.
Mynd | Hari
Hjallastefnan
Hjallastefnan tapaði 187 millj-
ónum króna á síðasta skólaári
sem er talsverð breyting frá
skólaárinu 2013-2014 þegar fé-
lagið hagnaðist um 42 milljónir
króna. Margrét Pála Ólafsdóttir,
stofnandi Hjallastefnunnar, á
79,7 prósent hlutafjár í fyrirtæk-
inu en hluthafar eru alls 19.
Niðurstöður úr stórri rannsókn ÍE væntanlegar
Íslenska þjóðin er
að verða vitlausari
Kári Stefánsson, forstjóri Íslenskrar
erfðagreiningar, segir að Íslending-
ar séu smám saman að verða vit-
lausari. Niðurstöður úr margra ára
rannsókn fyrirtækisins á þessari
hnignun þjóðarinnar eru væntan-
legar í erlendu vísindatímariti á
næstunni.
Kári segir að fólk eignist því færri
börn sem það hefur meiri menntun
og það hafi hægt og hljótt þessar af-
leiðingar til langframa. Hann segir
að þetta sé ógnvekjandi þróun og
ekki ýkja hægfara í augum vísinda-
manna. Það muni svona hálfu
staðalfráviki á öld. Þeir Íslendingar
sem séu uppi núna ættu því að
njóta þess að vera talsvert greind-
ari en næsta kynslóð, jafnvel þótt
þeir séu ekkert sérstaklega klárir í
kollinum. | þká
Kári Stefánsson, forstjóri Ís-
lenskrar erfðagreiningar.
Tvöfalt fleiri hælisleitendur
Áttatíu og sjö flóttamenn sóttu um
hæli á Íslandi í janúar og febrúar
eða jafnmargir og fyrstu sex mán-
uði ársins í fyrra. Í febrúar bárust
38 umsóknir um hæli á Íslandi frá
einstaklingum frá ellefu löndum
og einum ríkisfangslausum hælis-
leitenda. Til samanburðar bárust 15
hælisumsóknir í febrúar árið 2015
þannig að um er að ræða rúmlega
tvöföldun á fjölda umsókna miðað
við sama tímabil í fyrra.
Sjö kynferðisbrot á
skemmtistöðum á síðasta
ári, þar af þrjú á Prikinu.
Á síðasta ári leituðu sjö einstak-
lingar til neyðarmóttöku fyrir þol-
endur kynferðisbrota vegna brota
sem framin voru á skemmtistöð-
um í Reykjavík. Í þremur tilvikum
voru brotin framin á Prikinu.
„Oftast er verið að elta fólk inn á
salernið og það er mjög alvarlegt
að fólk skuli ekki vera öruggt inn á
svona stöðum,“ segir Eyrún Jóns-
dóttir, hjá Neyðarmóttökunni.
Anna Kristinsdóttir, mannrétt-
indastjóri Reykjavíkur, hyggst
kalla eftir upplýsingum um málið.
Eigandi og rekstrarstjóri Priks-
ins líta málið alvarlegum augum.
„Prikið er vinsæll skemmtistaður
og einhver mál hafa komið upp
í gegnum tíðina. Við könnumst
samt ekki við að mál hafi komið
upp nýlega. En þegar ofbeldi er
framið á Prikinu höfum við tekið
sterka afstöðu með þolendum
og það eru engin frávik á þeirri
stefnu. Við sýnum kynferðisbrot-
um enga þolinmæði og þau eru
ekki óhjákvæmilegur fylgifiskur
skemmtanalífs,“ segir Geoffrey Þór
Huntingdon-Williams, rekstrar-
stjóri Priksins.
„Ég á sjálfur fimm ungar stelpur
og tek svona mál mjög alvarlega.
Ég harma að þau koma því miður
upp hjá okkur, eins og á öðrum
skemmtistöðum í bænum, segir
eigandi Priksins, Guðfinnur Sölvi
Karlsson.“
Aðspurður sagðist Árni Þór Sig-
mundsson, yfirmaður kynferðis-
brota hjá lögreglunni í Reykjavík,
ekki kannast við að fleiri tilfelli
komi upp á Prikinu en á öðrum
skemmtistöðum í Reykjavík. -þt
Flest kynferðisbrot á Prikinu
2 | fréttatíminn | Helgin 11. mars–13. mars 2016