Fréttatíminn - 04.06.2016, Síða 53

…ferðir
kynningar
13 | amk… LAUGARDAGUR 4. JÚNÍ 2016
Unnið í samstarfi við
gistiheimilið Malarhorn
Við hjónin fórum út í ferðaþjónustu árið 2007 og opnuðum gistiheim-ilið Malarhorn sem er á
fallegum stað við sjóinn í mynni
Steingrímsfjarðar við Húnaflóa á
Ströndum,“ segir Ásbjörn Magn-
ússon sem rekur Malarhorn ásamt
eiginkonu sinni, Valgerði Magn-
úsdóttur.
„Við höfum stækkað mikið síð-
an við byrjuðum og erum núna
með gistipláss fyrir 48 manns. Við
erum með þrjú hús, 10 herbergja
hús þar sem hvert herbergi er
með sér inngangi, snyrtingu og
sturtu. Það er hljóðeinangrun á
milli herbergja og góð loftræsting.
Í öðru húsi eru fjögur tveggja
manna herbergi með aðgangi að
snyrtingu og sturtu. Þar er set-
ustofa og góður sólpallur með
gasgrilli sem gestir geta notað. Í
þriðja húsinu er íbúð með aðgengi
fyrir fatlaða, fjögur 2 manna her-
bergi með baði, eitt fjölskylduher-
bergi og svo eitt lúxusherbergi,“
segir Ásbjörn.
Í fjöruborðinu, örstutt frá
gistiheimilinu, eru þrír heitir
pottar. „Þeim var komið fyr-
ir þegar heitt vatn fannst á
Drangsnesi árið 1997 og hafa
verið afskaplega vinsælir bæði
hjá ferðamönnum og heimafólki.
Það stendur ekki til að fjarlægja
þá þó byggð hafi verið glæsileg
sundlaug hérna.“
Ásbjörn segir nóg vera um góð-
ar gönguleiðir á svæðinu. „Það er
merkt gönguleið upp á fjallið okk-
ar hérna, Bæjarfell. Svo er virki-
lega gaman að ganga ströndina
við Bjarnanes, þar er margt
áhugavert og fallegt að sjá. “
Frá og með 15. júní er boð-
ið upp á siglingar út í Grímsey í
Steingrímsfirði. „Það er svona
sjö mínútna sigling út í eyjuna,
svo er farið í kringum hana og til
dæmis fjölbreytt fuglalífið skoð-
að. Grímsey er mikil náttúruperla
og þar er eitt stærsta lundavarp
á Íslandi. Einnig býð ég upp á
sjóstangaveiði,“ segir Ásbjörn.
Ásbjörn og Valgerður reka líka
veitingastaðinn Malarkaffi sem
tekur 60 manns í sæti og opið
er yfir allt sumarið. „Þar erum
við með morgunverðarhlaðborð,
hádegismat, kvöldmat og kaffi-
veitingar. Á Malarkaffi eru svo
svalir með frábæru útsýni yfir
Steingrímsfjörð og út í Grímsey.“
Gistiheimili á
fallegum stað við sjóinn
Sigla með ferðamenn til Grímseyjar og bjóða upp á sjóstangaveiði
Gistiheimilið er huggulegt
með góðu útsýni.
Gistiheimilið Malarhorn er á fallegum stað við sjóinn.
Þ
að verður enginn svik-
inn af því að heimsækja
Vestfirði, hvorki fjöl-
skyldufólk eða aðrir.
Nóg er að sjá og skoða og
margir viðkomustaðir sem enginn
ætti að láta framhjá sér fara.
Raggagarður í Súðavík
Það er vart hægt að fara til Súðavík-
ur án þess að koma við í Ragga-
garði. Raggagarður er virkilega
skemmtilegur garður fyrir alla
fjölskylduna. Í garðinum eru bekk-
ir og borð ásamt grilli sem gestir
geta notað. Nóg af leiktækjum er í
garðinum, þar sem bæði börn og
fullorðnir geta sleppt fram af sér
beislinu. Raggagarður er einnig
með mini-golfbrautir hjá Melrakka-
setrinu í Súðavík og þar er hægt að
leigja bæði kúlur og kylfur.
Skrúður við Núp í Dýrafirði
Skrúður er grasa- og trjágarður
innan við Núp í Dýrafirði. Til listi-
garðsins var stofnað af séra Sig-
tryggi Guðlaugssyni en hann var
skólastjóri Unglingaskólans á Núpi
frá 1907-1929. Skrúður er sérstök
perla á norðanverðum Vestfjörð-
um sem enginn ætti að láta fram-
hjá sér fara.
Litlibær í Skötufirði
Litlibær í Skötufirði er torfbær sem
reistur var árið 1895 af tveimur
fjölskyldum sem bjuggu í húsinu,
bærinn fór svo í eyði í kringum
árið 1969. Árið 1999 lét Þjóðminja-
safn Íslands endurbyggja bæinn
og er hann nú vinsæll áfangastað-
ur fyrir ferðamenn. Litlibær er op-
inn alla daga yfir sumartímann og
hægt er að fá leiðsögn um hann.
Horfðu á sólsetrið í flæðarmálinu
Mörgum ferðalöngum þykir það
alveg nauðsynlegt að geta komist
í sund þegar ferðast er um landið.
Það ætti að vera hægðarleikur á
Vestfjörðum, enda sautján sund-
laugar skráðar í þeim landshluta
á vefnum sundlaug.is. Sem er
magnað í ljósi þess að vatn þarf að
hita upp með rafmagni á ýmsum
stöðum. Innilaugar eru á nokkrum
stöðum og þykir sundlaugin í
íþróttamiðstöðinni á Þingeyri
einkar glæsileg.
Fyrir þá ævintýragjarnari er
vert að vekja athygli á hinni stór-
skemmtilegu Krossaneslaug sem
er í flæðarmálinu í Norðurfirði.
Um er að ræða litla laug og heitan
pott ásamt búningsklefum. Rukk-
að er inn í laugina og gert er ráð
fyrir því að gestir skilji eftir þar til
gert gjald í bauk í búningsklefun-
um. Í góðu veðri er guðdómlegt að
láta þreytuna líða úr sér í lauginni
og jafnvel fylgjast með sólsetr-
inu, ef maður er á svæðinu á þeim
tíma.
Skemmtilegir
viðkomustaðir
fyrir fjölskylduna
Fjölskyldan getur komið víða við til þess
að njóta lífsins á Vestfjörðum
Skrúður er glæsilegur skrúðgarður.
Litlibær í Skötufirði.