Fréttatíminn - 12.11.2016, Blaðsíða 6

6 | FRÉTTATÍMINN | Laugardagur 12. nóvember 2016
Sögur af veginum
Frá því á níundu öld hafa pílagrímar
gengið Jakobsveginn til Santiago
de Compostela. Fólk fer veginn af
misjöfnum ástæðum en langflestir
eiga það sameiginlegt að standa á
einhverskonar tímamótum.
„Ég ákvað þetta með tveggja vikna
fyrirvara, fór í nokkrar fjallgöng­
ur, las mér til og bara bókaði miða,“
segir Kristín Eysteinsdóttir Borgar­
leikhússtjóri en hún gekk Jakobs­
veginn árið 2011, ein á fjórum vik­
um.
„Upphaflega var það Kata, kon­
an mín, sem ætlaði í þessa ferð
því hana hafði lengi dreymt um
að ganga þetta en vorið 2011 var
hún kosin í Stjórnlagaráð en ég var
með mánuð í frí á milli verkefna
og ákvað að fara,“ segir Krístín og
bætir því við að þessi ganga henti
vel fyrir þá sem vilji ekki plana of
mikið. „Ég fór í maí, sem er ekki
háannatími, og þurfti því ekk­
ert að bóka gistingu. Maður fær
pílagrímapassa í upphafi ferðarinn­
ar og sýnir hann í klaustrum til að
Ferðin mikilvægari en áfangastaðurinn
„Af hverju að ganga
rúma 700 km á einum
mánuði þegar þú getur
tekið einn dag í að
keyra?“
Kristín Eysteinsdóttir
lét gamlan draum
eiginkonu sinnar
rætast og gekk
Jakobsveginn ein á
fjórum vikum.
Halla Harðardóttir
halla@frettatiminn.is
„Í lífinu erum við alltaf að reyna að komast stystu mögulegu leið að einhverju
markmiði því nútíminn er þannig að við viljum helst fá skyndilausnir,“ segir Kristín
Eysteinsdóttir sem gekk ein tæpa 800 kílómetra á fjórum vikum. Mynd | Hari
fá gistingu og þau eru alla leiðina
með mjög jöfnu millibili. Ég planaði
bara einn dag í einu og náði að vera
bara algjörlega í mómentinu. Ég
velti því mikið fyrir mér hvort það
væri sniðugt að fara ein og vera í
heilan mánuð en það var alveg frá­
bær ákvörðun. Það er svo ótrúlega
magnað að gera þetta einn og ef
maður vill félagsskap þá er hann
mjög auðfenginn. Maður hittir svo
mikið af skemmtilegu fólki þegar
maður er að ganga. Þetta var algjör­
lega stórkostleg upplifun og eitt af
því besta sem ég hef gert.“
Líkamlegt og andlegt tímabil
„Maður gengur í gegnum mismun­
andi stig og ferðin skiptist eig­
inlega niður í tvö tímabil,“ segir
Kristín sem byrjaði í Pamplona og
gekk þaðan tæpa 800 kílómetra til
Santiago de Compostela. „Fyrstu
tíu dagana er maður mest í líkam­
anum, með harðsperrur og blöðr­
ur og stöðugt þreyttur. Ég var með
mikið af hljóðbókum með mér
sem ég hlustaði stöðugt á, á þessu
tímabili. En á seinna tímabilinu fer
maður yfir í andann. Þá er líkaminn
kominn í þennan rytma og gangan
verður ekkert mál, maður bara
tætir 35 kílómetra á dag án þess
að finna fyrir því. Þá vildi ég ekki
hlusta á neina tónlist né hljóðbækur
heldur bara á náttúruna.“
„Það er mjög mikilvægt að vera
með léttan poka og það er talað um
að maður megi ekki vera með meira
ein 10% af eigin líkamsþyngd í pok­
anum til að njóta þess að ganga.
Það eru mjög margir sem byrja með
allt of þungan poka og henda svo
úr honum á leiðinni og enda með
nánast ekkert, svo pokinn verður
dálítið eins og myndlíking fyrir líf­
ið sjálft.“
Erum alltaf að leita skyndilausna
„Ég eignaðist mjög góða vini á
göngunni og við gengum saman inn
í Santiago síðasta daginn. Í hópn­
um var franskur maður sem var ný­
kominn á eftirlaun. Hann kvaddi
konuna sína og gekk út af heimili
sínu í París, klæddur í venjulega
skó og gallabuxur og byrjaði bara
að labba. Flestir eru að labba af ein­
hverri ástæðu, hvort sem hún er lík­
amleg eða andleg, og maður heyr­
ir ótrúlegar sögur á leiðinni. Fólk
er ekkert í „small­talki“ heldur fer
oftast beint í að segja sögur af sínu
lífi svo maður tengist mjög nánum
böndum. En ef maður vill einveru
þá er það líka mjög auðvelt.“
„Það er eitthvað sem gerist við
hugann á manni að ganga í svona
langan tíma, maður núllstillist og
kemst í þetta núvitundarástand. Í
lífinu erum við alltaf að reyna að
komast stystu mögulegu leið að ein­
hverju markmiði því nútíminn er
þannig að við viljum helst fá skyndi­
lausnir. Af hverju að ganga rúma
700 km á einum mánuði þegar þú
getur tekið einn dag í að keyra? Það
er vegna þess að fyllingin sem kem­
ur við það að gera hlutina hægt er
svo rosalega mikils virði, þú færð
svo mikla endurgjöf. Og það er
þannig með allt í lífinu, hvort sem
það er sambandið eða hversu mikl­
um tíma þú eyðir í að undirbúa
máltíð. Ferðin sjálf er miklu mikil­
vægari en áfangastaðurinn.“
Jakobsvegurinn er í raun margar leiðir sem byrja þar sem ferðamaðurinn
ákveður að leggja af stað í átt til Santiago de Compostela í Galicia-héraði á Spáni.
Nokkrar leiðir liggja um Spán, Frakkland og Portúgal eftir því hvaðan verið er
að koma en sú leið sem kallast „franska leiðin“ er vinsælust og liggur hún frá
landamærum Frakklands í gegnum Pamplona, Burgos og León til Santiago de
Compostela þar sem sagan segir að líkamsleifar heilags Jakobs séu grafnar. Elstu
heimildir um komu pílagríma til borgarinnar eru frá 9. öld.
Úrvalið af Lifeplan finnur þú í verslunum Lyfju og í Heilsuhúsinu
Korean Ginseng
Kröftugur og náttúrulegur orkugjafi