Fréttatíminn - 12.11.2016, Page 46

46 | FRÉTTATÍMINN | Laugardagur 12. nóvember 2016
Dansinn leið til að losna
við kvíða og þunglyndi
Einhver sagði að hláturinn lengdi lífið en getur verið að það sama eigi við
um dans? Fréttatíminn talaði við fólk sem elskar að dansa og ræðir um
hvers vegna og hvaða þýðingu dansinn hefur fyrir það. Vel má vera að
erfitt sé að sanna hvort dansinn lengi lífið en eitt er þó víst: Fátt er betra en
að dansa.

Birna Guðmundsdóttir
birna@frettatiminn.is
Hildur
segir
mikilvægt
að dansa
ljótt og taka
mikið pláss.
Mynd | Rut
Anna Mar-
grét segir
dansinn
vera leið til
að tengjast
líkamanum
og sjálfum
okkur. Mynd
| Rut
Björg stundar
hugleiðslu og
segir hana
og dansinn
haldast í
hendur.
Mynd |
Rut
Gabríel segir dansinn losa um gleðiefni
líkamans. Mynd | Rut
Úlpudansinn er
bestur
„Það besta í heimi er að úlpu-
dansa,“ segir Hildur Elísa Jónsdóttir
myndlistarnemi sem veit fátt betra
en að fara allsgáð niður í bæ í stórri
úlpu og dansa á skemmtistöðum
bæjarins.
„Þegar maður
úlpudansar á
maður helst að
dansa ljótt og
stórt. Í lítilli samhæfingu.“
„Ég fattaði hvað það er ótrúlega
gaman að dansa fyrir nokkrum
árum þegar ég byrjaði að fara niður
í bæ. Í dansinum felst öðruvísi frelsi
en maður er vanur og það er svo
gott. Að gera allt öðruvísi hreyfingar
en maður er vanur. Mér finnst að
fólk mætti dansa meira. Það þyrfti
helst að vera til einhver staður op-
inn almenningi á daginn fyrir þá
sem vilja dansa, hrista af sér þunga
og stress.“
Hildur er í Hamrahlíðarkórnum
og segist stundum dilla sér við kór-
atónlist. „Já, ég myndi segja að þar
dilli maður sér, snúi sér og sveigi
til og frá. Stundum dansar maður
samt.“
Fullorðnir dansar
ekki nóg
„Ég dansa því það er svo losandi og
frelsandi. Maður getur algjörlega
gleymt sér í einhverjum heimi – tilf-
inningu. Líkaminn er svo meðvitað-
ur um hvernig okkur líður, meðvit-
aðri en við sjálf. Þá er dansinn viss
leið til að tengjast líkamsvitund-
inni og sjálfum okkur,“ segir
Anna Margrét Ólafsdóttir
myndlistarnemi.
„Í dans-
inum
felst líka hreyfing
sem við pælum ekki einu sinni
í því við erum að hafa gaman.
Svo er munur á því að fara nið-
ur í bæ og dansa eða gera það
annars staðar. Þar pælir mað-
ur svo mikið í hvernig maður
lítur út í stað þess að algjörlega
sleppa sér.“
„Við ættum að dansa meira
í lífinu. Stundum þegar ég hitti
fólk hugsa ég: Vá, þau dansa
örugglega aldrei. Fullorðið fólk
dansar ekki nóg. Það er hins vegar
einn af þeim hlutum sem maður
þarf að minna sig á að gera.“
Kom út úr
dansskápnum
„Ég dansa þegar ég finn fyrir mikilli
orku í líkama mínum, þegar ég er
í góðu skapi, þegar ég er þreytt og
þarf að vekja mig og svo dansa ég
nú oftast þegar ég enda á dans-
gólfinu,“ segir Björg Brjánsdóttir
flautuleikari.
„Í raun kom ég út úr dans-
skápnum í sumar þegar ég var á
námskeiði á Lunga. Ég lagaðist af
bælingu minni en ég var alltaf feim-
in við að dansa því mér fannst ég
ekki nógu góð. Núna er ég svo sem
ekkert betri dansari en hef losnað
við þessa feimni.“
„Þegar ég dansa líður mér eins
og ég sé líkamlega að leyfa mér
akkúrat þær hreyfinga sem ég vil.“
Björg hefur lengi stundað hug-
leiðslu og segir hana og dansinn
haldast í hendur. „Við erum á staðn-
um og samþykkjum það sem gerist
í huga og líkama. Leyfum öllu sem
líkaminn vill gera bara að vera.
Upplifunin er samskonar frelsi og
tenging.“
Losar við kvíða
og þunglyndi
„Á ákveðnum tímapunkti í lífi
mínu, þegar ég var hvað lægst niðri
í þunglyndi og kvíða, byrjaði ég að
dansa. Þróaði með mér ákveðna
aðferð; að dansa en ég hafði
ekki orku til að fara í ræktina
eða hreyfa mig almennilega,“
segir Sturlaugur Haraldsson
gleðigjafi.
„Ég vissi ekki að ég hefði
verið með þunglyndi og
kvíða fyrr en ég fór til sál-
fræðings og hún sagði mér það en
ég hakaði í öll box við einkennum
þunglyndis nema eitt. Sýndi líka
mikil kvíðaeinkenni. Það kom mér í
opna skjöldu. Ég var oft stressaður
og stífnaði allur upp í líkaman-
um. Einhvern daginn ákvað ég
að standa upp og setja músík
í eyrun og dansa smá
með það að markmiði
að hreyfa alla
vöðva og liði lík-
amans. Þannig
losaði ég um spennuna
í lík- amanum og var
þá orðinn betri. Maður finnur
hvernig líkaminn róast niður og
getur farið í aftur þokkalega eðli-
legt horf. Orðið hugarró lýsir lík-
lega best þessari tilfinningu.“
„Í rauninni nota ég tónlist til að
skipta um skap. Þegar ég vil róa
mig niður hlusta ég á rólega tónlist,
stundum óperur og svo hlusta ég
á raftónlist þegar ég vil rífa mig í
gang. Ég dansa mest heima hjá mér
með iPod í eyrum en líka þegar ég
fer niður í bæ. Stundum tekur mað-
ur létt spor í vinnunni eða með góð-
um vinum.“
Stígur oft léttan
dans í vinnunni
„Ég dansa því það er gaman
og hollt fyrir líkama og sál.
Maður verður svo glaður af
því að dansa. Það losar um
serótónín, dópamín og endor-
fín. Gleðiefnin,“ segir Gabríel
Benedikt Bachmann, graf-
ískur hönnuður.
„Ég dansa flesta daga en
mest um helgar. Dansa þegar
það er gaman, þegar ég hitti góða
vini, heima hjá mér, stundum í
vinnunni, stundum við einhvern
í vinnunni, oft upp úr þurru.
Myndi segja að ég dansi meira í
vinnunni en heima. Því ég er alltaf í
vinnunni.“
„Ætli helsta ástæðan fyrir því að
ég byrji að dansa sé ekki tónlist.
Þegar ég heyri tónlist byrja ég oft að
dansa. Það er þannig sem dansinn
kemur. Best finnst mér að dansa við
raftónlist, house-tónlist og hiphop.
Öll góð tónlist er dansvæn.“
Stur-
laugur segir
gott hvernig
dansinn losar
um spenna
og stress í
líkamanum.
Mynd | Rut
Með tilkomu snjallsímans
hefur líf námsmanna einfaldast
umtalsvert fyrir tilverknað
smáforrita eða „appsins“ svo-
kallaða. Fréttatíminn greinir
hér frá nauðsynlegustu öppum
hvers námsmanns.
Banka-app fyrir símann.
Bæði Íslandsbanki og Arionbanki
bjóða upp á heimabankaþjónustu
og annað í snjallsímanum. Lands-
bankinn býður upp á l.is sem
virkar á sambærilegan hátt.
Aur
Fáir eru jafn ánægðir og náms-
menn með þetta stórsniðuga app
sem einfaldar sannarlega þegar
deila á kostnaði á leigubílnum á
djamminu, Dominoz-pítsunni eða
afmælisgjöf handa sameiginlegri
vinkonu.
Strætó
Fari námsmaður reglulega leiða
sinna í strætó er fátt snjallara en
að hafa strætóappið í símanum.
Þar er hægt að sjá staðsetningu
vagna í rauntíma og athuga hvaða
leiðir skulu farnar frá einum stað
til annars.
Lín
Ef námsmaðurinn er á námslánum
getur hann fylgst með stöðu lána á
Lín appinu.
Leggja
Eigi eða hafi námsmaðurinn bíl til
afnota er gott að vera með Leggja-
-appið. Með appinu má borga fyrir
gjaldskyldu fyrir bílastæðið.
Pocket
Gott app sem heldur utan um það
sem þig langar að lesa. Allt sem
þú skoðar yfir daginn á Facebook,
á fréttamiðlum og öðru geturðu
vistað á appinu og skoðað þegar
þú hefur tíma.
Snjöllustu „öppin“
fyrir námsmanninn
P ORTRET T
AÐGANGUR ÓKEYPIS
Grófarhúsi, Tryggvagötu 15, 6. hæð, 101 Reykjavík · Opið 12–19 mán–fim, 12–18 fös, 13–17 um helgar · www.borgarsogusafn.is
Handhafar Hasselblad-verðlaunanna
24. 9. 2016 –15.1. 2017