Fréttatíminn - 12.11.2016, Blaðsíða 8

8 | FRÉTTATÍMINN | Laugardagur 12. nóvember 2016
„Þegar ég gekk Jakobsstíginn var ég
á þeim stað í lífi mínu að ég þurfti að
gera breytingar,“ segir Elín Blöndal
lögfræðingur sem gekk Jakobsstíg-
inn síðastliðið sumar.
„Ég hafði um nokkurra ára skeið
glímt við erfitt mál tengt stórfjöl-
skyldu minni sem tók mikinn toll.
Ég hafði líka unnið allt of mikið, tek-
ið of mikið að mér, og til viðbótar
glímdi ég við slæmt brjósklos sem
og hálsáverka eftir bílslys sem ég
varð fyrir um tvítugt. Þetta kom
einhvern veginn allt í bakið á mér á
sama tíma. Ég var búin að vera mjög
lúin í nokkra mánuði en að lokum
varð ljóst að ég þyrfti að taka leyfi
frá vinnu í nokkurn tíma til að ná
upp fyrri orku.“
Hafði enga trú
Þegar Elín var loks komin í veik-
indaleyfi fékk hún símtal frá vin-
konu sinni sem rekur ferðaskrifstofu
og hefur margoft farið veginn. „Hún
sagði að ég yrði að koma með í jún-
íferðina 2016 því það fælist svo mikil
heilun í að ganga þarna og það væri
ótrúlegt að sjá hvað fólk upplifði
á veginum. En ég var í svo slæmu
standi að ég bara gat ekki tekið
ákvörðun um að fara. Svo það end-
aði með því að vinkona mín og mað-
urinn minn tóku ákvörðunina fyr-
ir mig. Hún skráði mig í ferðina og
hann borgaði staðfestingargjaldið.“
„Ég var svo sem alveg spennt fyr-
ir þessu og venjulega er ég í góðu
formi. En auk þess að vera fullkom-
lega orkulaus átti ég á þessum tíma
ekkert auðvelt með að ganga langt
vegna bakverkja og bjóst ekki við að
geta gengið einn kílómetra, hvað þá
þrjú hundruð! Þegar fór að styttast
í ferðina leist mér ekkert á þetta og
fannst ég alls ekki vera í nægilega
góðu formi. Ég hafði raunverulega
enga trú á að ég gæti þetta.“
Er mikil keppnismanneskja
Ferðin sem Elín var dregin í var
kvennaferð yfir fjörutíu kvenna, sem
flestar voru 45 ára eða eldri. Ásamt
vinkonu Elínar voru í hópi farar-
stjóra sjúkraþjálfari og slysalækn-
ir og prestur, svo það er óhætt að
segja að Elín hafi verið í góðum
höndum. Fyrir lá að ganga fyrstu
300 kílómetrana, frá Pýrenafjöllun-
um í Frakklandi til Burgos á norður
Spáni. Elínu leist þó ekkert sérstak-
lega vel á að ferðast með hópnum á
þessum tíma. „Ég var sko alls ekki
á þeim buxunum að fara að kynn-
ast þarna fullt af fólki, enda fannst
mér ég ekkert hafa til að gefa af mér.
En það sem gerði útslagið og varð til
þess að ég fór var að það var trússbíll
með í för. Þannig að ég hefði getað
tekið fengið far með honum hvenær
sem ég vildi. En ég er í grunninn svo
mikil keppnismanneskja að eftir að
ég var komin af stað hélt ég bara
áfram og gekk alla 300 kílómetrana.
Ég gerði þetta nokkuð skynsamlega,
held ég, gekk rólega til að byrja með,
en svo komst ég smám saman í betra
form. Og svo var náttúrlega, þegar til
kom, alveg frábært að kynnast öllum
þessum konum. Það myndaðist afar
góð stemning og tengsl í hópnum.
Þetta var bara mögnuð upplifun.“
Gott að hitta annað göngufólk
Í dag er Elín ánægð með að hafa
farið þessa leið til að efla heilsuna.
„Mér fannst þessi góða vinkona mín
hrikalega frek að af taka svona af
skarið þegar ég ætlaði að hætta við,
en auðvitað hafði hún rétt fyrir sér.
Ég hefði ekki getað fundið betri vett-
vang til að koma mér af stað aftur. Á
Jakobsstígnum er ekkert áreiti eða
neitt „comercial“, alls staðar hægt að
stoppa og fá sér lókalmat eða -kaffi,
og svo er bara svo fallegt þarna. Við
vorum á góðum hótelum með góð-
um rúmum og allsstaðar var svo
góður matur, sem var síðan breyti-
legur eftir því hvað viðkomandi hér-
að á Spáni hafði upp á að bjóða.
Það er mikil helgi yfir Jakobsstígn-
um og það eru allir á sömu vegferð
svo þú upplifir alls ekkert marg-
menni. Flest allir fara á stíginn af
einhverri ástæðu, þó það sé jafnvel
bara að vilja hafa gengið þessa leið,
og þú hittir allskonar fólk. Bæði fólk
sem hefur lent í erfiðri lífsreynslu og
líka fólk sem vill einfaldlega komast
í betra form. Allt í einu urðu mínir
erfiðleikar tiltölulega smáir í saman-
burði við reynslu annarra sem hafa
lent í miklu erfiðari hlutum, þó mín
reynsla sé kannski út af fyrir sig ekki
léttvæg. Svo voru þarna með mér á
göngunni konur sem voru í fanta-
formi, jafnvel um sjötugt, og svo
miklar fyrirmyndir. En þess utan þá
var maður nú langmest að hugsa um
tærnar á sér, að reyna að sleppa við
að fá blöðrur eða sár og komast yfir
dagleiðina hverju sinni. Samanlagt
varð þetta síðan mögnuð lífsreynsla.
Þetta var heilandi en þetta var líka
erfitt, á erfiðri göngu þar sem maður
verður mjög þreyttur sækja erfiðar
hugsanir á. En smám saman fór ég
að njóta meira og hafa minni áhyggj-
ur. Það gerðist bara af sjálfu sér.“
„Allt í einu urðu
mínir erfiðleik-
ar svo smáir í
samanburði við
reynslu annara
sem hafa lent í
svo miklu hræði-
legri hlutum
en ég, þó mín
reynsla sé ekkert
léttvæg,“ segir
Elín Blöndal sem
gekk veginn í
sumar.
Áhyggjurnar fóru ósjálfrátt
Elín Blöndal var dregin á veginn af sínum nánustu
eftir að hafa ofkeyrt sig bæði líkamlega og andlega.
Gröf heilags Jakobs postula var á miðöldum einn vinsælasti áfangastaður
pílagríma í leit að syndaaflausn, sá þriðji á eftir Róm og Jerúsalem. En á sautjándu
öld, þegar svarti dauði geisaði og siðaskiptin breyttu pólitísku landslagi Evrópu,
fór straumur pílagríma um Jakobsveginn að minnka. Það var svo ekki fyrr en
seint á tuttugustu öldinni sem áhugi fólks á veginum fór að aukast aftur. Eftir að
vegurinn var svo friðaður af UNESCO árið 1987 fóru ferðamenn að feta í fótspor
pílagríma miðalda í stórum stil.
Bir
t m
eð
fy
rir
va
ra
um
pr
en
tvi
llu
r.
He
im
sfe
rð
ir
ás
kil
ja
sé
r r
étt
til
le
iðr
étt
ing
a á
sl
íku
. A
th.
að
ve
rð
ge
tur
br
ey
st
án
fy
rir
va
ra
.
E
N
N
E
M
M
/
S
IA
•
N
M
78
3
65
Frá kr. 69.995
m/ekkert fæði innif.
Netverð á mann frá
kr. 69.995 m.v. 2
fullorðna í gistingu.
29. janúar í 7 nætur.
Frá kr. 66.995
m/ekkert fæði innif.
Netverð á mann frá
kr. 66.995 m.v. 2
fullorðna í gistingu.
2. janúar í 9 nætur.
Frá kr. 99.995
m/morgunmat innif.
Netverð á mann frá
kr. 99.995 m.v. 2
fullorðna í gistingu.
2. febrúar í 7 nætur.
Frá kr. 69.995
m/ekkert fæði innif.
Netverð á mann frá
kr. 69.995 m.v. 2
fullorðna í gistingu.
10. febrúar í 7 nætur
Jólapakki
Jólapakki
Jólapakki
Jólapakki
Gran Canaria
& Tenerife
Gefðu jólapakka
í vetrarsól
Frá kr.
66.995
Bókanlegt
til 24. des.
TENERIFE
GRAN CANARIA
Bókaðu fyrir 24. desember
Bókaðu fyrir 24. desember
Bókaðu fyrir 24. desember
Bókaðu fyrir 24. desember
Jólapakki er góður kostur fyrir þá sem vilja komast í sólina á hagkvæman hátt! Þegar bókaður er Jólapakki
felur það í sér að þú kaupir flugsæti ásamt gistingu. Því
fyrr sem þú bókar, því meiri möguleiki er á betri gistingu
þar sem vinsælustu gistingarnar bókast fyrst.

Jólapakkar eru í boði á brottförum 2. janúar - 24. mars og
pakkarnir eru í 7-9-12-13-14 nætur eftir brottförum.