Fréttatíminn - 12.11.2016, Blaðsíða 34

34 | FRÉTTATÍMINN | Laugardagur 12. nóvember 2016
held því fram að ég sé viss um að
það geti alls ekki allir gert það sem
ég er að gera í tónlistinni. Ég segi
þarna á einum stað:
hvað ertu að tala um?
heldur’að þú getir gert það sem við
gerum, nei
ég verð að segja það efast ég um, já
hvað heldur’eiginlega að við séum
ha?
Samt læt ég líka skína í efasemdir
mínar og hógværð, þar sem ég tala
í textanum um annað lag frá mér
sem heitir Morgunmatur:
ég gaf út Morgunmat og allir fór’að
syngja það
hugsað’um næsta plan já hvað ég
ætt’að gera næst
svo stórar hugmyndir að ég fékk
næstum kvíðakast
en ég er með þetta og þið munið sjá
seinna
Þannig að maður er stundum
að fjalla um það hvernig maður
sveiflast milli þess að vera alveg
viss um sig og með efasemdir. Það
kannast margir við þetta,“ segir
GKR. „Mér finnst alltaf mikilvæg-
ast að tala um alvöru tilfinningar.“
Arnar Freyr bendir á að öll
góð list komi að innan, sé mót-
uð af reynslu og skoðunum lista-
mannsins. „Það er hressandi að
blása aðeins frá sér, hreyta út úr
sér skoðunum á hinum og þessu
og ybba gogg. Þá er galdurinn að
hljóma ekki eins og predikandi
„besserwisser.“ Það er munur á
því að fá fólk til að hugsa og að
segja fólki hvað það eigi að hugsa.“
Skoðanir og pólitík
En eru pólitík og samfélags-
mál áberandi umfjöllunarefni
í íslensku rappi? „Það er óhjá-
kvæmilegt að það smitist inn hjá
manni pólitískur undirtónn,“ seg-
ir Jóhanna. „Það er stundum bara
allt að fara til helvítis og maður veit
stundum ekki í hvaða heimi mað-
ur býr lengur. Við þetta blandast
að maður er ungur einstaklingur
í landi og heimi sem er í ruglinu.
Stundum er það samt þannig að
maður vill bara tala um að mann
langi til að djamma, en svo hina
dagana verður maður að spyrja:
„Hvað í „fokkanum“ er að gerast
hérna?“ Maður þarf að finna hvar
samviska manns liggur og fylgja
því.“
Arnar Freyr segir að pólitík og
rapp haldist oft í hendur. „Sumir
sleppa samfélagsrýninni algjörlega
og fjalla um ljúfa lífið, á meðan póli-
tík er kjarninn hjá öðrum. Rapp er
pönk og það er hlutverk pönkara að
nota rödd sína til undirstrika það
sem miður fer í samfélaginu. Það
er engin skylda en það er tilvalið.“
GKR segist oft halda fram skoðun-
um sínum í textum en hann segist
alls ekki vera að predika yfir nein-
um. „Ég er til dæmis ekkert sérstak-
lega pólitískur náungi þannig að
það myndi aldrei virka fyrir mig að
fara að rappa um einhverja pólitík,
en ég fíla það vel þegar aðrir rapp-
arar gera það, ef það er einlægt.“
Sumum finnst rapptónlist óþarf-
lega orðljót og halda að hún snúist
helst um að ganga fram af fólki. En
er það ætlunin og er eitthvað sem
ekki má tala um í rapptónlist? „Að
ganga fram af fólki er eitt það auð-
veldasta í heimi,“ segir Arnar Freyr.
„En ég held að það sé ekki hægt
Jóhanna Rakel Jónasdóttir segir
óhjákvæmilegt að pólitískur undir-
tónn smitist inn í rappið sitt. „Það er
stundum bara allt að fara til helvítis
og maður veit stundum ekki í hvaða
heimi maður býr lengur.“
GKR er trúr því að það virki best að vera einlægur í rapptextum. „Ég er bara að
rappa um minn veruleika og hann hlýtur að vera íslenskur.“
að ganga of langt. Í kvikmyndum
finnst sumum gengið of langt þegar
einhverjum blæðir á meðan aðrir
eru ekki sáttir fyrr en karakterar
eru slitnir í sundur og jörðin ferst.“
Jóhanna er sammála. „Nei, nei,
það er ekkert sem er „off-limits“
í rapptextagerð. Ég held ég hafi
aldrei stoppað mig af í neinu sem ég
var að hugsa um og vildi setja fram.
Ég vil frekar koma því út sem ég er
að hugsa og líða þá kannski illa eftir
á, frekar en að þegja.“
Ísland – útlönd
Eftir því sem íslenskt rapp slítur
fleiri pörum af barnsskóm og vex og
dafnar þá skapast saga og hefð í tón-
listinni. Tónlistarmennirnir láta af
hreinni eftiröpun og fjalla um líf sitt
og reynslu í íslenskum veruleika.
„Við erum ekkert að tala um stríð
við lögguna eins og í rappinu sem
sprettur upp úr fátæktarhverfunum
í Los Angeles eða eitthvað þannig,“
segir Jóhanna. „Ég veit ekki ná-
kvæmlega hvað var að gerast hér
fyrir tíu árum en ég held að þetta
hafi færst nær okkur. Einlægni er að
aukast í íslensku rappi og veruleiki
okkar er alveg nógu fínn til að
rappa um.“
Og íslenskt rapp virðist eiga er-
indi við heiminn. Hljómsveitin Qu-
arashi átti góðan sprett með tón-
list sína í útlöndum um nokkurra
ára skeið. Hún notaði enskuna og
nú er líka einhver útrás í gangi. Til
dæmis voru Reykjavíkurdætur á
Hróarskelduhátíðinni í sumar og
Úlfur Úlfur hefur lagt land undir
fót, hélt tónleika í Póllandi á dögun-
um.
„Við fórum út án þess að pakka
niður neinum væntingum,“ segir
Arnar Freyr. „Við spiluðum fyrir
ríflega 1000 manns í miðborg Var-
sjár sem söngluðu með öllu útgefna
efninu, á íslensku. Núna á tímum
internets og alþjóðavæðingar er
þetta hægt. Tónlistaráhugafólk er
opnara fyrir framandi list en áður,
öllu því sem rímar ekki endilega við
grunnhugmyndir þess um listform-
ið. Ég hef alltaf verið opinn fyrir
framandi þvælu frá löndum sem
ég veit ekkert um og ég dýrka að
það sé að færast í aukana. Ég sjálfur
nenni alveg að gaula aðeins í heitari
löndum.“
Úr BARNAEFNI – CYBER
rommí kókómjólk, vodkí trópí
landi í svala, ég hjalí sturtunni,
freyðivín og plastönd í bala.
mér er drullusama um flest nema
hvernig ég er í framan
en vanalega með þér verð ég óör-
ugg með þér með gallana mína
mína mína mína mína Mús
Fröllur, kjöltur
Meiri beibslur handa moi
ég er toi, toy story
þú er viddi ég bósi ljósár
ljóst hár langir leggir
ekkert nema rimlaveggir
óumbúið rúm en búið vín
er ég orðin fantasía, fantasían þín?
Netlu-, túnfífla- og birkilaufstöflur
örva brennslu og meltingu og eru
bjúglosandi. Sérstaklega er mælt
með vörunni til að hreinsa líkamann.
Colonic Plus
Kehonpuhdistaja
www.birkiaska.is
www.birkiaska.is
Bodyflex Strong vinnur gegn stirðleika
og verkjum í liðamótum og styrkir
heilbrigði burðarvefja líkamans.
2 hylki tvisvar á dag í tíu daga. Síðan er hægt
að minnka skammt í 2 hylki á dag. Inniheldur
hvorki laktósa, ger, glúten né sætuefni.
Bodyflex
Strong
Evonia eykur hárvöxt með því að
veita hárrótinni næringu og styrk.
Evonia er hlaðin bætiefnum sem
næra hárið og gera það gróskumeira.
Bætiefni ársins í Finnlandi 2012.
Evonia
www.birkiaska.is
www.birkiaska.is
Minnistöflur
Bætir skammtímaminnið. Nýtist
fólki sem er undir álagi og fæst
við flókin verkefni. Hentar vel
fyrir eldri borgara, lesblinda og
nemendur í prófum. Dregur úr
streitu, eykur ró og bætir skap.