Fréttatíminn - 26.11.2016, Qupperneq 28

28 | FRÉTTATÍMINN | Laugardagur 26. nóvember 2016
sagði ég bara: „Já, já, ég skal fara,
ég er enginn kommúnisti.“ Síðan
kom ég þarna austur eftir í steikj-
andi hita, íklædd vetrarfötum og úr
varð mjög áhugavert ár.“
Lífið í Moskvu kom Pálínu ósköp
venjulega fyrir sjónir, enda brauð-
stritið víðast hvar áþekkt, en í
Moskvu annaðist Pálína tvo unga
syni sendiherrahjónanna. „Þetta
var auðvitað stór borg, en af því
að ég var úr sjávarþorpi þá fannst
mér ekkert ólíkt að koma til Moskvu
og að koma til Reykjavíkur í fyrsta
sinn. Mér fannst til dæmis miklu
tilkomumeira og fallegra að koma
til Akureyrar í fyrsta sinn en til
Reykjavíkur. Hér fyrir sunnan varð
ég meira vör við fátækt þar sem fólk
sem hrúgaðist í bæinn í leit að vinnu.
Sömu tilfinninguna fékk ég síðan
þarna í Mosku miklu síðar. Borgin
dró að sér fólk utan af landi í von um
atvinnu og betra líf sem brást auð-
vitað oft. Maður var svo sem ekkert
vanur því að hafa það eitthvað sér-
staklega gott sjálfur, þannig að lífið
þarna var bara eins og annars stað-
ar, barátta fyrir venjulegt fólk.“
Í Bolshoi
En Moskvuborg var bauð líka upp
á ýmislegt fyrir tónlistaráhuga-
konuna Pálínu Árnadóttur. Hún
minnist þess til dæmis þegar Hauk-
ur Morthens kom til Moskvu til
að syngja á Heimsmóti æskunnar
sumarið 1957. Hún heilsaði upp á
Hauk og kvintett Gunnars Ormslev
á klúbbi í borginni eftir að hafa
hlustað á þá trylla æskulýðinn. Þeir
voru hissa að rekast á Íslending sem
byggi í borginni en tóku Pálínu vel.
Moskva bauð líka upp á þyngri
tónlist en sveifluna hans Hauks. Á
sýningu Íslensku óperunnar á Ev-
gení Onegin í Hörpu á dögunum
rifjaðist það upp fyrir Pálínu þegar
hún sá verkið sextíu árum áður í
Bolshoi leikhúsinu fræga í Moskvu.
Bolshoi leikhúsið í Moskvu um það leyti sem Pálína vandi komur sínar þangað.
Verkamenn gera allt tilbúið fyrir 1. maí hátíðarhöld á Rauða torginu Moskvu árið
1956. Í bakgrunni er kirkja heilags Basils.
„Það var auðvelt að fá miða í óp-
eruna fyrir íslenska sendiráðið og
ég fékk oft að fara með því ég var
með mikinn tónlistaráhuga, allt frá
barnæsku. Sá áhugi kom líklega frá
mömmu sem var mjög músíkölsk,
spilaði á orgel í kirkjunni á Rauf-
arhöfn í gamla daga. Ég man að
mér þótti ægilega gaman á þessari
uppfærslu á Onegin. Þarna sat mað-
ur á besta stað innan um alls kon-
ar fínt fólk en þegar óperan hófst
hafði ég litla trú á söngkonunni, en
þeim mun meiri á söngvaranum.
Það snérist síðan fljótlega við, söng-
konan var stórkostleg með algjöra
gullrödd en söngvarinn ómöguleg-
ur, enda hafa Rússar aldrei átt góða
tenóra.“ Það skal engan undra að
Pálína hafi hrifist af aðal söngkon-
unni því þar hefur líklega verið á
ferðinni hin goðsagnakennda rúss-
neska sópransöngkona Galina Vis-
hnevskaya, sem var eins og hálfgerð
stofnun í sovésku tónlistarlífi á þess-
um árum.
Þegar Pálína heyrði verkið aftur
á dögunum í Hörpu rifjaðist upp
þegar hún sá óperuna með Odd-
nýju Thorsteinsson forðum daga.
Hún naut tónlistarinnar en sá illa á
sviðið enda orðin sjóndöpur.
Líf með börnum
Eftir vinnuna í Moskvu nýtti Pálína
tækifærið til ferðalaga í Evrópu.
Hún fór ásamt vinkonum sínum
til Ítalíu og heimsótti frænku sína
í Englandi áður en hún fór heim og
snéri til fyrri starfa á Vesturborg.
„Ég kann ekkert nema íslensku og
hef aldrei kunnað, en mér tókst að
gera mig skiljanlega hvert sem ég
fór. Ég talaði bara hægt íslensku
og líka með höndunum. Það gekk
í Moskvu og víðar,“ segir Pálína og
hlær.
Pálína Árnadóttir giftist aldrei og
er barnlaus, nema hvað að hún bar
ábyrgð á velferð fjölmargra barna á
barnaheimilum Reykjavíkur árum
saman. „Ég ætlaði mér bara að
vera fóstra og stefndi ekkert á að
vera forstöðukona. Ég vildi vinna
með krökkunum en svo lenti mað-
ur alltaf í þessu yfirmannshlutverki
með því sem því fylgdi. Heimilin
stækkuðu og oft fylgdu þessu erf-
ið samskipti við foreldra sem áttu
í erfiðleikum, til dæmis við ein-
stæðar mæður og feður sem ekki
fengu að taka þátt í uppeldi barna
sinna, en yfirleitt gekk þetta vel og
var gefandi. Það var skemmtilegt
og gott að vinna í kringum börn, en
ég skildi aldrei hvernig það átti að
vera hægt að reka heimili og sinna
slíku starfi forstöðukonu, ég fór
alltaf seinust úr húsi,“ segir Pálína
Árnadóttir.
„Söngkonan var stórkost-
leg með algjöra gullrödd
en söngvarinn ómögu-
legur, enda hafa Rússar
aldrei átt góða tenóra.“
POTTURINN STEFNIR Í 45 MILLJÓNIR
FÖGNUM AÐVENTUNNI
MEÐ GLITRANDI
MILLJÓNUM
Öll glerin koma með rispu-, glampa- og móðuvörn
Gildir til 28. nóvember
* Miðast við 1,5 index
Verð áður: 95.800 kr.
*Tilboðsverð: 47.400 kr.
KRINGLUNNI 2. HÆÐ |
HAGKAUPSHÚSINU, SKEIFUNNI | SPÖNGINNI, GRAFARVOGI WWW.TRANSATLANTIC.IS SÍMI: 588 8900
VERÐ FRÁ 255.000.- Í VIKU
MEXICO ALLT ÁRIÐ
PLAYA DEL CARMEN
Þú ferð þegar þú vilt eins lengi og þú vilt

Pálmatré, hvítar strendur og kristaltær sjór.
Karíbahafið eins langt og augað eygir. Þar má
auk þess sjá Maya pýramída, frumskóg, tær lón
og neðanjarðarhella, veitingahús, verslanir og
næturlíf. Þú finnur allt i Playa Del Carmen.
Er þetta aðeins hluti af því fjölmörgu í þessu
stórbrotna umhverfi sem heillar ferðamanninn.
Rétt utan við ströndina er svo næst stærsta
kóralrif heims með öllum sínum litaafbrigðum
og ótrúlegum fjölda fiska í öllum regnbogans
litum.
Við bjóðum uppá glæsilegt 4*hótel og allt
innifalið, yfir 40 atriði