Fréttatíminn - 08.12.2016, Blaðsíða 4

4 | FRÉTTATÍMINN | Fimmtudagur 8. desember 2016
Laugavegur - Kringlan - Glerártorg - kunigund.is
Krimmahöfundar Íslands
geta lifað af glæpunum
Ársreikningar þriggja vinsælla íslenskra glæpasagnahöfunda:
Hagnaður Eignir
Arnaldur Indriðason (Gilhagi ehf.) 106.748.195 735.569.696
Yrsa Sigurðardóttir (Yrsa Sigurðardóttir ehf.) 32.260.243 46.651.632
Ragnar Jónasson (Myrknætt ehf.) 1.629.240 3.139.679
Árni Þórarinsson tók áhætttu fyrir áratug síðan og hætti að vinna sem blaðamað-
ur til að skrifa glæpasögur. Þetta hefur gengið upp hjá honum þó að hann segist
ekki vera orðinn ríkur á glæpasögum sínum.
Menning/Viðskipti - Fjórir
þekktustu glæpsagnahöfundar
þjóðarinnar selja bækur sínar
víða um heim og geta lifað á
verkum sínum. Sá yngsti, Ragnar
Jónasson, nýtur stigvaxandi vin-
sælda og hefur gert samning við
útgáfurisann Penguin. Arnaldur
Indriðason mun innan nokkurra
ára verða milljarðamæringur ef
hann heldur áfram á sömu braut.
Ingi F. Vilhjálmsson
ingi@frettatiminn.is
„Þetta hefur alveg blessast og dugað
mér. Annars væri ég dauður,“ segir
Árni Þórarinsson, spennusagnahöf-
undur sem hefur gefið út níu bæk-
ur, aðspurður um hvernig honum
gangi að selja bækur sínar og eiga
í sig og á með skrifunum. „Þetta
þýðir ekki að ég sé að drukkna í
peningum en þetta dugar mér. Ég
er ekkert að skipta um eldhúsinn-
réttingu, kaupa mér nýjasta farsím-
ann eða kaupa mér nýja flatskjái.
Þetta dugar til ágætrar framfærslu
ef maður er ekki mikill neytandi.“
Árni tók ákveðna áhættu fyrir
tíu árum síðan, hætti að vinna sem
blaðamaður og ákvað að einbeita
sér alfarið að bókaskrifum. Bækur
hans hafa verið þýddar á meira en
tuttugu tungumál. „Frakkland er
minn stærsti og besti markaður. Þó
bækurnar hafi verið þýddar á tutt-
ugu tungumál þá koma tekjurnar
að mestu leyti frá Frakklandi og Ís-
landi.“ Þá gekk ein bók hans, Tími
nornarinnar, sérstaklega vel í sölu í
Svíþjóð á sínum tíma. Árni segir að
hann viti ekki hversu mikið hann
hafi selt af bókum í heildina en segir
að um sé að ræða tugþúsund bækur
á hverju ári.
Árni Þórarinsson hefur ekki far-
ið þá leið að stofna einkahlutafélag
utan um útgáfu sína eins og þrír af
þekktustu spennusagnahöfundum
þjóðarinnar: Arnaldi Indriðasyni,
Yrsu Sigurðardóttur og Ragnari
Jónassyni. Hagnaður Árna af skrif-
unum er því ekki opinber eins og í
tilfelli þeirra.
Arnaldur er sá spennusagnahöf-
undur sem hefur selt mest á Íslandi
og erlendis í gegnum tíðina og hef-
ur hann efnast vel á skrifum sín-
um. Hann er sá íslenski rithöfund-
ur sem hefur mestar tekjur af sölu
bóka sinna. Í fyrra hagnaðist eigna-
haldsfélag hans, Gilhagi ehf., um
tæplega 107 milljónr króna og átti
félagið tæplega 736 milljónir króna
i reiðufé. Hagnaður félags Arnaldar
hefur verið rúmlega 100 milljónir á
ári um nokkurra ára skeið og greið-
ir Arnaldur reglulega tugmiljóna
króna arð úr félaginu.
Yrsa Sigurðardóttir þénar einnig
vel á skrifum sínum en félag henn-
ar, Yrsa Sigurðardóttir ehf., hagn-
aðist um ríflega 32 milljónir króna
í fyrra og ráðgerði að greiða út 25
milljónir króna til hluthafa síns. Fé-
lagið átti nærri 47 milljóna króna
eignir í lok árs í fyrra. Hagnaður fé-
lags Yrsu hefur vaxið mjög á liðn-
um árum en sem dæmi var hann
22 milljónir króna árið 2014. Yrsa
vinnur sem verkfræðingur sam-
hliða ritstörfum sínum.
Ragnar Jónasson byrjaði að gefa
út glæpasögur seinna en þau Arn-
aldur og Yrsa enda talsvert yngri.
Fyrsta bók hans, Fölsk nóta, kom út
árið 2009 og hefur hann síðan gef-
ið út eina bók á ári samhliða starfi
sínu sem lögfræðingur. Ragnar gef-
ur bækur sínar einnig út í mörgum
löndum og hafa borist af því fréttir á
síðustu mánuðum að verk Ragnars
hafi verið seld til nýrra landa. Þá
gerði hann í haust samning við bók-
arisann Penguin.
Hagnaður Ragnars af útgáfu
glæpsagna hefur hingað til ekki
verið mikill eins og ársreikningar
eignarhaldsfélags hans, Myrknætt-
is ehf., ber með sér. Vegur Ragnars
innan glæpsagnaheimsins vex
hins vegar hratt og örugglega, seg-
ir Pétur Már Ólafsson, forleggjari
Ragnars hjá bókaútgáfunni Ver-
öld: „Hann er klárlega á góðri upp-
leið. Snjóblinda var ein mest selda
glæpasagan í Frakklandi í sumar.
Franskir fjölmiðlar komu hingað
i vor til að skoða sögusvið Snjó-
blindu á Siglufirði.“ Pétur Már seg-
ir að bækur Ragnars komi út á fjórt-
án tungumálum en að hann sé ekki
með nákvæmar sölutölur Ragnars í
heiminum á hreinu. „Þetta eru tug-
þúsund bækur í hverju landi. Hann
er ekki kominn í það að selja millj-
ón eintök ennþá en þetta eru alvöru
upplög. Árið í ár verður mjög gott ár
fyrir hann.“
Atvinnulíf
Verst launað
að skúra
Starfsmenn sem vinna við
ræstingar eru með lægstu dag-
vinnulaunin, eða 275.000 kr. á
mánuði að meðaltali, en starfs-
menn á leikskólum eru með
lægstu heildarlaunin að meðal-
tali fyrir fullt starf, eða 330.000
kr. Þetta kemur fram í viðamikilli
könnun sem Efling vann fyrir Flóa-
bandalagið. Leikskólastarfsmenn
kvarta yfir því að vinnuálagið sé of
mikið en 73 prósent segja auðvelt
fyrir þá að fá aðra vinnu á svipuð-
um kjörum.
Bílstjórar eru með hæstu
heildarlaunin eða 542.000 kr. á
mánuði að meðaltali en þeir vinna
einnig lengstan vinnudag eða 53,7
klukkustundir á viku að meðaltali.
Heildarvinnutími félagsmanna í
fullu starfi er 46,9 klst. að meðal-
tali.
Framkvæmdir Íbúar við Vestur-
götu eru að verða brjálaðir vegna
framkvæmda Mannverks við
Naustareit í Reykjavík. Hávaðinn
við byggingu á nýju KEA-hóteli
hefur flæmt íbúa í burtu og fram-
kvæmdin hefur dregist verulega á
langinn. „Óbærilegt ástand,“ segir
einn þeirra.
Þóra Tómasdóttir
thora@frettatiminn.is
Til að reisa nýtt KEA hótel á lóð-
inni við Tryggvagötu hefur ver-
ið höggvið stanslaust í klöppina í
marga mánuði. Íbúar eru orðnir
úrvinda á hávaðanum sem fram-
kvæmdunum fylgir og eitt par gafst
upp og flutti í burtu.
„Við bara gátum þetta ekki leng-
ur,“ segir Hörður Ágústsson sem bjó
alveg við byggingareitinn. „Við viss-
um auðvitað að það stæði til að fara
í miklar framkvæmdir en ekki að
þetta yrði svona. Maður vaknaði við
höggborinn og hann var enn í gangi
þegar maður kom heim úr vinnunni
á daginn. Þetta ástand hefur verið
gjörsamlega óþolandi síðan í sept-
ember.“
Í apríl reif Mannverk niður hið
sögufræga Exeter-hús á reitnum.
Byggingarfulltrúi borgarinnar sagði
fyrirtækið hafa farið langt út fyrir
gildandi leyfi og kærði niðurrifið til
lögreglu. Mannverk er enn að störf-
um á lóðinni og hafa framkvæmd-
irnar undið upp á sig og tekið lengri
tíma en upphaflega stóð til. Íbúar í
nágrenninu eru orðnir langþreyttir
á hávaðanum. Þann 29. nóvember
tilkynnti Naustareitur á heimasíðu
sinni að til stæði að nota höggbor-
inn á reitnum í 2-3 daga. Borinn er
enn í stanslausri notkun og íbúarnir
eru alveg að verða brjálaðir.
Lára Hanna Einarsdóttir er ein
þeirra sem er óhress með raskið.
„Ég heyri ekki sjálfa mig hugsa,
þó ég loki gluggunum. Samt bý ég
svona 200 metrum frá.“ Hún hefur
verið heimavið að glíma við veik-
indi að undanförnu og segir óbæri-
legt að heyra stöðugt í höggborn-
um. „Ég hef haft þetta yfir mér á
hverjum einasta degi. Þetta er al-
veg geggjað ástand og það er galið
að byggja 110 herbergja hótel innan
um svona gömul hús.“
Íbúar við Vesturgötu að ærast
Tónlist Kristinn Sigmundsson
bassasöngvari er meðal lista-
manna sem eru tilnefndir til
bandarísku Grammy tónlistar-
verðlaunanna fyrir árið 2016.
Tilkynnt var um tilnefningar á
miðvikudag í Bandaríkjunum.
„Þetta er skemmtilegt og kem-
ur á óvart. Þetta er með flottari
uppfærslum sem ég hef tekið þátt
í og verkið sjálft er æðisgengið,“
segir Kristinn sem tók þátt í óp-
eru bandaríska tónskáldsins John
Corigliano Draugarnir í Versölum.
Bæði uppfærsla Los Angeles óper-
unnar á verkinu og upptaka á því
eru tilnefnd til Grammy-verðlauna.
Óperan er meira en lítið blóð-
ug og en hún gerist í framhalds-
lífi aðalsfólksins sem fór illa út úr
frönsku byltingunni. Í verkinu fór
Kristinn með hlutverk Loðvíks sext-
ánda Frakkakonungs. „Þó að ég sé
kóngurinn var hlutverkið mitt ekki
stórt en uppsetningin var geysilega
mannmörg,“ segir Kristinn. „Sýn-
ingarnar voru sex eða sjö talsins,
uppseldar upp í rjáfur með góðum
fyrirvara en uppfærslan var gríðar-
lega dýr. Fyrir mann sem syngur
aldagamla tónlist f lesta daga er
mjög gaman að fá að taka þátt í ein-
hverju sem er nýtt og spennandi.
Tónskáldið tók þátt í æfingunum
og sendi mér jafnvel tölvupósta um
þær. Þú getur ímyndað þér hvernig
er að fá tölvupóst frá Mozart,“ segir
Kristinn og hlær. | gt.
Kristinn Sigmundsson
tilnefndur til Grammy verðlauna
Kristinn Sigmundsson í hlutverki Loð-
víks sextánda í óperunni Draugarnir í
Versölum eftir John Corigliano.
Lára Hanna Einars-
dóttir heyrir ekki
sjálfa sig hugsa fyrir
höggbornum.
Svona er fyrirhugað
að Naustareiturinn
líti út þegar fram-
kvæmdirnar eru
yfirstaðnar.
Útlendingastofnun
Hælisleitandi
kveikti í sér
Hælisleitandi hellti yfir sig
bensíni og kveikti í sér í gær við
húsnæði Útlendingastofnunar á
Víðinesi. Lögregla segir að mað-
urinn sé illa brunninn en hann
var fluttur á sjúkrahús. Ekki var
vitað um líðan mannsins þegar
blaðið fór í prentun.
Þetta var annað útkallið sem
lögreglan sinnti í Víðinesi í gær
en um hádegisbilið hótaði annar
hælisleitandi að skaða sig. Ekki
kom þó til þess, en sá maður var
fluttur á lögreglustöð. Áfalla-
teymi Útlendingastofnunar var
kallað út til að hlúa að íbúum og
starfsfólki í Víðinesi. | vg