Fréttatíminn - 07.01.2017, Page 40

4 LAUGARDAGUR 7. JANÚAR 2017HEILSUTÍMINN
Jákvætt og gott aðhald fyrir krakka í íshokkí
Helgi Páll Þórisson hefur verið viðloðandi
íshokkí síðan 1991 og segir að íslensk ung­
menni standi erlendum jafnöldrum sínum jafn­
fætis. Betri aðstöðu vanti hins vegar fyrir íþrót­
tina hér á landi.
Um 650 manns stunda íshokkí á Íslandi að jafnaði. Algengt er að krakkar byrji að æfa 5-6
ára en þó eru dæmi þess að krakkar hafi stigið fyrstu skrefin fjögurra ára gamlir.
V
ið leggjum mikið upp
úr góðum samskiptum
í barna- og unglinga-
starfinu enda lítum við
svo á að við séum ekki
bara að búa til hokkíleikmenn
heldur góða einstaklinga líka,“
segir Helgi Páll Þórisson, for-
maður aðalstjórnar Skautafélags
Reykjavíkur.
Helgi hefur verið viðloðandi ís-
hokkí á Íslandi lengi. Hann byrjaði
sjálfur að keppa árið 1991 og hætti
ekki að spila í meistaraflokki fyrr
en 2008-2009. Hann hefur síðan
fengist við dómgæslu í íþróttinni
og þjálfun 6. og 7. flokks, auk
skautaskólans.
Barna- og unglingastarfið í
Skautafélagi Reykjavíkur, og fleiri
liðum, hefur vakið verðskuld-
aða athygli undanfarin ár enda
er krökkunum þar veitt jákvætt
og gott aðhald og þau fá mikla
athygli. Algengur aldur krakka
sem byrja að mæta á æfingar er
5-6 ára.
„Barna- og unglingastarfið hér á
landi er búið að vera mjög gott.
Það kannski helgast fyrst og
fremst af því að þrjú stóru félögin;
Skautafélag Reykjavíkur, Skautafé-
lag Akureyrar og Björninn, lögðu
snemma á það áherslu að ráða til
sín menntaða, erlenda þjálfara
sem kunnu til verka. Þeir höfðu
skýra sýn og þekkingu á því hvern-
ig á að þróa íshokkíleikmenn og
það hefur verið okkur til happs í
gegnum árin. Gott dæmi um þetta
er Sarah Smiley á Akureyri sem
er búin að vera aðalþjálfari SA um
árabil. Þar hefur verið lögð mikil
áhersla bæði á barna- og unglinga-
starf og kvennastarf. Fyrir vikið
er næstum því helmingur félags-
manna þar stelpur.“
Helgi Páll segir að ungir
hokkíleikmenn á Íslandi séu
mjög frambærilegir á alþjóðavett-
vangi. „Það hefur sýnt sig þegar
við höfum keppt erlendis að á
ákveðnu aldursbili, kannski 8-12
ára, stöndum við alveg jafnfætis
þessum stóru þjóðum hvað getu
varðar, með einhverjum undan-
tekningum þó. Almennt séð eru
íslensku krakkarnir tiltölulega
vel skautandi. En það sem til að
mynda nágrannaþjóðir hafa fram
yfir okkur er að fljótlega upp úr
10—12 ára aldri fara krakkar þar
að spila miklu markvissari leiki í
deildum og mótum. Hér eru þetta
3—4 mót á ári og það er einfaldlega
ekki nóg. Til að halda í við aðrar
þjóðir þurfum við fleiri skautahall-
ir þar sem hægt er að koma fleiri
liðum að. Við erum með mikið
af ungum og flottum þjálfurum
sem hafa ekki íshokkíþjálfun sem
aðalstarf og geta því ekki sinnt
krökkunum sem skyldi. Það væri
eflaust æskilegt að tengja íshokkíið
við skóla- og frístundastarf. Ég vil
meina að þessir vankantar standi
okkur fyrir þrifum.“
Helgi Páll segir að mikið fram-
boð sé á íþróttum og afþreyingu
fyrir börn og unglinga í dag. „Það
er vinna hjá okkur í íshokkíinu að
passa upp á unglinga og börnin.
Það er samkeppni um þau og rosa
margt í boði í dag. Við höfum náð
að halda tiltölulega vel í krakka.
Hjá okkur er mikið um krakka sem
hafa farið í gegnum margar aðrar
greinar en þeir virðast ílengjast hjá
okkur, finna sína hillu.
Hjá okkur í Skautafélaginu, og
líka það sem ég hef séð í öðrum
liðum, skiptir ekki máli hvort þú
ert frábær eða lélegur. Við höfum
reynt að sinna öllum tiltölulega
jafn vel. Til samanburðar höfum
við heyrt frá foreldrum með börn
í fótbolta þar sem þjálfarinn hafði
varla tíma til að tala við þau. Við
reynum að halda góðum samskipt-
um við alla krakkana.“
Hann nefnir að mörgum for-
eldrum hugnist vel að ekki sé
lögð áhersla á keppni hjá yngstu
iðkendunum. „Við höfum reynt
að framfylgja því að í 5. flokki
og niður úr séu ekki talin mörk í
leikjum og annað í þeim dúr. Svo
er farið að keppa í 4. og 3. flokki.
Með þessu reynum við að búa til
gott umhverfi fyrir börnin, þau
hreyfa sig og hafa gaman af því
sem þau eru að gera án þess að
vera með gargandi þjálfara yfir sér.
Við viljum frekar að keppnismetn-
aðurinn komi seinna en í frum-
bernskunni.“
Sögu íshokkís í Reykjavík má
rekja til áranna 1954-56 og jafnvel
fyrr, að sögn Helga Páls. Íslands-
mótið, eins og það er spilað í dag,
hefur verið við lýði síðan 1995. Um
650 manns stunda íshokkí hér á
landi að jafnaði.
„Íslenskt íshokkí tók mikið fram-
faraskref í kringum aldamótin
þegar við fengum þak yfir höfuðið.
Það kom í Laugardalinn árið 1998
og á Akureyri 1999-2000. Svo kom
Egilshöllin í fulla virkni 2001-2002.
Það munaði helling um það og frá
þeim tímapunkti byrjuðu menn að
æfa af viti.“
Hjá okkur
er mikið um
krakka sem hafa
farið í gegnum
margar aðrar
greinar en þeir
virðast ílengjast
hjá okkur, finna
sína hillu.
Helgi Páll Þórisson hjá Skautafélagi Reykjavíkur leggur mikla áherslu á barna- og ung-
lingastarf. „Við erum ekki bara að búa til hokkíleikmenn heldur góða einstaklinga líka.“
Myndir | Hari
Býður Særúnu Jónsdóttur
velkomna til starfa
Hægt er að panta tíma í sjúkraþjálfun
í síma 564 4067 eða senda póst á
sjukrathjalfunin@sporthusid.is
Á stofunni starfa fyrir:
Þjónusta í boði:
Atli Örn Gunnarsson, Ásdís Guðmundsdóttir, Elsa Sæný Valgeirsdóttir,
Elvar Leonarsdsson, Hildur Kristín Sveinsdóttir,
Hólmfríður Þorsteinsdóttir, Karólína Ólafsdóttir, María Jónsdóttir,
Sigrún Konráðsdóttir, Þorsteinn Máni Óskarsson og Þóra Hugosdóttir.
Úrlausn og greining stoðkerfisvandamála
Heilsufarsmælingar
Fræðsla og ráðgjöf
Hreyfigreining
Særún Jónsdóttir
Sif Garðarsdóttir er þriggja barna móðir,
heilsumarkþjálfi, einkaþjálfari og margfaldur
meistari í fitness. Hún er mikil áhugamann-
eskja um hvernig við getum stuðlað að betra
lífi með kraft náttúrunnar að leiðarljósi.
www.saguna.is
Máttur náttúrunnar
Re-Silica gelin frá Saguna
næra húðina, styrkja bæði
hár og neglur og bæta
meltinguna svo um munar