Fréttablaðið - 16.02.2017, Blaðsíða 8

Járn & Gler hf. • Skútuvogur 1h. Barkarvogsmegin
104 Reykjavík • S. 58 58 900 • www.jarngler.is
Bjóðum upp á sjálfvirkan
hurðaopnunarbúnað,
hringhurðir, hurðir og
gluggakerfi ásamt
uppsetningu og viðhaldi
á búnaði.
Áratuga reynsla.
Samfélag Nýlega voru sendir utan
tugir þúsunda hjálpargagna í nafni
600 íslenskra fyrirtækja og var
kostnaðurinn þrjár milljónir króna.
Er þetta stærsta einstaka pöntun frá
upphafi, samkvæmt tilkynningu frá
UNICEF.
Í lok janúar var listi yfir þau 624
fyrirtæki sem hlutu viðurkenningu
Creditinfo fyrir framúrskarandi
árangur í rekstri kynntur. Meira en
helmingur á í viðskiptasambandi
við Landsbankann og gaf bankinn í
þeirra nafni sannar gjafir hjá UNICEF
fyrir þrjár milljónir króna, en aldrei
hefur verið gerð svo stór pöntun frá
Íslandi. Hagnaður Landsbankans
á árinu 2016 nam 16,6 milljörðum
króna, eftir skatta, samanborið við
36,5 milljarða króna á árinu 2015.
Í árslok 2016 námu eignir bankans
alls 1.111 milljörðum króna.
„Við erum innilega þakklát fyrir
þetta ótrúlega rausnarlega fram-
lag,“ segir Bergsteinn Jónsson, fram-
kvæmdastjóri UNICEF á Íslandi.
„Við höfum aldrei fengið jafn stóra
pöntun á sönnum gjöfum og erum
hæstánægð með þetta,“ segir Vala
Karen Viðarsdóttir, fjáröflunarfull-
trúi UNICEF. Gjöfunum verður nú
dreift til barna og fjölskyldna þeirra
með milligöngu birgðastöðvar UNI-
CEF. – bb
Stærsta einstaka pöntun frá upphafi
Neyðin er mikil víða um heim.
Nordicphotos/AFp
Í sendingunni voru:
l 95 moskítónet sem gegna
lykilhlutverki í baráttunni gegn
malaríu
l 1.070 hlý teppi fyrir börn á
flótta
l 8.550 skammtar af næringar-
dufti fyrir vannærð börn
l 8.770 pakkar með náms-
gögnum
l 9.030 skammtar af vítamín-
bættu jarðhnetumauki fyrir
vannærð börn
l 12.550 skammtar af bóluefnum
gegn mænusótt og mislingum
l 49.000 skammtar af ormalyfi
sem vinnur bug á sníkjudýra-
sýkingum
l 95.000 vatnshreinsitöflur
verSlun Alls óvíst er hvort verslun
að Minni-Borg í Grímsnes- og
Grafningshreppi muni hefjast þar
aftur á næstunni. Verslunin hefur
þjónað einni vinsælustu sumar-
húsabyggð landsins, þar sem eru á
þriðja þúsund sumarhús, um árabil,
auk þess sem í sveitarfélaginu er 460
manna íbúabyggð.
Eftir að rekstur verslunarinnar
lagðist af síðasta haust vegna erfið-
leika rekstraraðila leitaði Olís, sem
er eigandi hússins, að nýjum aðilum
til að taka við. „Við vorum komin
með aðila sem hafði áhuga á að taka
að sér reksturinn. En svo brást það
þannig að við brugðum bara á það
ráð að auglýsa húsið til sölu,“ segir
Sigríður Hrefna Hrafnkelsdóttir,
framkvæmdastjóri smásölusviðs
hjá Olís.
„Það er þó nokkuð mikið af fólki
búið að skoða þetta,“ segir Svan G.
Guðlaugsson, sölumaður hjá Fast-
eignasölunni Mikluborg. Hann
segir ástandið á húsinu vera slæmt.
„Það er nú það sem málið snýst um
en það eru margir áhugasamir sem
vilja gera eitthvað þarna. Annað-
hvort opna verslun eða breyta þessu
að hluta til í gistingu. En það þarf að
taka allt húsið í gegn,“ segir hann.
„Ég sakna hennar. Ég get alveg
viðurkennt það og ég veit að það
gera það mjög margir en alls ekki
allir,“ segir Ingibjörg Harðardóttir
sveitarstjóri. Selfoss er í um það bil
20 kílómetra fjarlægð frá Minni-
Borg og Ingibjörg segir að íbúar
sæki mikið þangað. „Það er kannski
hluti af ástæðunni fyrir því að búðin
hætti, að það er ekki verslað nóg í
henni,“ segir Ingibjörg. Fólk fari til
Selfoss til að gera stórinnkaup, en
það sé bagalegt að geta ekki farið á
Minni-Borg til að gera smærri inn-
kaup. „En ég hugsa að það séu fleiri
sem sakna félagslega þáttarins úr
búðinni heldur en verslunarinnar
sjálfrar. Hann var heilmikill,“ segir
Ingibjörg. jonhakon@frettabladid.is
Tvísýnt um verslun í vinsælli sumarhúsabyggð
húsnæðið hefur hýst vegasjoppu í einni stærstu sumarhúsabyggð á Íslandi.
rekstur þar lagðist af í október síðastliðnum. AðseNd myNd
HeilbrigðiSmál „Þetta hefur verið
mjög óþægilegt. Ég upplifði það að ég
hafi svolítið þurrkað út þennan tíma.
Ég segi það svo það komi fram að ég
skammast mín. Ég skammast mín
fyrst og fremst fyrir að ég hafi ekki
gert betur,“ segir Reynir Ingibjartsson,
aðstandandi fyrrverandi heimilis-
manns á Kópavogshæli, um umræðu
undanfarinna daga um hælið. Sjálfur
var Reynir í aðstandendafélagi hælis-
ins síðustu ár vistar bróður síns.
Bróðir Reynis var á hælinu í um
25 ár og sótti Reynir kynningar-
fund Þroskahjálpar, Þroskaþjálfa-
félags Íslands og Átaks, félags fólks
með þroskahömlun, um skýrslu um
vistun barna á Kópavogshæli árin
1952 til 1993 í gær. Skýrslan kom út
þann 7. febrúar.
Hrefna Friðriksdóttir, formaður
vistheimilanefndar sem vann
skýrsluna, segir fundinn hafa verið
góðan að sínu mati. „Ég myndi
áætla að hér hafi verið um áttatíu
manns. Þetta var blandaður hópur.
Hérna var fólk með þroskahömlun,
aðstandendur og fyrrverandi starfs-
fólk,“ segir hún.
Hrefna segir gott rými hafa verið
gefið fyrir spurningar og umræður.
„Þetta er ekki einfalt. Þetta er erfitt.
Margir lýstu því að þeim hefði fund-
ist erfitt að lesa þetta og þetta hefði
verið erfið umræða en á endanum
er opin umræða alltaf af hinu góða,“
bætir hún við.
Þá segir Hrefna að sér finnist fólk
hafa fagnað því að fá skýrsluna.
Jafnt uppgjörið við fortíðina og til-
lögur fyrir framtíðina.
Reynir var á leiðinni út af fund-
inum þegar Fréttablaðið náði tali
af honum. „Þetta hreinsaði and-
rúmsloftið og var mjög upplýsandi.
Formaður nefndarinnar, Hrefna, að
öðrum ólöstuðum, hefur gert þetta
alveg frábærlega. Þarna er búið að
vinna mjög gott verk,“ segir Reynir.
Hann segir enn fremur að allir hafi
tekið undir það sem í skýrslunni
stendur. „Þar er ekki verið að ofgera
eða dramatísera heldur eru stað-
reyndirnar uppi á borðinu.“
Hann vill koma því á framfæri að
skýrslan sé stórvirki út af fyrir sig.
„Það er gríðarleg vinna þarna að
baki. Hún er grundvallarrit um stöðu
þessara mála á landinu á seinni hluta
síðustu aldar. Ég ætla rétt að vona að
það læri allir af þessu.“
Ein forsendan fyrir því að bróðir
Reynis fór á Kópavogshæli var að fá
talkennslu og gönguþjálfun. „Hann
gat aldrei gengið og þegar hann fór
þarna inn hreyfði hann sig í göngu-
grind. Hann gat heldur ekki tjáð sig
almennilega,“ segir Reynir. Hann
segir hins vegar að þetta hafi brugð-
ist. „Það er hægt að segja að hann
fékk enga kennslu og enga þjálfun.“
Reynir segir að húsnæðið hafi
verið slæmt, starfsfólkið ómenntað
og of fátt og umhverfið ekki upp á
marga fiska. „Bróðir minn böðlað-
ist um með grind þannig hann gæti
staðið betur en þarna voru aðallega
malarstígar,“ segir Reynir.
Þá segir hann starf aðstandenda-
félagsins ekki hafa verið velkomið.
„Ég fann það mjög fljótt að þetta
var ekki litið jákvæðum augum að
aðstandendur skiptu sér af.“
Reynir segir forsenduna fyrir
lokun Kópavogshælis hafa verið
opnun sambýla. „Það er ekki hægt
að bera saman hvað það breytti
miklu,“ segir hann. Sambýlin hafi
verið minni og þar hafi verið fag-
fólk. „Ég man aldrei eftir því á Kópa-
vogshæli að bróðir minn hafi verið
nefndur með nafni. Á sambýlinu er
það alltaf gert.“
Samkvæmt Reyni lauk fundinum
á þeim orðum að allir ættu rétt á
því að vera fullgildir einstaklingar
þó þeir búi við andlega eða líkam-
lega fötlun. „Ég ætla rétt að vona
að næstu kynslóðir búi í samfélagi
þar sem börn sem fæðast með
fötlun geta notið þess sama og við
njótum,“ segir Reynir.
thorgnyr@frettabladid.is
Umræðan um Kópavogshæli óþægileg
Aðstandandi heimilismanns á Kópavogshæli fagnar skýrslu um hælið og fundi gærdagsins. Hann skammast sín fyrir að hafa ekki gert
betur. Skýrslan var kynnt á fundi á Grand hóteli í gær. Formaður nefndarinnar sem vann skýrsluna telur fundinn hafa heppnast vel.
Fjölmenni var á kynningarfundinum á Grand hóteli í gær. FréttAblAðið/steFáN
Ég ætla rétt að vona
að næstu kynslóðir
búi í samfélagi þar sem börn
sem fæðast með fötlun geta
notið þess sama og við
njótum.
Reynir Ingibjarts-
son, aðstandandi
Margir lýstu því að
þeim hefði fundist
erfitt að lesa þetta og þetta
hefði verið erfið umræða en
á endanum er opin umræða
alltaf af hinu góða.
Hrefna Friðriksdóttir,
formaður vist-
heimilanefndar
1 6 . f e b r ú a r 2 0 1 7 f i m m T u D a g u r8 f r é T T i r ∙ f r é T T a b l a ð i ð
1
6
-0
2
-2
0
1
7

0
5
:3
3
F
B
0
7
2
s
_
P
0
6
5
K
.p
1
.p
d
f
F
B
0
7
2
s
_
P
0
6
0
K
.p
1
.p
d
f
F
B
0
7
2
s
_
P
0
0
8
K
.p
1
.p
d
f
F
B
0
7
2
s
_
P
0
1
3
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
C
3
F
-3
4
7
C
1
C
3
F
-3
3
4
0
1
C
3
F
-3
2
0
4
1
C
3
F
-3
0
C
8
2
7
5
X
4
0
0
.0
0
1
7
B

F
B
0
7
2
s
_
1
5
_
2
_
2
0
1
7
C
M
Y
K