Fréttablaðið - 16.02.2017, Blaðsíða 16

Hlutabréfaverð verslunar­fyrirtækisins Haga og Fjar­skipta hf. lækkaði um þrjú
prósent í Kauphöll Íslands í gær.
Bréf Haga lækkuðu í 506 milljóna
króna viðskiptum en velta með
hluti í Fjarskiptum nam 509 millj­
ónum.
Samkvæmt viðmælendum Vísis á
hlutabréfamarkaði hafði frétt Mark­
aðarins, fylgirits Fréttablaðsins um
viðskipti og efnahagsmál, um áhrif
komu Costco á heildsöluverð inn­
flutningsfyrirtækja, að öllum lík­
indum talsverð áhrif á gengi bréfa
Haga. Þeir eiga og reka innflutn­
ingsfyrirtækið Aðföng. Sérfræðingar
hagfræðideildar Landsbankans gáfu
í september síðastliðnum út að
Hagar gætu misst um tvo milljarða
króna af ársveltu sinni til Costco
þegar fyrirtækið opnar hér í maí.
Bréf VÍS lækkuðu einnig eða um
2,6 prósent. Þar á eftir kom upp­
lýsingatæknifyrirtækið Nýherji
með lækkun upp á 1,9 prósent.
Icelandair Group var aftur á móti
hástökkvari dagsins en gengi bréfa
flugfélagsins hækkaði um 1,3 pró­
sent. Alls hækkuðu sjö félög á Aðal­
listanum í virði en níu sáu rauðar
tölur. Bréf tryggingafélaganna Sjó­
vár og TM stóðu í stað. – hg
Bréf Haga lækkuðu um 3%
Afar lítið er um einka­fjárfesta í hluthafa­hópi Icelandair Group sem eiga u m þ e s s a r mundir tals­
verða eignarhluti í félag­
inu. Samkvæmt lista yfir
alla hluthafa flugfélags­
ins síðastliðinn mánu­
dag, sem Fréttablaðið
hefur séð, eru tíu stærstu
einkafjárfestar á hluthafa­
lista félagsins samanlagt
aðeins með um 1,9 pró­
sent í Icelandair. Markaðs­
virði Icelandair hefur minnkað
um 115 milljarða frá því í lok apríl
2016 samhliða því að hlutabréfa­
verð félagsins hefur lækkað um 60
prósent.
Í þessum hópi einkafjárfesta er
eignarhaldsfélagið Brimgarðar,
sem er í eigu Guðnýjar, Eggerts,
Halldórs og Gunnars Gíslabarna,
umsvifamest með tæplega 0,7 pró­
senta eignarhlut. Í árslok 2015 átti
félagið hins vegar 0,35 prósenta hlut
í Icelandair og hefur því tvöfaldað
stöðu sína í félaginu á rúmlega einu
ári. Miðað við gengi bréfa Icelandair
við lokun markaða í gær er hlutur
Brimgarða metinn á um 545 millj­
ónir króna. Enga einkafjárfesta er að
finna á opinberum lista yfir tuttugu
stærstu hluthafa flugfélagsins en
íslenskir lífeyrissjóðir eiga saman­
lagt vel yfir helmingshlut.
Þá á Högni Pétur Sigurðsson,
fjárfestir og einn eigenda Domino’s
á Íslandi, um 0,35 prósenta hlut í
Icelandair, bæði í eigin nafni og eins
í gegnum eignarhaldsfélagið Naut­
ica. Hjónin Bogi Þór Siguroddsson
og Linda Björk Ólafsdóttir, sem
eiga meðal annars Johan Rönning,
eru með 0,2 prósenta hlut í gegnum
félagið Sindrandi ehf. en sá hlutur
er í dag metinn á um 159 milljónir.
Í árslok 2015, samkvæmt hluthafa­
lista Icelandair Group á þeim tíma,
átti sama félag þeirra hjóna hins
vegar 0,57 prósenta hlut.
Rétt er að taka fram að hluthafa­
listi Icelandair gefur ekki tæmandi
mynd af því hvaða einkafjárfestar
eru í reynd í eigendahópi félagsins
hverju sinni. Margir þeirra kunna
meðal annars að eiga talsverða
hlutafjáreign í flugfélaginu í gegn­
um safnreikninga sem eru skráðir í
nafni fjármálafyrirtækja eða fram­
virka samninga sem þeir hafa gert
um hlutabréfaviðskipti í Icelandair.
Erlendir sjóðir með tvö prósent
Frá því var greint í Markaðnum,
fylgiriti Fréttablaðsins um við­
skipti og efnahagsmál, í gær að fjórir
bandarískir fjárfestingasjóðir ættu
um þessar mundir rúmlega tveggja
prósenta eignarhlut í Icelandair
Group. Enginn einn fjárfestinga­
sjóðanna kemst þó á opinberan
lista yfir tuttugu stærstu hluthafa
flugfélagsins. Markaðsvirði þeirra
bréfa sem eru í eigu sjóðanna er
í dag samtals um 1.600 milljónir.
Fjárfestingasjóðirnir byrjuðu að
kaupa bréf í Icelandair á árinu 2015
og frá því í ársbyrjun 2016 hafa
sjóðirnir nærri þrefaldað eignarhlut
sinn í félaginu.
Talsverð viðskipti hafa verið með
bréf Icelandair Group á undanförn­
um dögum og síðastliðinn mánudag
kom fjárfestir að kaupum á 50 millj­
ónum hluta í félaginu á genginu 16,
eða sem jafngildir eins prósents
eignarhlut í Icelandair. Það voru
markaðsviðskipti Kviku banka sem
voru milligönguaðilar með þeim
viðskiptum. Fram kom í Morgun­
blaðinu að samkvæmt heimildum
blaðsins væru viðskiptin tengd
stjórnarkjöri á aðalfundi Icelandair
Group sem fer fram 3. mars næst­
komandi. Frestur til að skila inn
framboði til stjórnar er þar til fimm
dögum fyrir aðalfund.
Horft til breytinga á stjórn
Margir fjárfestar í Icelandair, ásamt
öðrum markaðsaðilum, horfa til
þess að breytingar verði gerðar á
stjórn félagsins á aðalfundinum.
Hafa ýmsir gagnrýnt yfirstjórnend­
ur Icelandair, bæði stjórnarmenn og
aðra helstu stjórnendur félagsins,
fyrir að hafa ekki komið fyrr fram
með trúverðuga aðgerðaáætlun til
að bregðast við vaxandi erfiðleikum
í rekstrarumhverfi Icelandair. Afar
líklegt er því talið að ýmsir hlut­
hafar muni vilja sjá ný andlit í stjórn
flugfélagsins.
Fjórir stærstu eigendur Iceland­
air Group – Lífeyrissjóður versl­
unarmanna, Stefnir, Lífeyrissjóður
starfsmanna ríkisins (LSR) og Gildi
lífeyrissjóður – eiga samanlagt 46
prósent. Samkvæmt heimildum
Fréttablaðsins stendur ekki annað
til hjá Lífeyrissjóði verslunarmanna
en að styðja áfram Úlfar Stein­
dórsson, varaformann stjórnar,
til stjórnarsetu og slíkt hið sama
áformar LSR hvað varðar stuðning
sinn við Magnús Magnússon. Meiri
óvissa er um áform Stefnis, sem á
14,3 prósent í gegnum tvo hluta­
bréfasjóði í stýringu félagsins, en
fram til þessa hefur sjóðastýringar­
fyrirtækið ekki stutt neinn tiltekinn
einstakling til setu í stjórninni. Það
gæti breyst á næsta aðalfundi.
Íhugar framboð
Svanhildur Nanna, sem er á meðal
stærstu hluthafa, ásamt með eigin­
manni sínum, Guðmundi Erni Þórð­
arsyni, í VÍS og Kviku, bauð sig fram
í stjórn Icelandair á aðalfundi flug­
félagsins í mars í fyrra en hlaut ekki
brautargengi. Í frétt Markaðarins 8.
febrúar sagði Svanhildur aðspurð
að það kæmi vissulega til greina að
bjóða sig fram á ný sæi hún fram á
að hluthafar væru tilbúnir í breyt­
ingar á stjórn félagsins. Svanhildur
sagðist löngum hafa verið þeirrar
skoðunar að það væri mikilvægt
að jafnvægi ríkti milli svonefndra
óháðra stjórnarmanna og stjórnar­
manna sem hafa beina hagsmuni
af árangri félaganna. „Það skortir
nokkuð á það jafnvægi í stjórn Ice­
landair eins og sakir standa.“
Þau hjónin hafa minnkað lítillega
hlut sinn í Icelandair að undanförnu
en Svanhildur staðfesti að þau ættu
engu að síður um 15 milljónir hluta,
sem jafngildir um 0,3 prósenta hlut.
Sá hlutur er hins vegar ekki á þeirra
eigin nafni eða fjárfestingafélags
þeirra, samkvæmt hluthafalista
Icelandair 13. febrúar síðastliðinn.
Einkafjárfestar hverfandi í Icelandair
Fáir einkafjárfestar eiga verulegan hlut í flugfélaginu. Sá stærsti er einkahlutafélagið Brimgarðar með 0,7 prósenta hlut, samkvæmt
hluthafalista Icelandair á mánudag. Lífeyrissjóður verslunarmanna og LSR hyggjast styðja Úlfar og Magnús áfram til setu í stjórn.
Hagnaður Vodafone nam 1.007 milljónum króna á árinu 2016 og dróst saman
um 22 prósent frá fyrra ári. Þá
lækkuðu heildartekjur fjarskipta­
fyrirtækisins um eitt prósent á
milli ára og voru samtals 13.655
milljónir. EBITDA­hagnaður
félagsins – afkoma fyrir fjármagns­
liði, afskriftir og skatta – nam 3.060
milljónum á síðasta ári og dróst
saman um sex prósent.
Þetta kom fram í afkomutilkynn­
ingu sem Vodafone sendi frá sér í
gær en þar segir að EBITDA­af­
komuspá félagsins fyrir árið 2017
sé hækkuð á ný og er áætluð um
3.250 milljónir.
Í tilkynningu er haft eftir Stefáni
Sigurðssyni, forstjóra Vodafone, að
árið 2016 hafi að mörgu leyti verið
„sérstakt ár í rekstri Fjarskipta hf.
þar sem margt fór saman; miklar
launahækkanir í tengslum við
kjarasamninga, einskiptiskostn­
aður vegna húsnæðismála, hag­
ræðingaraðgerða og vinnu sér­
fræðinga við áreiðanleikakönnun
vegna hugsanlegra kaupa á 365
miðlum hf. Á sama tíma höfðu
markaðsaðstæður neikvæð áhrif
á meðaltekjur af viðskiptavinum.
Mótvægisaðgerðir gengu vel þar
sem vöxtur í fjölda viðskiptavina
hefur ekki verið meiri í seinni tíð
eða 7%. Sjónvarpsvörur félagsins
skiluðu mikilli aukningu í tekjum
sem unnu á móti fyrrgreindum
neikvæðum þáttum þrátt fyrir
lækkun tekna í heildsöludreifingu
sjónvarps. Horfur í rekstri félagsins
fyrir árið 2017 eru betri, þar sem
ætla má að hagræðingaraðgerðir
árið 2016 og vöxtur viðskiptavina
skili sér í betri rekstri árið 2017.“
Stefán segir að enn sé unnið
að gerð kaupsamnings vegna
fyrirhugaðra kaupa á ljósvaka­ og
fjarskiptahluta 365 miðla og eru
bundnar vonir við að sú vinna
klárist fyrir lok fyrsta ársfjórðungs.
– hae
Hagnaður Vodafone minnkaði um 22%
markaðurinn
1,9 %
er samanlagður eignarhlutur
tíu stærstu einkafjárfestanna
á hluthafalista icelandair.
Hörður
Ægisson
hordur@frettabladid.is
Aðföng annast innkaup, birgðahald og
dreifingu fyrir Haga. FréttAblAðið/VAlli
Stefán Sigurðsson, forstjóri Vodafone,
segist búast við betri afkomu árið 2017.
13,7
milljarðar króna voru tekjur
Vodafone á árinu 2016.
Gengi icelandair Group hækkaði um 1,27 prósent í 226 milljóna króna viðskiptum í Kauphöllinni í gær. bréfin hafa lækkað um
28 prósent frá afkomuviðvörun félagsins sem gefin var út í lok janúarmánaðar. FréttAblAðið/pjétur
Einkafjárfestar í Icelandair
brimgarðar ehf. (Guðný, Eggert, Halldór og Gunnar Gíslabörn) 0,69% 546 milljónir
Sindrandi ehf. (Hjónin Bogi Þór og Linda Björk, eigendur Johann Rönning) 0,20% 159 milljónir
Nautica ehf. (Högni Pétur Sigurðsson, fjárfestir og einn eiganda Domino’s) 0,18% 143 milljónir
Högni pétur Sigurðsson 0,17% 136 milljónir
Mini market ehf. (eigendur samnefndrar pólskrar matvöruverslunar) 0,12% 97 milljónir
Frístundabíllinn ehf. (Gísli S. Friðjónsson, fyrrverandi eigandi Hópbíla) 0,12% 97 milljónir
Þarabakki ehf. (Daníel Helgason, fjárfestir) 0,12% 97 milljónir
Ólafur björnsson (eigandi heildverslunarinnar Innness) 0,11% 84 milljónir
Gunnar i. Hafsteinsson (fyrrverandi útgerðarmaður) 0,11% 84 milljónir
Heimild: Hluthafalisti Icelandair Group 13. febrúar 2017.
Hlutur Virði
506
milljóna króna velta var í
viðskiptum með bréf Haga.
1 6 . f E b r ú a r 2 0 1 7 f I M M T U D a G U r16 f r é T T I r ∙ f r é T T a b L a ð I ð
1
6
-0
2
-2
0
1
7

0
5
:3
3
F
B
0
7
2
s
_
P
0
6
8
K
.p
1
.p
d
f
F
B
0
7
2
s
_
P
0
5
7
K
.p
1
.p
d
f
F
B
0
7
2
s
_
P
0
0
5
K
.p
1
.p
d
f
F
B
0
7
2
s
_
P
0
1
6
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
C
3
F
-1
B
C
C
1
C
3
F
-1
A
9
0
1
C
3
F
-1
9
5
4
1
C
3
F
-1
8
1
8
2
7
5
X
4
0
0
.0
0
1
5
A

F
B
0
7
2
s
_
1
5
_
2
_
2
0
1
7
C
M
Y
K