Dagblaðið Vísir - DV - 08.01.2016, Blaðsíða 6

6 Fréttir Helgarblað 8.–11. janúar 2016
PURE SAFAR -
100% HOLLUSTA!
Pure safarnir frá Harboe eru
100% hreinir og ferskir safar.
Þeir eru ekki úr þykkni eins
og svo margir aðrir ávaxta-
safar og þeir eru ekki síaðir.
Þetta tryggir það að öll
næringarefni haldast í safa-
num og hann er eins nálægt
nýkreistum safa og hugsast
getur. Þrátt fyrir að vera 100%
hreinir eru Pure safarnir líka
rotvarnarefnalausir og án all-
ra aukaefna þar sem sérstök
pökkunaraðferð tryggir ein-
staklega gott geymsluþol.
Þú færð Pure safana frá
Harboe í næstu verslun.
Þ
rír af þeim sjö nemendum
sem komust áfram í sam­
keppnisprófum tannlækna­
deildar Háskóla Íslands í
vetur eru með fjölskyldu­
vensl við starfsmenn deildarinnar.
Dóttir forseta deildarinnar, Bjarna
Elvars Péturssonar, var ein af þeim
sjö efstu, auk þess sem sonur og
tengdadóttir stundakennarans Bene­
dikts Ægissonar komust í gegnum
nálaraugað. Samkvæmt heimildum
DV eru þessar staðreyndir salt í
sár þeirra nemenda sem eftir sitja
og kvartanir þess efnis hafa borist
til rektors Háskólans og stjórnar
deildarinnar.
Hörð samkeppni
Ár hvert fara fram samkeppnispróf
í tannlæknafræðum á haustönn. Í
ár þreyttu 40 nemendur prófið og
er keppikefli þeirra að hljóta eitt af
þeim sjö sætum sem í boði eru fyrir
áframhaldandi nám. Samkeppnin
er afar hörð og nemendur þurfa að
leggja mikið á sig til þess að hreppa
sætin eftirsóttu. Reglulega kemur
það fyrir að mjög mjótt er á munun­
um, veturinn 2014 urðu tveir nem­
endur jafnir í 7.–8. sæti með ná­
kvæmlega sömu einkunn og varð
að beita vegnu meðaltali einkunna
til þess að gera upp á milli þeirra.
Einnig mátti litlu muna í ár, aðeins
0,03 skildu á milli þess sem var í sjö­
unda og síðasta sæti og þess sem sat
uppi með sárt ennið í áttunda sæti.
Átti sæti í prófnefnd
Forseti deildarinnar, Bjarni Elvar
Pétursson, er einn af mörgum
kennurum í einu fagi, Inngangi að
tannlæknafræði, sem gefur 1 ein­
ingu. Samkvæmt heimildum DV
semur hann ekki prófið né fer yfir
það. Öðru máli gegnir um stunda­
kennarann Benedikt Ægisson, sem
er kennari hluta af verklegri form­
fræði tanna. Það fag gefur 6 einingar
af 22 einingum annarinnar. Benedikt
á sæti í fjögurra manna prófnefnd
námskeiðsins. Prófið í verklegri
formfræði tanna er með þeim hætti
að nemendurnir, sem eru fjörutíu
talsins, útbúa tanngarð eftir bestu
getu innan ákveðins tímaramma
sem kennararnir meta síðan. Saman
raðar prófnefndin verkefnunum
niður í ákveðna einkunnahópa, t.d.
8,5–9 hóp og 7,5–8. Síðan er ákveðin
próftönn skoðuð og gæði hennar
ráða því hvort tiltekinn nemandi fær
hærri eða lægri einkunn.
Faglegri nálgun í ár
Bjarni Elvar segir að deildin sé sífellt
að endurskoða framkvæmd og í ár
hafi ferlið tekið stakkaskiptum í átt
að faglegri nálgun. „Í fyrsta sinn var
merkt með prófnúmerum en ekki
nafni nemenda, einmitt til þess að
koma í veg fyrir að persónulegar
skoðanir kennara á nemendum gætu
haft áhrif á mat þeirra. Einnig hætt­
um við að gefa kennaraeinkunn­
ir sem réðust á mati og tilfinningu
kennarans,“ segir Bjarni.
Að hans sögn ræddu hann og
umsjónarkennari námskeiðsins,
Sigríður Rósa Víðisdóttir, aðkomu
Benedikts að prófnefndinni. „Það
var okkar mat að kennarinn, sem
hluti af fjögurra manna nefnd, gæti
ekki haft nein áhrif til þess að hækka
tiltekið verkefni, sem eru merkt með
númeri en ekki nafni,“ segir Bjarni
og bætir við: „Ef kerfið hefði verið
þannig að hann hefði séð að þarna
væri verið að fara yfir verkefnið hjá
syni hans þá mögulega hefði þetta
horft öðruvísi við,“ segir Bjarni.
Aðspurður hvað hamlaði því að
nemandi segði kennara hvert próf­
númer sitt væri segir Bjarni: „Auðvit­
að gæti kennarinn vitað það en það
hefði verið algjörlega óeðlilegt ef að
hann hefði verið að dæma tiltekið
verkefni öðruvísi en hin.“ Að sögn
Bjarna er kerfið í HÍ dauðöfundað er­
lendis frá. „Með því að taka inn verk­
lega færni svona snemma þá sitjum
við ekki uppi með nemendur með 10
þumalputta,“ segir Bjarni.
Stjórnendur
meðvitaðir um tengsl
Benedikt er að kenna sína fyrstu önn
við tannlæknadeild og að hans sögn
voru stjórnendur deildarinnar og
umsjónarkennari námskeiðsins fylli­
lega meðvitaðir um tengsl hans við
tiltekna nemendur. „Við ræddum
þetta í byrjun annarinnar og í ljósi
þess var meðal annars ákveðið að
það væri faglegra að notast við próf­
númer en ekki nöfn,“ segir Benedikt.
Hann segir það afar langsótt að halda
því fram að hann hefði getað haft slík
áhrif á nefndina að tiltekið verkefni
fengi hærri einkunn en það ætti skil­
ið. „Það var mat stjórnenda að ferlið
væri faglegt. Ef ég hefði verið beðinn
um að víkja sæti þá hefði ég að sjálf­
sögðu hlýtt því,“ segir Benedikt. n
Börn starfsfólks flugu í
gegnum samkeppnispróf
tannlæknadeildar
Þrír af sjö nemendum með fjölskylduvensl við starfsmenn deildarinnar
Björn Þorfinnsson
bjornth@dv.is
„Ef ég hefði verið
beðinn um að
víkja sæti þá hefði ég að
sjálfsögðu hlýtt því.
Bjarni Elvar Pétursson Segir
að framkvæmd prófa hafi verið
mun faglegri í ár en árin þar á
undan.
Tannlæknadeild Mikil
samkeppni er ár hvert um
sjö laus sæti í tannlækna-
fræði. Mynd dv