Dagblaðið Vísir - DV - 08.01.2016, Blaðsíða 12

Helgarblað 8.–11. janúar 2016
Betra grænmeti
Betra kjöt
Betri ávextir
Fyrst og
fremst...
þjónusta
Fæst í FK, Hagkaupum, Byko, Nettó og Krónunni
Pakkaðu
nestinu
• Klippir plastfilmur
• 35% sparnaður
• Ódýrari áfyllingar
• Má setja í uppþvottavél
• Afar auðvelt í notkun
Engar flækjur ekkert vesen
með
12 Fréttir Erlent
Áttu alltaf að þrífa
með hægri hendi
Konur sem bjuggu í „mormónavirkinu“ í Utah segja frá
F
rænkur fjölkvænismanns-
ins og mormónaleiðtogans
Lyle Jeffs hafa greint frá
því hvernig aðstæður voru
í „virkinu“ hans í Utah í
Bandaríkjunum. 60 manns bjuggu
í virkinu, en innan rammgerðrar
girðingar er íbúðarhúsnæði
einstaklinga sem tilheyra bók-
stafstrúarsöfnuði mormónakirkj-
unnar í Utah, sem á ensku heitir
Fundamentalist Church of Jesus
Christ of Latter-Day Saints. Fólkið
býr innan veggja virkisins og hlýð-
ir Lyle Jeffs í einu og öllu og horfir
einnig til bróður Lyle, Warren Jeffs,
sem situr í fangelsi en var áður
trúarleiðtogi safnaðarins. Lyle er
nú biskup kirkjunnar fyrir Short
Creek, það er tvo söfnuði, einn í
Hildale í Utah og annan í Colarado
City í Arizona. Í Hildale eru í raun
aðeins búsettir mormónar.
Níu eiginkonur
Virkið er kennt við Lyle Jeffs, Jeffs
Block, og býr hann sjálfur í húsi á
landareigninni ásamt einstakling-
um sem eru honum blóðskyld-
ir. Í öðrum húsum býr fólk hon-
um tengt sem tilheyrir hans armi
safnaðarins. Það gera einnig þær
eiginkvenna hans sem enn hafa
ekki unnið sér rétt til að tilheyra
United Order, hópi elítunnar innan
kirkjunnar, þrátt fyrir hjónabandið.
Lyle á níu eiginkonur. Eitt hús er
sérstaklega fyrir konur og börn
sem Lyle hefur tekið undir sinn
verndarvæng vegna þess að eigin-
menn eða feður hafa verið sendir
út af örkinni í trúboð, sendir í fang-
elsi eða reknir úr kirkjunni.
Þrifu bara með hægri
Áður nefndar frænkur, Kate Muss-
er og May Jeffs, bjuggu í virkinu
um tíma, en hafa nú yfirgefið söfn-
uðinn. Mæður Kate og May búa
enn á svæðinu, en Kate var látin
yfirgefa það árið 2013 og May árið
2014. Þeim var báðum gert að búa
utan virkisins um tíma og á endan-
um var Kate send í burtu og skil-
in eftir í reiðileysi. May ákvað sjálf
að yfirgefa kirkjuna. Á meðan þær
bjuggu í virkinu elduðu konurnar,
þrifu og saumuðu. Þær fengu þrátt
fyrir það lítið að borða og einhæfa
fæðu. Lyle fékk þó sitt, bæði rausn-
arlega skammta og góðan mat. Þá
naut hann eftirrétta, sem enginn
annar fékk.
Fyrir utan heimilisstörfin fékk
Kate einnig það hlutverk að kenna
börnum í litlum skóla, en hennar
menntun náði þó ekki gagnfræða-
prófi.
Þrifu með hægri
Þær greindu Salt Lake Tribune frá
því að þær hefðu meðal annars átt
að þrífa nánast allan daginn, að-
eins þó með hægri hendi. Ef þær
þurftu að nota báðar hendur átti
sú hægri alltaf að vera fyrir ofan
þá vinstri, til dæmis ef þær héldu
um kústskaft. Konurnar voru undir
stöðugu eftirliti myndavéla, þriggja
eiginkvenna Lyle og annarra með-
lima sem virtust líta á það sem sér-
staka skyldu sína að klaga þær.
Ef fólk þurfti að fara út úr virkinu
þurfti það að gera ítarlega grein
fyrir ferðum sínum og hafa góðar
ástæður til þess. Alltaf þurfti Lyle
að gefa leyfi. Til að komast inn aftur
þurfti svo að gefa upp lykilorð.
Hver dagur hófst með biblíu- og
bænastund um klukkan hálf sex.
Önnur slík var haldin að kvöldi til.
Frelsinu fegnar
Konurnar eru frelsinu fegnar og
segjast í rauninni sitja eftir með
fáar spurningar – nema kannski;
hvað gerir Lyle Jeffs alla daga? Þær
segja að allt umhverfið snúist um
hann og allt sé gert í hans þágu.
Hann sé hins vegar hvergi sjáan-
legur drjúgan hluta dags. „Ætli
hann sé ekki bara að reka fólk alla
daga?“ segir Kate. Þær eru hins
vegar að takast á við lífið utan
veggja einræðisins, eru komnar
aftur í skóla og eru þakklátar fyrir
frelsið. n
Þrifu, elduðu og saum-
uðu Konurnar eru frelsinu
fegnar og segjast hafa verið
í hálfgerðri vinnuþrælkun.