Dagblaðið Vísir - DV - 08.01.2016, Blaðsíða 8

8 Fréttir
Þ
að er í sjálfu sér allt opið í því
en við erum að funda með
bankastofnunum, olíufélög-
um, nokkrum veitingaaðil-
um og fleirum og fjármögn-
unin er í undirbúningi,“ segir Skúli Þ.
Skúlason, stjórnarformaður Kaupfé-
lags Suðurnesja, aðspurður hvort til
greina komi að leita til íslenskra líf-
eyrissjóða eða fasteignafélaga vegna
fjármögnunar verslunarkjarnans
Rósaselstorgs sem félagið ætlar að
byggja skammt frá Flugstöð Leifs Ei-
ríkssonar við Keflavíkurflugvöll.
„Miðað við þær forsendur sem
við erum með í dag liggur kostnaður-
inn nánast fyrir en eins og við hugs-
um þetta þá munu kjölfestuleigu-
takar sem koma að þessu með okkur
fá færi á að hafa áhrif á hönnunina.
Við eigum því eftir að klára hönnun
mannvirkjanna og fyrr vitum við ekki
nákvæmlega hvert byggingamagnið
verður eða endanlegur kostnaður,“
segir Skúli.
Tæpur milljarður
Áform kaupfélagsins um að byggja
verslunarkjarnann, á 20 þúsund fer-
metra lóð við síðasta hringtorgið
áður en komið er að Leifsstöð, voru
kynnt á mánudag. Samkvæmt þeim
verður rekin Nettó-matvöruverslun í
kjarnanum, veitinga- og kaffihús og
bensínstöð. Framkvæmdir eiga að
hefjast næsta vor og á að vera lok-
ið snemma á næsta ári. Skúli segir
ljóst að heildarkostnaður verkefnis-
ins verði ekki undir 600 milljónum
króna og að öllum líkindum nærri
einum milljarði króna.
„Umfangið mun skýrast betur á
næstu tveimur mánuðum. Kaup-
félagið leggur í þessa vegferð fyrst
og fremst sem hreyfiafl framfara.
Þarna er tækifæri til að auka þjón-
ustu við sveitarfélögin á Suðurnesj-
um þannig að þau geti fengið aukinn
skerf af þessum aukna ferðamanna-
straumi hingað til lands,“ segir Skúli.
Skuldir afskrifaðar
Kaupfélagið fór í gegnum fjárhags-
lega endurskipulagningu á árunum
2012 til 2014 og tókust þá samningar
við lánardrottna sem fólu í sér veru-
lega lækkun skulda og greiðslubyrði
lána. Höfuðstóll skulda félagsins var
til að mynda færður niður um tæpa
1,5 milljarða árið 2012. Samkvæmt
nýjasta ársreikningi kaupfélagsins
var bókfærð eiginfjárstaða þess já-
kvæð í árslok 2014 í fyrsta skipti síð-
an á árunum fyrir hrun. Eignir sam-
stæðunnar, það er kaupfélagsins
og dótturfélaga þess, námu þá rétt
tæpum ellefu milljörðum króna en
skuldirnar 9,8 milljörðum.
Samstæðan var rekin með 2,4
milljarða króna hagnaði 2014 sam-
anborið við 131 milljónar hagn-
að árið á undan. Aukningin skýrist
meðal annars af ákvörðun stjórnar
Urtusteins ehf., dótturfélags kaup-
félagsins, um að færa til baka 1.024
milljóna króna virðisrýrnun á skrif-
stofuhúsnæði þess við Krossmóa í
Reykjanesbæ.
„Það er ekki endilega markmið
hjá kaupfélaginu að eiga meirihluta
í verkefninu heldur koma því af stað.
Kaupfélagið sem slíkt er, eins og þú
bendir á, tiltölulega nýkomið úr fjár-
hagslegri endurskipulagningu, eins
og mörg önnur félög, en það fjár-
magnar þetta ekki eitt og sér,“ segir
Skúli. n
Helgarblað 8.–11. janúar 2016
Trúlofunarhringar
- okkar hönnun og smíði
jonogoskar.is Sími 5524910 Laugavegi 61 Kringlan Smáralind
Ræða við olíufélög og
banka um fjármögnun
n Kaupfélag Suðurnesja gæti leitað til lífeyrissjóða um fjármögnun verslunarkjarna
Haraldur Guðmundsson
haraldur@dv.is
Rekur Samkaup og Nettó
Samkaup hf. er stærsta félag innan
samstæðu Kaupfélags Suðurnesja en
það rekur um fimmtíu smásöluverslanir
víða um landið undir merkjum Sam-
kaupa, Nettó og Kaskó. Dótturfélagið
var rekið með 1.267 milljóna hagnaði árið
2014 og munar þar mestu um sölu á Búr
ehf. sem fór á 962 milljónir króna.
Kaupfélagið á 53% hlut í Sam-
kaupum og 69% í fasteignafélaginu
Urtusteini ehf. sem á 33 fasteignir víða
um landið. Félagið byggði skömmu fyrir
hrun skrifstofuhúsnæði við Krossmóa
4 í Reykjanesbæ þar sem höfuðstöðvar
Samkaupa eru til húsa. Stjórn þess
ákvað eins og áður segir að færa til baka
ákvörðun frá 2009 um 1.024 milljóna
virðisrýrnun fasteignarinnar. Var það
gert sama ár og fjárhagslegri endur-
skipulagningu Kaupfélags Suðurnesja
lauk og í ljósi þess að tekist hafði að
koma húsinu að fullu í útleigu.
Rósaselstorg Hugmynd Kaupfélags Suðurnesja gengur út á að þrjár byggingar verði reistar á 20 þúsund fermetra lóð skammt frá Flug-
stöð Leifs Eiríkssonar.
Stjórnarformaðurinn Skúli Þ. Skúlason.
„Kaupfélagið sem
slíkt er eins og þú
bendir á tiltölulega ný-
komið úr fjárhagslegri
endurskipulagningu, eins
og mörg önnur félög, en
það fjármagnar þetta
ekki eitt og sér.
ÚRVAL
FÆÐUBÓTAREFNA
Glæsibæ & Holtagörðum
Netverslun: www.sportlif.is
Sterkustu
brennslu-
töflur í
Evrópu
bensínstöð
bensínstöð
veitingar/verslun
Ga
rðu
r /
RN
B
Leifsstö
ð
Sandgerði
RNB / Reykjavík