Dagblaðið Vísir - DV - 26.02.2016, Qupperneq 6

Helgarblað 26.–29. febrúar 20166 Fréttir
Tákn rist á kvið konunnar
n Óttasleginn almenningur getur haldið ró sinni segir lögreglan n Konan á öruggum stað
M
eðal þeirra alvarlegu
áverka sem konan, sem
varð fyrir árásum á heimili
sínu í Móabarði í Hafnar­
firði í síðustu viku og á
sunnudag, hlaut var að tákn var rist
á kvið hennar. Enn hefur enginn ver­
ið handtekinn í tengslum við árásirn­
ar og lögreglan litlu nær við rannsókn
málsins. Að sögn lögreglu er fólk skilj­
anlega óttaslegið en talsmaður fullyrð­
ir að lögreglan telji almannahag ekki
ógnað og að fólk sé ekki í hættu þrátt
fyrir að maðurinn, sem sagður er hafa
verið að verki í bæði skiptin, gangi enn
laus. Ekki sé tilefni til að fólk vígbúist
og hætti að svara þegar dyrabjallan
hringi eins og dæmi séu um.
Tvær árásir tilkynntar
Eins og DV hefur greint frá er frásögn
konunnar á þá leið að um áttaleytið
á mánudagsmorgun þann 15. febrú­
ar hafi árásarmaðurinn knúið dyra á
heimili hennar í Móabarði þegar hún
var ein heima með ungbarn. Hann
hafi villt á sér heimildir og sagst vera
þangað kominn til að lesa af veitu­
mælum. Þegar honum var hleypt
inn hafi hann ráðist á konuna með
ofbeldisfullum hætti. Síðari árásin
varð síðan á sama stað, sunnudags­
kvöldið 22. febrúar síðastliðinn. Líkt
og fram kom í DV á þriðjudag virð­
ist sem árásarmaðurinn hafi þurft
að vakta heimilið náið til að láta til
skarar skríða þá þar sem aðstand­
andi hafi aðeins vikið frá hlið hennar
í tæpan hálftíma þetta kvöld og raun­
ar alla vikuna – og árásarmaðurinn
sætt færis. Fram kom að þeir áverkar
sem konan hlaut í árásunum hafi ver­
ið slíkir og svo alvarlegir að menn
hafi vart séð annað eins. DV getur nú
greint frá því að meðal þessara áverka
eru að tiltekið tákn var rist á kvið
hennar í árásunum.
Réttarmeinafræðingur
kallaður til
Málið þykir einstakt og ítrekar lög­
reglan að rannsókn þess sé í al­
gjörum forgangi. Unnið hafi ver­
ið úr ábendingum en það ekki
borið árangur það sem af er. Raun­
ar herma heimildir DV að rann­
sókn lögreglu sé í hálfgerðum lás
sem stendur. Heimildir DV herma
að réttarmeinafræðingur hafi verið
fenginn til að fara yfir gögn málsins
og áverka konunnar og niðurstöðu
þeirrar skoðunar sé beðið.
Í ljósi stöðunnar sem uppi er
herma heimildir DV að eitt af því sem
rannsakað er sé með hvaða hætti
áverkarnir séu til komnir. Samkvæmt
upplýsingum DV er konan í bata eftir
atvikið og á öruggum stað.
Óþarfi að óttast og vígbúast
Meðal þess sem lögreglan hef­
ur verið gagnrýnd fyrir er skortur
á upplýsingagjöf til að slá á ótta
fólks í nágrenninu og víðar. Mar­
geir Sveinsson, stöðvarstjóri hjá lög­
reglunni í Hafnarfirði, segir í sam­
tali við DV að undanfarna daga hafi
margir verið í sambandi við lög­
regluna vegna málsins.
„Fólk er óttaslegið sem skilj­
anlegt er vegna þessara lýsinga á
þessum atburðum sem þarna áttu
sér stað. Við viljum reyna að slá á
þennan ótta sem skapast hefur og
biðja fólk um að halda ró sinni. Ekki
vera að fara út í það sem við höf­
um heyrt af að safna bareflum til að
taka á móti einhverjum, draga fyr­
ir, slökkva ljós og láta lítið fyrir sér
fara og hætta að svara dyrabjöllum
þegar jafnvel ættingjar eru að koma
í heimsókn,“ segir Margeir, sem seg­
ir lögreglu skilja ótta fólks.
„En ef lögregla telur að um al­
mannahættu sé að ræða eða að
einstaklingar eða fjölskyldur séu í
hættu þá er gripið til viðeigandi ráð­
stafana. En það á ekki við í þessu til­
felli og hefur ekki verið þótt við höf­
um jú aukið eftirlit okkar á svæðinu.
En við viljum benda fólki á að það
þarf ekki að bregðast við eða fara út
í einhverjar aðgerðir vegna þessa
máls.“ Margeir segir að ótta fólks
megi að hluta til rekja til umræðu á
netinu og viðurkennir að lögreglan
hefði mátt standa sig betur í að taka
þátt í henni og upplýsa fólk. Hann
ítrekar að þungi sé lagður í rannsókn
málsins og lögreglan vinni hörðum
höndum að því.
Aðspurður hvort lögreglunni
hafi verið tilkynnt um fleiri tilfelli
í Hafnarfirði og Móabarði þar sem
bankað hafi verið upp á hjá fólki á
dularfullum tímum dags til að lesa
á mæla segir Margeir svo ekki vera.
„Ekki nema það sem á sér eðlilegar
skýringar þar sem raunverulega var
verið að fara að lesa af mælum. Ekk­
ert hefur heldur komið upp óeðlilegt
meira en bara þetta sem um ræðir.“ n
Sigurður Mikael Jónsson
mikael@dv.is
Óhugnanlegur áverki Meðal alvar-
legra áverka sem konan hlaut var að
tákn var rist á kvið hennar. Lögreglan
biður almenning að halda ró sinni og
ekki sé tilefni til að óttast þó að maður-
inn sem leitað er vegna árásarinnar sé
ófundinn. Mynd ÞoRMaR VigniR gunnaRSSon
„Við viljum reyna
að slá á þennan
ótta sem skapast hefur
og biðja fólk um að halda
ró sinni.
Elsta vEitingahús REykjavíkuR
staRfandi í 80 áR
Kaffivagninn / Grandagarði 10, 101 Rvk.
Sími: 551 5932 / www.kaffivagninn.is
Opið virka daga frá 07:30–18:00
og um helgar frá 09:30–18:00
gamla
höfnin