Dagblaðið Vísir - DV - 26.02.2016, Side 21

Helgarblað 26.–29. febrúar 2016 Umræða 21
Samfylkingin lætur
ekki deigan síga
Þingmenn Samfylkingarinnar
hafa verið nokkuð duglegir í
ræðustól Alþingis það sem
af er vetri. Sem stendur
vermir Össur Skarphéðinsson
annað sætið yfir þá sem mest
hafa talað, tæpar 17 klukkustundir. Enginn
þingmaður Samfylkingarinnar hefur talað
skemur en 8 klukkustundir ef undan er skilin
Ólína Kjerúlf Þorvarðardóttir, sem hefur
talað í 5 klukkustundir og 24 mínútur. Hún
rekur lestina af Samfylkingarþingmönnum
hvað ræðutíma varðar en það verður að
skoðast í ljósi þess að hún var ekki aðal-
maður þegar þing hófst heldur kom inn á
þing eftir að Guðbjartur Hannesson féll frá í
október síðastliðnum. Aðrir þingmenn Sam-
fylkingar hafa verið nokkuð iðnir við kolann,
hafa flestir lagt fram þingsályktunartillögur
eða frumvörp, nema hvort tveggja sé. Þá
hafa þeir flestir lagt fram fjölda fyrirspurna.
Píratar iðnir
við kolann
Píratar hafa verið áberandi
á þingvetrinum og ekki er
hægt að draga neinn þar út
sem hefur verið ósýnileg-
ur. Helgi Hrafn Gunnarsson,
kapteinn Pírata, er inni á topp tíu lista þeirra
þingmanna sem lengst hafa talað, í rúmar
12 klukkustundir í 314 ræðum. Sömu sögu
má segja af Birgittu Jónsdóttur og Ástu
Guðrúnu Helgadóttur. Auk þess að hafa
verið tíðir gestir í ræðustól hafa Píratar lagt
fram þingsályktunartillögur, frumvörp og
fjölda fyrirspurna.
Bjarkey vermir
toppsætið
Vinstri græn hafa einnig
verið mjög áberandi það
sem af er þingvetri. Af sjö
þingmönnum flokksins raða
sex sér á topp tíu listann yfir
þá sem lengst hafa talað og sá sjöundi,
Svandís Svavarsdóttir, er í 12. sæti. Bjarkey
Olsen Gunnarsdóttir hefur talað þing-
manna mest, í rúmar 17 klukkustundir og
30 mínútur. Svandís hefur talað í tæpar 10
klukkustundir og 30 mínútur. Allir þingmenn
Vinstri grænna hafa lagt fram þingsálykt-
unartillögur, sumir margar, og allir nema
tveir hafa lagt fram lagafrumvörp. Þá hafa
þingmenn Vinstri grænna borið upp fjölda
fyrirspurna til skriflegra svara, óundirbúinna
fyrirspurna og óskað eftir skýrslum.
Björt framtíð í
meðaltalinu
Þingmenn Bjartrar
framtíðar hafa verið í
meðaltalinu það sem af er
vetri. Ræðutími þingmanna
Bjartrar framtíðar er á bilinu
4 klukkustundir og 30 mínútur
og upp í rúmar 7 klukkustundir.
Björt Ólafsdóttir er þó undantekningin frá
þessu en hún hefur talað í 1 klukkustund
og 7 mínútur. Á því er þó sú skýring að Björt
kom til baka úr fæðingarorlofi 1. desember
síðastliðinn og hefur hún verið býsna lífleg
síðan þá. Þá hafa flestir þingmenn Bjartrar
framtíðar lagt fram þingsályktunartillögur,
frumvörp og fjölda fyrirspurna og beiðna
um skýrslur.
Þórunn Egilsdóttir
Framsóknarflokkur
Hefur talað í rúmar 33 mínútur og hefur tekið 38 sinnum til
máls. Ellefu varaþingmenn hafa talað lengur en Þórunn á
yfirstandandi þingi. Hún kom ný á þing eftir kosningarnar 2013.
Þórunn er 2. varaforseti Alþingis, situr í atvinnuveganefnd og er
formaður Íslandsdeildar NATO-þingsins.
Þórunn hefur ekki lagt fram neina þingsályktunartillögu
sem fyrsti flutningsmaður en verið meðflutningsmaður að
fimm slíkum. Hún hefur ekki lagt fram neitt frumvarp, hvorki sem 1. flutningsmaður
né sem meðflutningsmaður. Hún hefur lagt fram eina skýrslu, ásamt öðrum. Þá hefur
Þórunn verið meðflutningsmaður að beiðni um eina skýrslu.
Líneik Anna Sævarsdóttir
Framsóknarflokkur
Hefur talað í rúmar 50 mínútur og tekið 25 sinnum til máls.
Líneik Anna kom ný inn á þing eftir kosningarnar 2013. Hún er 2.
varaformaður allsherjar- og menntamálanefndar, situr einnig í
efnahags- og viðskiptanefnd og er varaformaður Íslandsdeildar
þingmannaráðstefnunnar um norðurskautsmál.
Líneik Anna hefur ekki lagt fram neina þingsályktunar-
tillögu, hvorki sem 1. flutningsmaður né sem meðflutnings-
maður. Hún hefur verið meðflutningsmaður að tíu frumvörpum. Líneik Anna hefur
lagt fram eina óundirbúna fyrirspurn og fjórar fyrirspurnir til skriflegs svars. Hún hefur,
ásamt öðrum, lagt fram tvær skýrslur og er meðflutningsmaður að beiðni um eina
skýrslu.
Valgerður Gunnarsdóttir
Sjálfstæðisflokkur
Hefur talað í tæpa 51 mínútu og tekið 41 sinni til máls.
Valgerður kom ný inn á þing eftir kosningarnar 2013. Hún er 3.
varaforseti Alþingis, situr í fjárlaganefnd og er varaformaður
Íslandsdeildar Norðurlandaráðs.
Valgerður hefur ekki lagt fram neina þingsályktunartillögu,
hvorki sem 1. flutningsmaður eða sem meðflutningsmaður.
Hún hefur verið meðflutningsmaður að fimm frumvörpum,
meðflutningsmaður að beiðni um eina skýrslu og hefur sjálf lagt fram, ásamt öðrum,
eina skýrslu.
Haraldur Einarsson
Framsóknarflokkur
Hefur talað í rúma 51 mínútu og haldið 14 ræður. Hann hefur
setið á þingi frá því eftir kosningarnar 2013. Haraldur er 2.
varaformaður umhverfis- og samgöngunefndar og situr ekki í
öðrum nefndum.
Haraldur hefur enga þingsályktunartillögu lagt fram, hvorki
sem 1. flutningsmaður né sem meðflutningsmaður. Hann hefur
verið meðflutningsmaður að sex frumvörpum en hefur ekki
lagt fram frumvarp í eigin nafni. Þá er hann meðflutningsmaður að beiðnum um tvær
skýrslur. Haraldur hefur lagt fram tvær fyrirspurnir til skriflegs svars.
Birgir Ármannsson
Sjálfstæðisflokkur
Hefur talað í 1 klukkustund og 7 mínútur og til þess hefur hann
tekið 23 sinnum til máls. Birgir hefur setið á þingi síðan 2003.
Hann er 1. varaformaður stjórnskipunar- og eftirlitsnefndar,
situr í umhverfis- og samgöngunefnd, þingskapanefnd og
Íslandsdeild NATO-þingsins.
Í ljósi mikillar þingreynslu Birgis, en hann er meðal reynslu-
mestu þingmanna, kemur á óvart hversu lítið hefur borið á
honum. Hann hefur ekki lagt fram neina þingsályktunartillögu, hvorki sem 1. flutnings-
maður eða meðflutningsmaður. Þá hefur Birgir heldur ekki lagt fram neitt frumvarp,
hvorki sem 1. flutningsmaður eða meðflutningsmaður. Hann hefur, ásamt öðrum, lagt
fram eina skýrslu.
Haraldur Benediktsson
Sjálfstæðisflokkur
Hefur talað í um 1 klukkustund og 18 mínútur. Til þess hefur
hann komið upp í ræðustól 24 sinnum. Haraldur kom nýr inn á
þing eftir kosningarnar 2013. Hann er 2. varaformaður atvinnu-
veganefndar og situr í fjárlaganefnd.
Haraldur hefur enga þingsályktunartillögu flutt sem 1. flutn-
ingsmaður en er meðflutningsmaður að fimm slíkum. Hann
hefur þá ekkert frumvarp lagt fram. Haraldur hefur lagt fram
eina fyrirspurn til skriflegs svars og er meðflutningsmaður að beiðni um eina skýrslu.
Höskuldur Þórhallsson
Framsóknarflokkur
Hefur talað í um 1 klukkustund og 25 mínútur. Hann hefur tekið
41 sinni til máls. Höskuldur hefur setið á þingi frá árinu 2007, er
formaður umhverfis- og samgöngunefndar, situr í stjórn-
skipunar- og eftirlitsnefnd, þingskapanefnd og er formaður
Íslandsdeildar Norðurlandaráðs. Nokkuð bar á Höskuldi í
fjölmiðlum í kringum síðasta Norðurlandaráðsþing, í október
síðastliðnum.
Höskuldur hefur ekki lagt fram neina þingsályktunartillögu, hvorki sem 1. flutnings-
maður né sem meðflutningsmaður. Hann hefur hins vegar lagt fram eitt frumvarp,
skipulags- og mannvirkjamál millilandaflugvalla. Það gerði hann í síðustu viku en um
er að ræða sama frumvarp og Höskuldur lagði fram á síðasta þingi. Þá hefur hann lagt
fram eina skýrslu, ásamt öðrum.
Hanna Birna Kristjánsdóttir
Sjálfstæðisflokkur
Hefur talað í 1 klukkustund og 25 mínútur og tekið 31 sinni til
máls. Hanna Birna kom inn á þing 2013 og var innanríkisráð-
herra 2013–2104. Hún er formaður utanríkisnefndar og situr í
þingmannanefnd Íslands og Evrópusambandsins.
Segja má að Hanna Birna hafi læðst með veggjum á þessu
þingi en afar lítið hefur borið á henni. Á þessu þingi hefur
Hanna Birna enga þingsályktunartillögu lagt fram, hvorki sem
1. flutningsmaður eða sem meðflutningsmaður, ekkert frumvarp lagt fram og enga
fyrirspurn, hvorki óundirbúna eða til skriflegs svars.
menn eru bara einhverjar 30 til 40
mínútur í ræðustól yfir þingvetur-
inn. En alla jafna finnst mér þetta
vera svolítið yfirborðskenndur mæli-
kvarði, mínútufjöldi í ræðustól.
Ræðumenn geta líka verið skýrir og
skorinorðir og koma frá sér kjarna
máls á stuttum tíma, meðan aðrir
þurfa meiri tíma til þess. […] Þing-
mannsstarfið er oft vanmetið og
þingmenn sjálfir eiga ekki að tala
það niður. Þetta er gefandi vinnu-
staður og gott fólk í öllum flokkum.
Ég myndi segja að á þessum fjórtán
árum sem ég var á þingi fannst mér
99 prósent þingmanna vera að sinna
vinnunni sinni af kostgæfni.
Sem betur fer eru þetta 63 ólík-
ir einstaklingar, sumir eru betri í því
að fara út í umhverfið, sitja fundi og
ræða mál þar, reyna að miðla þekk-
ingu sinni og afla sér nýrrar þekk-
ingar. Aðrir eru góðir í að semja þing-
mál og fá fólk með sér á þingmál. Það
er bara hið besta mál,“ segir Þor-
gerður og nefnir Pétur heitinn Blön-
dal sem dæmi um slíkan þingmann.
Hann hafi verið óhemju duglegur og
vinnusamur í þessum efnum.