Hjúkrun: tímarit Hjúkrunarfélags Íslands - 01.12.1979, Qupperneq 42

námskeiðið verður í Danmörku 29.
apríl til 1. maí 1980 og er ætlað fyrir
hjúkrunarfræðinga við svæfinga- og
gjörgæsludeildir. Verða bæði þessi
námskeið auglýst í „Hjúkrun“.
í desember sl. var haldin í Noregi
rannsóknarráðstefna á vegum SSN,
og sóttu hana nokkrir aðilar héðan
frá íslandi. Nefnd úr hópi hjúkrun-
arfræðinga sem sóttu ráðstefnuna
hefur nú sent frá sér niðurstöður,
sem innihalda ýmsar „samnorrænar
óskir“.
Fyrir utan þessa hneigð SSN, að
veita félögum aðildarfélaganna
slíka þjónustu, þá eru aldrei ofmet-
in þau tengsl sem HFÍ fær í gegnum
SSN.
Svo vikið sé orðum að fulltrúafund-
inum í ár, þ.e. 11.-14. sept. sl„ þá
var ég persónulega ánægð með þann
fund. Mikið og þarft mál var tekið til
umfjöllunar, þ.e. „forgangsröðun
verkefna innan heilbrigðisþjónust-
unnar“. Það er von mín að niður-
stöður þeirra umræðna sem þar áttu
sér stað, verði ekki aðeins dauð orð
á pappír, heldur verði þau atriði
sem að gagni mættu koma, rædd
frekar og gerð að veruleika.
Steinunn
Sigurðardóttir
Pú varst þátttakandi í hópvinnu.
Hvert varykkar viðfangsefni?
— í þeim starfshópi sem ég vann í,
var rætt um hvort unnt væri að auka
hlut heilsugæslunnar á kostnað
sjúkrahúsa. Þeirri spurningu svör-
uðum við þannig að áður en á-
kvarðanir væru teknar í þá átt þyrfti
að fara fram kannanir á þörfum ein-
staklinganna í þjóðfélaginu,
fyrir heilsuvernd og sjúkrahúsavist,
en slíkar kannanir hafa ekki
verið gerðar. Einnig ræddum við
um það að nýta mætti betur þær
stofnanir sem fyrir eru, og á
það við öll löndin, einnig var
lögð á það áhersla að auka þyrfti
samskipti milli heilsuverndarþjón-
ustunnar og sjúkrahúsa. Það bent-
um við einnig á að hjúkrunarfræð-
ingar eiga að vera með í ákvarðana-
töku varðandi skipulagningu innan
heilbrigðisþjónustunnar. Við rædd-
um einnig hvert væri hlutverk hjúkr-
unarfræðinga í heilsuverndarþjón-
ustunni. Þar kom skýrt fram að það
væri nokkuð misjafnt eftir löndum
en að hvert hjúkrunarfélag fyrir sig
ætti að vinna að þessu máli. Á ís-
landi er starfandi starfssviðsnefnd
sem vinnur að þessu.
Hvað var að þínu mati athyglisverð-
ast af þeim almennu upplýsingum
sem fram komu á fundinum?
— Það sem mér fannst áhugaverð-
ast á þinginu, fyrir utan efnið „for-
gangsverkefni innan heilbrigðis-
þjónustunnar," var það sem danir
vinna nú að í sambandi við heima-
hjúkrun. Þeir vinna nú að tilraun á
því hvernig heimahjúkrun sem veitt
er allan sólarhringinn komi út og/
eða reynist í framkvæmd. Þessi til-
raun byrjaði 1.4.78 og á að standa
yfir í tvö ár. Danskir hjúkrunar-
fræðingar hafa þegar sýnt fram á að
þetta fyrirkomulag minnkar t.d.
álag á hjúkrunarheimili og sjúkra-
hús. Það eykur öryggiskennd sjúkl-
ingsins/einstaklingsins. Það er auð-
veldara að koma til móts við óskir
sjúklinga um að vera sem lengst á
eigin heimili og að síðustu þá hafa
þeir sýnt fram á að þegar litið er til
lengri tíma þá sparar þetta fyrir-
komulag mikla peninga og það
ætti að koma öllum þjóðfélags-
þegnunum til góða.
Pú varst okkar fulltrúi í nefndinni
sem vann að niðurstöðum frá fund-
inum. Hvað vilt þú segja um það
starf?
— Já, ég var fulltrúi íslands í
nefnd þeirri sem gerði tillögu að
þeirri skriflegu yfirlýsingu sem frá
fulltrúafundinum fór. Vinnan gekk
þannig fyrir sig að við ræddum sam-
an fljótlega eftir að hóparnir hófu
störf. Þá var ákveðið að bíða þar til
skriflegar niðurstöður kæmu frá
hverjum hópi og vinna síðar úr því
efni. Það var síðan gert. Nú, daninn
í nefndinni tók að sér að draga sam-
an það sem frá hópunum kom og
gera tillögu að þessari yfirlýsingu.
Síðan gerðum við nokkrar breyt-
ingar á hans tillögu. Tillagan var
síðan lögð fyrir fulltrúafundinn og
samþykkt með smávægilegum
breytingum. Þetta starf gekk víst
mjög vel fyrir sig í ár því oft hefur
verið mikið þjarkað um orðalag,
eins og oft vill verða. Yfirlýsingin
birtist hér í blaðinu.
Hvaða lærdóm hefur þú dregið af
fundinum?
— Áður en ég var kosinn fulltrúi á
S.S.N. þing hafði ég þá skoðun að
hjúkrunarfræðingar ættu ekki að
fara oftar á þessi þing en einu sinni
til tvisvar. Það vill segja að sem
flestir ættu að fá tækifæri til þess að
fara. Eftir að hafa sjálf tekið þátt í
þessu þá er ég þeirrar skoðunar að
fulltrúarnir eigi að fara nokkur ár í
röð. Við getum ekki farið með því
hugarfari að við séum fyrst og
fremstþiggjendur. Það verðureinn-
ig að koma framlag frá okkur. Til
þess að það geti orðið í auknu mæli,
þurfa flestir æfingu. Einnig tel ég
mikilvægt að þeir hjúkrunarfræð-
ingar sem fara á fulltrúafund SSN,
séu mjög vel inni í öllum málefnum
sem viðkomastéttinni, ekki bara því
málefni sem til umræðu er í það
skiptið.
Fundurinn gekk mjög greiðlega fyr-
ir sig og ber að þakka það frábærum
fundarstjóra, Eva Holm Christen-
sen frá Danmörku, sem ég vona að
verði fundarstjóri hjá okkur á næsta
ári.
30
HJÚKRUN