Hjúkrun: tímarit Hjúkrunarfélags Íslands - 01.12.1989, Qupperneq 26

Myndina teiknaði Lilian Brögger.
fæðinga á tímabilinu. Sennilega
einnig sú stefna, að böm dveljast
eKki á legudeildum, göngudeild
eða þeim sinnt við bráðaþjónustu
sjúkrahúsa, nema í þeim tilvikum
þegar ekki er hægt að veita full-
nægjandi meðferð á heilsugæslu-
stöð, hjá heimilislækni eða sér-
fræðingi. Ég ætla að þessari stefnu
sé fylgt af öllum sjúkrahúsum
landsins. Jafnframt hefir mjög
öflugt starf svo kallaðrar skyndi-
vaktarþjónustu barnadeilda við
fyrrnefnd sjúkrahús borið þann
árangur, að dregið hefir úr því að
börn hafi dvalist á sjúkrahúsum.
Starf heilsugæslunnar hefur
greinilega haft þau áhrif að nú næst
fyrr til sjúkra barna. Hins vegar,
eru á öllum tímum, áhættuhópar í
samfélaginu, sem þarf að beina
sjónum að. Stefna þarf að því að
afla gagnagrunns varðandi almennt
heilsufar og innlagnir barna og ung-
linga á sjúkrahús, skoða hvers
vegna börn og unglingar veikjast -
hvaða börn og unglingar eru
áhættuhópar. Við þekkjum til
ýmissa áhættuhópa, svo sem háa
tíðni umferða- og íþróttaslysa hjá
börnum og unglingum, ofbeldis og
vanrækslu, notkunar fíknilyfja,
vandamála barna vegna offitu og
sjálfssveltis, vannæringar. Auk
þess háa tíðni ýmiss konar sýkinga
og ofnæmis. Leggja þarf aukna
áherslu á forvarnir fyrir börn, ung-
linga og hina ungu fjölskyldu. Það
er besta fj árfestingin þegar til lengri
tíma er litið.
Ef litið er til aðgengis hinnar
ungu fjölskyldu að heilbrigðisþjón-
ustunni, kemur í ljós að úrbóta er
þörf. Hér í Reykjavík getur fjöl-
skyldan leitað til heilsugæslustöðva
á ákveðnum tíma sólarhringsins,
þar sem um landfræðilega skiptingu
er að ræða. Annars til heimilis-
lækna eða sérfræðinga. Á kvöldin
eða að nóttu til Læknavaktar eða til
bráðaþjónustu barnadeilda og
bráðamóttöku eða slysadeildar
Borgarspítala. Upplýsingar um
aðgengi liggja ekki á lausu. Þarna
er brýn þörf á einföldun og skýrari
verkaskiptingu. Enda einkennir
starf þeirra er sinna bráðaþjónustu
barna- og unglinga hér í Reykjavík,
álag, hraði og mikið starf við ráð-
gjöf og símaþjónustu við áhyggju-
fulla foreldra barna, sem þurfa
tímabundna bráðaþjónustu. Er
þetta viðbót við krefjandi starf heil-
brigðisstétta á sjúkrahúsum.
Áhersla er lögö á að tekjur eða
atvinnuhorfur foreldra eða for-
ráðamanna skerðist ekki vegna
sjúkra barna. Sérstaklega virðist
ástæða til að benda á þetta vegna
þess hversu foreldrar eru orðnir
virkir þátttakendur í sjúkraþjón-
ustunni.
Brýnt er talið að foreldrar og
forráðamenn barna geti milliliða-
laust átt greiðan aðgang að heil-
brigðisþjónustunni, hvenær sem er
sólarhringsins, bæði vegna bráðra
félagslegra vandamála, bráðasjúk-
dóma, slysa eða eitrana. En segja
má að við erum langt á eftir hinum
Norðurlöndunum hvað þennan
þátt varðar.
Sérstaklega eru eftirtektarverð í
samþykkt sjúkrahússnefndar Evr-
ópuráðsins tilmæli til heilbrigðis-
yfirvalda og stjórnenda sjúkrahúsa
um að skoða þarfir allra aldurshópa
innan sjúkraþjónustunnar. Einnig
er áhugavert að sjá, að sjúkrahúss-
nefndin telur að breyta þurfi við-
horfum og gera þurfi ýmsar skipu-
lagsbreytingar sem ekki hafi mik-
inn kostnað í för með sér.
24 HJÚKRUN %9-65. árgangur