Tímarit hjúkrunarfræðinga - 01.12.2000, Síða 26

„ KjAy'Uv £,kki )A-[nAuAltAW Að sÆkjA í
umú kumnA konur i vím kArU“
- segir Marga Thome, fyrsti deildarforseti hjúkrunarfræðideildar
Marga Thome hefur veriö kosin fyrsti deildarforseti hjúkr-
unarfræðideildar viö Háskóla íslands en deildin var sem
kunnugt er stofnuð í júlí sl. Ritstjóri Tímarits hjúkrunar-
fræðinga sótti hana heim á skrifstofu hennar í Eirbergi til
að ræða við hana um þennan merka áfanga í sögu
hjúkrunar hér á landi. Greinileg ummerki fræðikonu má sjá
í skrifstofu hennar því bækur og fræðirit fylla allar hillur og
horn. Marga er sem stendur í rannsóknarleyfi í eitt misseri
og segir hún nóg að gera, hún sé m.a. að leiðbeina
meistaranemum og setja námskeið sem hún kennir á
vefinn auk þess sem hún er að fara af stað með nýja
rannsókn. Að auki kemur hún til með að vera gestakennari
við háskólann í Vín og í Þýskalandi eins og hún hefur gert
nokkrum sinnum áður.
Marga Ingeborg Thome fæddist í Vadern í Saarlandi
árið 1942 og lauk hjúkrunarprófi árið 1963 í Saarlandi og
Ijósmæðraprófi 1965 í Sviss. Leið hennar lá til íslands þar
sem hún giftist manni sínum, Erlingi Bergsteinssyni
lögfræðingi, en honum kynntist hún erlendis. Þegar hún
kom hingað til lands var námsbraut í hjúkrunarfræði
tiltölulega nýstofnuð og Marga gerðist stundakennari þar.
„Ég vissi um námsbrautina er ég kom hingað og fannst
mjög gaman að fá tækifæri til að móta kennsluna hér og
því má segja að námsbrautin hafi haldið mér hér á landi.“
Árið 1973 lauk hún hjúkrunarkennaraprófi í Heidelberg í
Þýskalandi og 1977 lauk hún meistaraprófi í hjúkrun frá
háskólanum í Manchester í Englandi. 1996 lauk hún svo
doktorsprófi frá Open University og Queen Margaret
College í Edinborg.
Hún segir stofnun deildarinnar fyrst og fremst breytingu
á stjórnfyrirkomulagi því gegnum árin hafi námsbrautin
næstum því verið eins og deild. En nýtt stjórnfyrirkomulag
sé viðurkenning á umfangsmiklu og margháttuðu starfi og
staðfesting á því að námsbrautin hafi náð að uppfylla allar
starfskyldur háskólakennara, þ.e. kennslu, rannsóknir og
stjórnun að því marki sem telst nauðsynlegt fyrir deild.
Deildarskipulag segir hún einnig tryggingu á sjálfstæði í
innri málum og stuðli jafnframt að nýjum tækifærum. í
kjölfarið eykst jafnræði milli fræðigreina heilbrigðisstétta á
háskólasjúkrahúsi og á öðrum heilbrigðisstofnunum varð-
andi ástundun kennslu og rannsókna.
Þegar námsbrautin var stofnuð var einungis um eina
266
Á skrifstofunni i Eirbergi.
námsleið að ræða, B.S. próf í hjúkrunarfræði. En með
tímanum hefur starfsemin orðið umfangsmeiri og auk
hinnar hefðbundnu námsleiðar eru nú fimm aðrar í boði. í
fyrsta lagi sérskipulagt 45 eininga nám fyrir hjúkrunarfræð-
inga sem ekki hafa lokið háskólaprófi, í öðru lagi meistara-
nám í hjúkrunarfræði og í þriðja lagi viðbótar- og endur-
menntun í formi námskeiða. Ljósmóðurfræðin hefur einnig
bæst við, annars vegar undirbúningsnám fyrir Ijósmæður
sem ekki hafa B.S. próf og hins vegar nám í Ijósmóður-
fræði.
Fimmta stærsta kennslueining innan háskólans
Háskólaráð samþykkti að stofna deildina 25. maí sl. eftir
úttekt á kennslu og rannsóknum námsbrautarinnar. Náms-
braut í hjúkrunarfræði og lyfjafræði lyfsala eru fyrstu fræða-
sviðin innan Háskóla íslands sem gengist hafa undir mat á
starfsemi sinni áður en til deildarstofnunar kemur.
Hjúkrunarfræðideildin er nú fimmta stærsta kennsluein-
ingin innan háskólans.
En hvaða verkefni sér Marga helst fram undan?
Hún bendir á nokkur mikilvæg atriði sem þurfi að vinna
að á næstu árum. „Fyrst ber að nefna hjúkrunarfræðinga-
skortinn. Til að ráða bót á honum þarf að fjölga nem-
Tímarit hjúkrunarfræðinga ■ 5. tbl. 76. árg. 2000