Tímarit hjúkrunarfræðinga - 01.03.2006, Blaðsíða 50

Tengiliður rannsakenda á hverri heilsugæslustöð dreifði listan-
um til þátttakenda í lok námskeiðsins og safnaði aftur saman.
Spurningalistinn var saminn af fyrsta höfundi þessarar greinar,
með hliðsjón af líkani (Billings, 2000) sem sett var fram til
þess að auka skilning á fjarkennslu í hjúkrun og meta árangur
hennar. Á listanum voru fjölvalsspurningar sem lúta að reynslu
nemenda af tækninotkun, stuðningi og námi en einnig voru
opnar spurningar um kosti og galla námskeiðsins. Listinn var
lagður fyrir fimm kennara og nemendur við hjúkrunarfræðideild
sem höfðu persónulega reynslu af netnámi og gerðu þeír
engar athugasemdir við hann. Gagnaúrvinnsla við þessa
rannsókn er lýsandi tölfræði en markmið iýsandi rannsókna er
að draga upp mynd af raunverulegum aðstæðum (Burns og
Grove, 1987). Gögn voru slegin inn í tölfræðiforritin Statistical
Package for the Social Sciences (SPSS) og Microsoft Excel.
Opnar spurningar voru innihaldsgreindar eftir þemum.
Þátttakendur
Alls skráðu 48 hjúkrunarfræðingar sig á námskeiðið árin 2001 og
2002. Allir hjúkrunarfræðingarnir, sem luku námskeiðinu, svöruðu
spurningalistanum (n = 36, 75%). Allir svarendur voru kvenkyns,
störfuðu við heilsugæsluhjúkrun og var meðalaldur þeirra sem
svöruðu eða svöruðu ekki 48,7 ár (frá 33ja til 64ra ára).
Niðurstöður
Nám
Niðurstöður sýndu að flestir hjúkrunarfræðingarnir, eða 94%,
töldu sig hafa aukið þekkingu sína á námsefninu við það að
fara á námskeiðið. Innan við helmingur þeirra (39%) töldu að
þeir hefðu lært eitthvað eða miklu meira ef námskeiðið hefði
verið með hefðbundnu sniði, en 56% töldu að þeir hefðu lært
jafnmikið eða ekki meira ef um hefðbundið nám hefði verið að
ræða (sjá mynd 1). Þegar þátttakendur voru spurðír hvort þeir
myndu velja að taka námskeið eins og þetta á veraldarvefnum
eða með hefðbundnu sniði sögðu 53% að þeir myndu vilja
taka sambland af vefnámskeiði og hefðbundnu námskeiði.
Samt vildu 30% taka vefnámskeið eins og þetta og aðeins
17% hefðu kosið hefðbundið námskeið utan vinnustaðar síns.
Mynd 1. Hefðir þú lært meira ef námskeiðið hefði verið
með venjulegu sniði?
Já, mjög Eitthvaö Jafnmikið Ekki meira Svöruöu
mikið ekki
Mynd 2. Finnst þér þú hafa lært um andlega líðan mæðra
af öðrum þátttakendum á námskeiðinu?
Já, mjög Já, frekar All nokkuð Nei, frekar Nei, mjög Svöruðu
mikið mikið lítið lítið ekki
Mynd 3. Myndir þú ráðleggja öðrum hjúkrunarfræðingum
að fara á þetta námskeið?
35
30
25
20
15
10
5
0
Eins og sjá má á mynd 2 fannst öllum hjúkrunarfræðingum nema
einum þeir læra af öðrum þátttakendum á námskeiðinu.
Meirihluti hjúkrunarfræðinganna (89%) sagðist geta ráðlagt
öðrum hjúkrunarfræðingum að fara á námskeiðið, en 8%
sögðust kannski geta gefið þær ráðleggingar. Enginn kvað nei
við þessari spurningu.
í rannsókninni töldu allir hjúkrunarfræðingarnir að námskeiðið
hefði aukið færni þeirra til þess að annast konur með andlega
vanlíðan eftir barnsburð. Einn fyrirlestur á námskeiðinu var
um svefnerfiðleika. Rúmlega helmingur hjúkrunarfræðinganna
(53%) taldi að færni þeirra til þess að gefa foreldrum ráð
32
Já Kannski Nei Svöruðu
ekki
48
Tímarit hjúkrunarfræðinga - 1. tbl. 82. árg. 2006