Fréttablaðið - 18.05.2017, Qupperneq 16

Í 7. grein reglugerðar nr. 185/2016 um Orkusjóð eru tilgreindar heimildir
sjóðsins til að veita sérstaka styrki:
A) Styrkir til verkefna sem stuðla að samdrætti í olíunotkun til
húshitunar eða rafmagnsframleiðslu utan veitna.
B) Styrkir til verkefna sem leiði til lægri kostnaðar við óniðurgreidda
rafkyndingu húsnæðis eða mannvirkja í eigu sveitarfélaga.
C) Styrkir til verkefna sem leiða til orkusparnaðar.
Ráðgjafarnefnd Orkusjóðs hefur ákveðið að styrkveitingar Orkusjóðs
á árinu 2017 verði til verkefna samkvæmt A) lið ofangreindra heimilda.
Eingöngu er um fjárfestingarstyrki að ræða þ.e. styrki til kaupa á tækjum og
búnaði. Styrkur nemur 50% af kaupverði, þó að hámarki 2,5 m.kr.
Við mat á umsóknum verður sérstaklega horft til:
• Að fyrir liggi raunhæf áætlun um olíusparnað.
• Áætlaðs olíusparnaðar í hlutfalli við kostnað.
• Að verkefnið sé vel undirbúið og að fyrir liggi ítarleg verk- og kostnaðaráætlun.
Umsóknarfrestur er til 20. júní 2017
Skrifleg staðfesting á afgreiðslu umsókna mun berast umsækjendum eigi
síðar en 20. ágúst 2017
Orkustofnun fylgir stefnu stjórnvalda um rafræna stjórnsýslu og skal senda
rafrænar umsóknir af vef Orkustofnunar www.os.is
Nánari upplýsingar hjá Orkusjóði, Rangárvöllum við Hlíðarfjallsveg, 603 Akureyri
í síma 569 6083 – Netgang Orkusjóðs er jbj@os.is - Orkusjóður á www.os.is
ORKUSJÓÐURORKUSTOFNUN
ORKUSJÓÐUR
Orkusjóður auglýsir sérstaka styrki 2017
Bandaríkin Donald Trump, forseti
Bandaríkjanna, hefur ekki  verið
jafn óvinsæll  frá því hann tók við
embætti og hann er nú. Þetta sýnir
meðaltal skoðanakannana sem
FiveThirtyEight hefur tekið saman.
Mælist Trump með 39,7 prósenta
stuðning nú.
Til samanburðar mældist Barack
Obama með 60,7 prósenta stuðning,
George W. Bush 54,4 prósent, Bill
Clinton 47,9 prósent, George H.W.
Bush 56,1 prósent og Ronald Reagan
68 prósent þegar þeir höfðu gegnt
forsetaembættinu jafn lengi og
Trump hefur nú gert.
Frétt Washington Post frá því
á mánudag, sem snerist um að
Donald Trump hefði sagt utanrík­
isráðherra Rússa, Sergei Lavrov, og
sendiherra Rússa í Bandaríkjunum,
Sergei Kisl yak, frá leynilegum upp­
lýsingum á fundi þeirra í síðustu
viku þykir líkleg til þess að draga úr
stuðningi við forsetann.
Það gerir frétt New York
Times um að Trump hafi farið fram
á það við James Comey, þá yfir­
mann alríkislögreglunnar, að stöðva
rannsókn á tengslum Rússlands við
Michael Flynn, fyrrverandi öryggis­
ráðgjafa Trumps, sem rekinn var úr
starfi, og einnig ákvörðun Trumps
um að reka Comey úr starfi.
Frásögn New York Times stang­
ast mögulega á við vitnisburð
Andrews McCabe, starfandi yfir­
manns Alríkislögreglunnar, er hann
kom fyrir þingnefnd í síðustu viku.
Sagði hann þá að enginn hafi reynt
að trufla rannsókn FBI á tengslum
rússneskra yfirvalda við liðsmenn
Bandaríkjaforseta. Ekki er útilokað
að McCabe hafi ekki vitað af fundi
Trumps og Comey.
Vladimír Pútín, forseti Rússlands,
kom Trump til varnar í gær. Sagði
forsetinn að kollegi hans hefði ekki
greint frá leynilegum upplýsingum.
„Ef ríkisstjórn Bandaríkjanna telur
það nauðsynlegt erum við reiðubú­
in til að verða henni úti um upptöku
okkar af fundinum,“ sagði Pútín.
Heimildarmenn CNN segja hins
vegar að Trump hafi sagt eftirfar­
andi á fundinum: „Ég fæ svo stór­
kostlegar upplýsingar. Fólk segir
mér stórkostlegar upplýsingar á
hverjum degi.“ Í kjölfarið á Trump
að hafa greint frá upplýsingunum
sem tengdust Ísrael og Íslamska
ríkinu.
Talsmenn forsetans neituðu frá­
sögn Washington Post í upphafi en
sögðu síðar að það væri „algjörlega
við hæfi“ að Trump deildi slíkum
upplýsingum.
„Ég held að forsetinn þurfi síst
af öllu á stuðningi Pútíns að halda
einmitt núna. Það er hins vegar
undarlegt að Rússar séu að taka
upp fundi með forsetanum,“ sagði
Adam Schiff, fulltrúi Demókrata
í upplýsingamálanefnd fulltrúa­
deildar þingsins, í viðtali á CNN í
gær. thorgnyr@frettabladid.is
Martraðarbyrjun hjá Donald Trump
Forseti Bandaríkjanna er óvinsælli en fyrirrennarar hans voru eftir jafn langt starf. Tvö hneykslismál skekja nú ríkisstjórn Trumps.
Hann á að hafa beðið yfirmann FBI um að stöðva rannsókn á þjóðaröryggisráðgjafa og deilt leynilegum upplýsingum með Rússum.
Möguleiki á ákæru
Þegar Bill Clinton var forseti Banda­
ríkjanna samþykkti fulltrúadeild
þingsins að ákæra (e. impeach)
hann, meðal annars fyrir að hindra
framgang réttlætisins. Hafa margir
andstæðingar Donalds Trump farið
fram á að slíkt hið sama verði gert í
tilfelli Trumps í ljósi ásakana um að
hann hafi beðið yfirmann FBI um
að stöðva rannsókn á fyrrverandi
þjóðaröryggisráðgjafa sínum. Þá
hækkuðu líkur á því undanfarna
daga ef marka má veðbanka.
Óvíst er hvort slík ákæra næði í
gegnum þingið. Til þess að fulltrúa­
deildin ákæri Trump þarf einfaldur
meirihluti hennar að samþykkja
það. Repúblikanar, flokksbræður
Trumps, eru hins vegar í meirihluta
í fulltrúadeildinni. Hafa verður þó
í huga að ekki eru allir þingmenn
Repúblikana eindregnir stuðnings­
menn forsetans.
Ef fulltrúadeildin ákærir forseta
þarf öldungadeildin hins vegar
að sakfella til þess að forseti sé
rekinn úr embætti. Til þess þarf
67 atkvæði. Afar ólíklegt er að
núverandi öldungadeild myndi
sakfella Trump en þar sitja 52 Re­
públikanar, 46 Demókratar og tveir
óháðir. Því þyrftu að minnsta kosti
19 Repúblikanar að kjósa gegn for­
seta sínum.
Kosið er um 33 öldungadeildar­
þingsæti á næsta ári. Hins vegar er
einungis kosið um átta sæti sem
Repúblikanar verma nú. Jafnvel þótt
Demókratar héldu öllum sínum
sætum og tækju átta af Repúblik­
önum þyrftu enn 11 Repúblikanar
að kjósa gegn forsetanum.
Bretland Líklegt er að Tim Farron,
leiðtogi flokks Frjálslyndra demó­
krata í Bretlandi, og fyrirrennari
hans, Nick Clegg, missi sæti sín á
breska þinginu í kosningum
í júní. Frá þessu greindi
Business Insider í gær.
Eru skipuleggjendur
k o s n i n g a b a r á t t u
Íhaldsflokksins, flokks
forsætisráðherrans Ther­
esu May, vongóðir um að
meðbyr í kjördæmi Farr­
ons sem og að minnk­
andi stuðningur við
Frjálslynda demó­
krata geti tryggt
Í h a l d s f l o k k n u m
sæti hans og þar með
komið miklu höggi á
flokkinn.
Greina heimildar­
menn Business Insid­
er innan úr Íhalds­
flokknum frá því að
mikið fjármagn sé lagt
í kosningabaráttu í kjördæmi Farr­
ons, Westmorland and Lonsdale, og
unnið sé eftir svonefndri „take­out­
Tim“ áætlun.
Þá segjast innanbúðarmenn úr
Verkamannaflokknum vongóðir
um að þeim takist að hreppa sæti
Cleggs í kjördæminu Sheffield
Hallam.
Samkvæmt meðaltali skoðana­
kannana sem Financial Times
tekur saman mælist
Íhaldsflokkurinn með
48 prósenta stuðn­
ing, Verkamanna­
flokkurinn með 31
prósent og Frjáls­
ly n d i r d e m ó ­
kratar með níu
prósent. – þea
Íhaldsmenn ógna leiðtoga
Frjálslyndra demókrata
Tim Farron, leið-
togi Frjálslyndra
demókrata.
NordicphoTos/AFp
Bandaríkin Chelsea Manning, upp­
ljóstrari og fyrrverandi hermaður,
var látin laus úr fangelsi í gær. Deildi
hún mynd á Twitter þar sem sjá
mátti „fyrstu skrefin inn í frelsið“.
Í stuttri yfirlýsingu sem Manning
sendi frá sér í gær sagðist hún nú
einbeita sér að framtíðinni. Hún
væri mun mikilvægari en fortíðin.
Manning sat inni undanfarin níu
ár fyrir að leka hundruðum þúsunda
leyniskjala Bandaríkjahers til Wiki­
Leaks. Var hún upphaflega dæmd í
35 ára fangelsi en Barack Obama
fyrirskipaði að hún skyldi látin laus
undir lok forsetatíðar sinnar.
„Eftir spennuþrungna fjögurra
mánaða bið er stundin loksins
runnin upp. Hvað sem bíður mín
núna er mun mikilvægara en for­
tíðin. Ég er að reyna að átta mig
aðeins á hlutunum akkúrat núna.
Það er spennandi, vandræðalegt,
skemmtilegt og nýtt fyrir mér,“ segir
í yfirlýsingu Manning. – þea
Chelsea Manning fagnar
frelsi eftir sjö ára fangelsi
Eftir spennu-
þrungna fjögurra
mánaða bið er stundin
loksins runnin upp.
Chelsea Manning, uppljóstrari
1 8 . m a í 2 0 1 7 F i m m t U d a G U r16 F r é t t i r ∙ F r é t t a B l a ð i ð
1
8
-0
5
-2
0
1
7

0
5
:0
0
F
B
0
7
2
s
_
P
0
6
8
K
.p
1
.p
d
f
F
B
0
7
2
s
_
P
0
5
7
K
.p
1
.p
d
f
F
B
0
7
2
s
_
P
0
0
5
K
.p
1
.p
d
f
F
B
0
7
2
s
_
P
0
1
6
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
C
E
2
-2
A
A
8
1
C
E
2
-2
9
6
C
1
C
E
2
-2
8
3
0
1
C
E
2
-2
6
F
4
2
7
5
X
4
0
0
.0
0
1
5
A

F
B
0
7
2
s
_
1
7
_
5
_
2
0
1
7
C
M
Y
K