Álit: tímarit löggiltra endurskoðenda - 01.01.1990, Side 47

Hafi tryggingafræðilegt mat ekki farið fram við upp-
gjör þá skal geta þess hvenær það fór síðast fram og
styðjast við upplýsingar úr því mati.
I reikningsskilunum skal upplýsa um tengsl hreinnar
eignar til greiðslu h'feyris og mat á áunnum lífeyrisrétt-
indum á núvirði og stefnu sjóðsins varðandi fjármögnun
á lífeyrisloforðum.
Reikningsskil Séreignasjóða skulu innihalda yfirlit
um hreina eign til greiðslu lífeyris og gerð skal grein
fyrir fjármögnunarstefnu sjóðsins.
Reikningsskil lífeyrissjóða, hvort sem um er að ræða
Almenna sjóði(Sameignasjóði) eða Séreignasjóði skulu
ennfremur innihalda:
(a) Yfirlit um breytingar á hreinni eign til greiðslu líf-
eyris
(b) Upplýsingar um helstu reikningsskilaaðferðir og
(c) Lýsingu á starfsemi sjóðsins, um breytingar á starf-
seminni og í hverju þær eru fólgnar.
Fjárfestingar lífeyrissjóða skulu bókfærðar á raun-
virði (fair value). Þegar um skuldabréf er að ræða þá
telst raunvirði vera markaðsvirði. Ef um fjárfestingar er
að ræða sem ekki er hægt að meta á raunvirði þá skal
upplýsa um það.
Þessi staðall tók gildi 1. janúar 1988.
Að lokum langar mig til að koma örlítið inn á reikn-
ingsskil lífeyrissjóða hér á landi og þá vinnu sem hefur
verið lögð í það að koma reikningsskilum lífeyrissjóða í
viðunandi horf.
A árinu 1984 var gefið út hefti á vegum Sambands al-
mennra lífeyrissjóða og Landssambands lífeyrissjóða
um samræmdan ársreikning og bókhaldslykil lífeyris-
sjóða, sem unnið var af sérstakri samstarfsnefnd um
reikningsskil lífeyrissjóða og átti Reikningsskilanefnd
FLE aðila í þeirri nefnd. Flestir lífeyrissjóðir hafa síðan
stuðst við það form, en það uppfyllir þær kröfur sem
settar eru fram í staðlinum nr. 26. Nú er sami sam-
tarfshópurinn og sá um útgáfuna 1984 að gefa út endur-
bætt leiðbeiningarrit um reikningsskil lífeyrissjóða, auk
þess sem þar eru áréttuð ýmis atriði sem farist hafa fyr-
ir við reikningsskilagerð lífeyrissjóða síðustu árin.
Helstu atriðin eru þessi:
1. Lögð er áhersla á að skýrsla stjórnar sé hluti árs-
reikninsins.
2. Gert er ráð fyrir að í yfirliti um breytingar á hreinni
eign til greiðslu h'feyris komi fram í meginatriðum
raunávöxtun eigna sjóðsins. Við útreikning á áhrif-
um verðlagsbreytinga á peningalegar eignir sjóðanna
þá hefur í reikningsskilum sjóðanna ýmisst verið
notuð byggingarvísitala eða lánskjaravísitala (Sam-
ræmda formið gerir ráð fyrir notkun byggingarvísi-
tölu). Nefndin leggur til að í skýringum ársreikn-
ingsins verði gerð grein fyrir raunávöxtun miðað við
fleiri en eina vísitölu.
3. Hvað tryggingafræðilega úttekt varðar þá leggur
nefndin áherslu á að hún liggi fyrir og að niður-
stöður úttektarinnar komi fram í ársreikningi ásamt
upplýsingum um helstu forsendur við útreikninginn.
Misbrestur hefur verið á að þessar upplýsingar liggi
fyrir og er ein ástæðan líklega sú að það getur tekið
lífeyrissjóðina langan tíma að komast í úttekt hjá
tryggingafræðingi vegna anna þeirra, en því má bæta
við að í frumvarpi til laga um starfsemi lífeyrissjóða
frá 29.maí 1987 þá er það sett sem skylda að slíkt
mat fari fram árlega.
4. Við mat á langtímakröfum þá leggur nefndin það til
að bókun fjárfestinga í skuldabréfum verði hagað
svo sem reikningsskilanefnd FLE hefur mælt með í
drögum að áliti um þetta efni, þ.e. að afföll skulda-
bréfa séu færð til tekna á afborgunartíma bréfanna
miðað við virka vexti.
5. Nefndin leggur til að skuldabréfaeign sjóðanna verði
færð niður í efnahagsreikningi til að mæta þeim
kröfum sem kunna að tapast, þegar það á við(
nefndin getur þess að bankar færa nú niður skulda-
bréfaeign sína um a.m.k. 1%).
Að lokum leggur nefndin til að í stað fjármagns-
streymis komi nú sjóðsstreymi, þar sem þau þykja á
ýmsan hátt henta betur eðli þeirrar starfsemi sem fram
fer hjá lífeyrissjóðunum.
ALLAR GERÐIR
STIMPLA
PENNASTIMPLAR
Skapaöu þér ímynd með okkar
sjálfblekandi stimpilpenna, það
gæti gert gæfumuninn
• að hafa stimpil með
' nafni þínu, fyrirtæki
' eða góðu slagorði alltaf
■ við hendina.
STIMPLAGERÐ
KRÓKHÁLSI 6 SlMI 671900
47