FLE blaðið - 01.01.2016, Síða 6

svo mikil teymisvinna, verður alltaf skemmtilegra og skemmti-
legra eftir því sem árin líða. Svo er líka þetta með öryggið, ég
hef haft starfsöryggi þar sem ég er, en hef þurft að horfa upp á
vini og félaga missa vinnuna, eftir hrun."
„Ég met mikils þetta starfsöryggi, líklega fyrst og fremst vegna
þess að ég er búin að vera ein með strákana mína tvo í rúm
átján ár. Þeir eru flottir strákar. Þeir eru ekki að feta í fótspor
móður sinnar, þeir hafa séð þessa miklu vinnu sem þarf að
leggja í starfið og ætla alls ekki að vinna svona mikið sjálfir og
ekki að vinna á skrifstofu. Þeir vilja báðir vinna svolítið líkam-
lega vinnu og vinna úti, þeim líkar það miklu betur. Annar hefur
unnið á bílaleigu í mörg ár og hinn starfar á Keflavíkurflugvelli,
þeir eru báðir sáttir þar sem þeir eru."
Félag löggiltra endurskoðenda
„í þessu félagi á ekki að gera miklar breytingar hratt, heldur
fer betur á að þróunin verði seigfljótandi. Formenn stoppa svo
stutt við og það stendur kannski félaginu fyrir þrifum hvað
varðar þróun. Það tekur svona eitt ár að melta hlutina og þegar
maður er búinn að því þá er maður eiginlega alveg að fara frá
félaginu aftur. Fyrst er maður varaformaður í tvö ár og svo for-
maður í tvö ár. Ég myndi vilja sjá að hinir stjórnarmennirnir yrðu
líka í fjögur ár svo það yrði ekki svona ör endurnýjum hjá þeim.
Því verkefnin sem þarf að vinna, ég held þau vinnist betur ef
menn staldra lengur við."
„Ég er þeirrar skoðunar að þetta sé gott félag og starfsemin
sé góð hjá félaginu og ekki margt sem þurfi að breytast. Samt
sem áður þarf að vinna í því að það sé aukin samheldni meðal
félagsmanna hvort sem þeir starfa fyrir lítil fyrirtæki eða stór.
Það er eins og stóru fyrirtækjunum finnist hallað á sig og litlu
fyrirtækjunum finnist líka hallað á sig. Það er vond staða ef
einhverjum félagsmanna finnst einhvern veginn hallað á sig.
Þróunin þarf að vera hjá félagsmönnum öllum en ekki bara hjá
stjórn og stjórnarformanni."
„Kríunesfundurinn sem er árlegur stefnumótunarfundur stjórn-
ar og formanna nefnda, er algjör snilld til þess að finna út hvað
félagsmenn eru að hugsa. Ég held að við þurfum að setjast
niður og finna út saman hvernig við viljum hafa þetta. Ég sé
fyrir mér stefnumótunarfund, opinn öllum félagsmönnum, þar
sem við myndum reyna að glöggva okkur á hvert við viljum fara
með félagið og hvert við viljum að hlutverk þess sé."
Skylduaðild
„Það er óheppilegt finnst mér að það sé skylduaðild að
félaginu, því ef þú ert skyldaður til að vera einhvers staðar þá
kemur fram meiri gagnrýni fyrir vikið. En ef þú getur valið þá
spyrðu sjálfan þig hvort þú viljir vera I félaginu og velur að vera
þar ef þú telur hag þínum betur borgið með því. Það gæti orðið
breyting á þessu, en við vitum ekki alveg vilja löggjafans, en
það kemur væntanlega fram við innleiðingu á Evróputilskipun-
inni. En við getum beitt okkur í innleiðingarferlinu og þurfum
því að hlusta á raddir félagsmanna sem mér heyrast segja að
þeir vilji ekki skylduaðild að félaginu. En við þurfum fyrst að
heyra hvað löggjafinn hefur að segja því ef okkur er úthlutað
verkefnum að sinna þá þurfum við að gæta þess að hafa til
þess fjármagn. Það þarf ekki endilega að koma með félags-
gjöldum, það gæti jafnvel komið frá hinu opinbera ef það er að
leggja einhverjar skyldur á okkar herðar."
Margrét á ársfundi NRF á Snæfellsnesi ásamt fararstjóranum.
4 • FLE blaðið janúar 2016