Morgunblaðið - 27.11.1963, Blaðsíða 1

Morgunblaðið - 27.11.1963, Blaðsíða 1
NltMflM 32 siður 50 árgangur 254. tbl. — Miðvikudagur 27. nóvember 1963 Prentsmiðja Morgunhlaðsíns Johnson rœddi viðleiðtoga í gœr — hann ráðgast við Home, Erhard og de Gaulle á einka- fundum síðar Washington, 26. nóv. - AP - NTB. LYNDON B. Johnson, forseti Bandaríkjanna, átti í dag fundi með mörgum erlendum þjóðhöfðingjum og ráðamönn um. Munu alþjóðamál, og væntanleg samskipti Banda- ríkjanna við erlend ríki, hafa veriö til umræðu. Forsetinn ákvað m.a. að eiga fund með Alec Douglas Home, forsætisráðherra Breta, snemma á næsta ári. Munu þeir þá ræða ítarlega um alþjóðamál. Þá var í dag ákveðið, að Johnson og De- Gaulle, Frakklandsforseti, muni koma saman til fundar, síðar í vetur. Þá mun Erhard, kanzlari V-þýzkalands, halda til fundar við Johnson á næstunni. Johnson ræddi í dag m.a. við Mikoyan, varautanríkis- ráðherra Sovétríkjanna, og stóðu viðræður þeirra í eina klukkustund. Mikoyan vildi fátt láta eftir sér hafa, er hann hélt frá fundinum. • ALEC DOUGLAS ÍIOME, utanríkisráðherra Breta, sagði eftir viðræðurnar við Johnson, að þeir hefðu komið sér saman um að hafa nána samvinnu á alþjóðasviðinu. Samtal þeirra stóð í hálfa klukkustund. For- sætisráðherrann sagði, að þeir hefðu ekki rætt einstök mál að sinni. Hins vegar skýrði hann Framhald á bls. 31 Alvarlegra alþjóðaástand f kjölfar f orsetamorðsins? Fréttastofur herma, að ráðamenn í A-Evropu óttist reiði handarísku þjóðarinnar, vegna stjórnmélaskoðana- og tengsla Lee H. Oswalds N Ú, þegar ógnarölduna, sem fylgdi í kjölfar fráfalls Kenn- edys, Bandaríkjaforseta, læg- ir, og jarðarför hans er um garð gengin, fer sú hlið for- setaskiptanna, sem að al- þjóðamálum snýr, að koma fram í dagsljósið. Er það greinilegt af ummælum blaða og fréttastofnana. Mikil gagnrýni hefur víða komið fram, vegna frammi- stöðu lögreglunnar í Dallas í Texas (sjá aðra frétt), og er 6i'i gagnrýni víðast í sambandi við ummæli um alþjóðaáhrif. Fréttastofur, sem fulltrúa eiga í Sovétríkjunum, og öðr- um ríkjum A.-Evrópu, hafa af megni réynt að skýra afstöðu ráðamanna þar, og hverjar afleiðingar þeir teljá viðburði síðustu daga munu hafa. — Greinilegt er, að uggs gætir í a.m.k. sumum þessara landa, uggs um, að stjórnmálaskoð- anir Lee Harvey Oswalds kunni að verða til þess, að reiði bandarísku þjóðarinnar beinist að kommúnistaríkj- níu mi, og alþjóðakommúnism anum verði kennt um að standa að baki atburðunum vestra. Johnson, forseti, hefur lýst því yfir, að hann muni fylgja utanríkisstefnu Kennedys. — Hefur sú yfirlýsing hans þeg- ar birzt á forsíðu Moskvu- blaðsins „Pravda". Stjórn- málafréttaritarar benda hins vegar á, að sovézkir ráða- menn treysti aðeins því, sem þeir taki á, og tíminn leiði í ljós. Hér fer á eftir frásögn fréttamanns Associated Press, William L. Ryan, rituð í New York í gær, þriðjudag. Hún er á þessa leið: Ummæði sovézkra blaða og ráðamanna, í kjölfar morðsins á Kennedy, forseta, benda til þess, að nokkur ótti ríki í Sovtéríkj- unum. Frá Kreml berast þær raddir, að hætta sé á því, að bandarísk alþýða muni skella skuldinni á kommúnismann, af því að mað- ur, sem talinn er hafa verið Castrosinnaður Marxisti, var sak aður um morðið. Krúsjeff, forsætisráðherra, og meðráðamenn hans eiga við mörg JACK RUBY, (Rubinstein). miuVuriiui, sem gekk. a3 Os- wald og skaut hann, þar sem hann stóð milli tveggja lög- regluþjóna. Sjá frásögn af starfi lögregl- unnar í Dallas, á bls. 3. vandamál að glíma innanlands, auk klofnings í alheimskommún- ismanum, og þeir munu ekki telja, að morð forsetans verði til að draga úr viðsjám í alþ j óðamálum. „Izvestia", málgagn sovézka kommúnistaflokksins, sem alla jafna er talið tákna skoðanir Krúsjeffs, segir: „Fráfall Kenn- edys, forseta, hefur komið róti á ástandið í Bandaríkjunum. — Barátta stendur milli þeirra Bandaríkjamanna, sem aðhyllast heilbrigðar skoðanir, og æsinga- manna, sem ekki skirrast við að nota ástandið til að koma mál- um sínum fram." Stefna Krúsjeffs miðar að frið- Frarnhald á bls. 31 í/J Evrópublöo sameinast s gagnrýni á lögregiuna í Dallas Kommúnistahlöð telja hægrimenn standa að baki báðum morðunum London, 26. nóv. — (AP) ÞAÐ eru ekki aðeins kommúnistablöðin í Ev- rópu, sem varpað hafa fram spurningum um morð ið á Lee Harvey Oswald, manninum, sem talinn er hafa myrt Kennedy, for- seta. Mörg andkommúnísk blöð telja atburðinn mjög grunsamlegan. Þau vilja þó ekki kenna hægrisinnuðum öfgamönnum um drápið, en mörg kommúnistablöð telja þá bera ábyrgðina. Mikillar gagnrýni hefur gætt á lögregluna í Dallas. — Hér fara á eftir ummæli nokkurra blaða í Evrópu: „NEUES OSTERREICH", óháð blað í Vínarborg, segir: „Oswald getur ekki lengur talað, jafnvel þó hann vildi, jafnvel þó hann væri tilneydd- ur. Var það tilgangurinn með dauða hans? Hver stóð að baki Jack Ruby, mannsins, sem sagt er, að hafi viljað koma fram hefndum? Það er ekki mjög sennilegt, að hann hafi gert það, sem hann gerði, að- eins til að hlífa frú Kennedy við að koma fram í rétti, svo að hún þyrfti ekki að vitna gegn morðingja manns síns." „DIE PRESSE", annað óháð Vínarborgarblað, segir: „Hvað, ef Oswald var saklaus? Hvað, ef hann var aðeins fórnardýr þess ráðleysis og æðis, sem augljóst er að ríkti í röðum lögreglumanna, er þeim var ljóst, að þeim hafði ekki tek- izt að vernda líf Kennedys. Lögreglan kann að hafa talið það nauðsyn að finna morð- ingja strax, hvað sem það kostaði, og lýsa hann sekan. Þegar tekið er tillit til aðstöðu Dallaslögreglunnar, þá var Oswald upplagður þorpari." „DAILY TELEGRAPH", Lundúnablað og málgagn íhaldsmanna, segir: „Morðið á Oswald gefur hvers kyns sögu sögnum og illmælgi, sem þjón- að getur tilgangi vondra Framh. á bls. 11 mtmma—rnmmmnnnr fímamm

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.