Dagblaðið Vísir - DV - 10.01.2017, Blaðsíða 4

Vikublað 10.–12. janúar 20174 Fréttir
Jólaskeiðin 2016 er komin í verslun okkar,
skeiðin í ár er 70 ára afmælisskeið. Við bjóðum
því viðskiptavinum okkar sem ekki hafa tryggt
sér jólaskeiðarnar frá 2013, 2014 og 2015 sérstakt
afmælistilboð eða allar þessar þrjár á 42.960 kr.
Fullt verð er 53.700 kr
GAM - verslun Guðlaugs A. Magnússonar
Jólaskeiðin byrjaði í
framleiðslu 1946 og eru
því 70 ár frá upphafi
Jólaskeiðar 2013, 2014 og 2015
Þrjár saman á 42.960 kr.
Fólk skjóti
ekki upp
flugeldum
Þyrla Landhelgisgæslunnar og
björgunarsveitir voru kallaðar
út á sunnudagskvöld eftir að
tvær neyðarsólir sáust á lofti
nærri Höfnum á Suðurnesjum.
Sá sem tilkynnti um þetta
var staddur á Grænásbraut í
Reykjanesbæ og sagði hann
að sólirnar sæjust á suðvestur-
himninum.
Í kjölfarið var ákveðið að
kalla út TF-LÍF og björgunar-
sveitir til að kanna málið betur
og sannreyna hvort um raun-
verulegt neyðarkall
væri að ræða.
Eftir nokkra
leit á svæð-
inu frá Garð-
skaga að
Reykjanestá
þótti ljóst að
blysunum hefði
verið ekki verið
skotið upp út af Höfnum heldur
benti allt til að þeim hefði verið
skotið af landi. TF-LÍF lenti aft-
ur í Reykjavík klukkustund síðar.
Landhelgisgæslan og aðrir
viðbragðsaðilar taka allar til-
kynningar um neyðarblys á lofti
mjög alvarlega enda eru þau eitt
mikilvægasta úrræði sjófarenda
og annarra til að kalla eftir að-
stoð í neyð.
Af þessu tilefni skal enn
brýnt fyrir fólki að skjóta ekki
upp flugeldum, nú þegar
jólahátíðinni er lokið. Öll notk-
un flugelda er bönnuð eftir
6. janúar, meðal annars til að
koma í veg fyrir atvik eins og
kom upp á sunnudagskvöld.
T
veir þingmenn hafa ekki
skráð fjárhagslega hags-
muni sína eða trúnaðarstörf
í hagsmunaskrá sem skylt er
að gera eigi síðar en mánuði
eftir að þing kemur saman. Þing kom
saman 6. desember síðastliðinn og
því er liðinn sá frestur sem gefinn
er til skráningarinnar. Annar þing-
mannanna er Gunnar Hrafn Jóns-
son, þingmaður Pírata, sem er í veik-
indaleyfi og skýrir það væntanlega hví
hann hefur ekki skráð sína hagsmuni.
Hinn þingmaðurinn er Njáll Trausti
Friðbertsson, þingmaður Sjálfstæðis-
flokksins.
Svo sem sjá má hér í ítarefni gilda
reglur um skráningu ýmissa hags-
muna um þingmenn. Ekki ber þeim
hins vegar skylda til að birta upplýs-
ingar um fjárhagslega hagsmuni fjöl-
skyldumeðlima sinna eða tengsl við
fyrirtæki og félög. Fimmtán þing-
menn hafa birt yfirlýsingu um að þeir
hafi enga fjárhagslega hagsmuni sem
reglurnar taki til. Meðal þeirra eru
tveir sitjandi ráðherrar, Gunnar Bragi
Sveinsson og Ólöf Nordal, og einnig
fyrrverandi forsætisráðherra, Sig-
mundur Davíð Gunnlaugsson.
Nýir þingmenn líklegri
til að eiga í félögum
Sextán þingmenn eiga hluti í fé-
lögum eða fyrirtækjum samkvæmt
hagsmunaskrá. Í langflestum tilfell-
um er um að ræða þingmenn sem
komu nýir á þing í síðustu kosning-
um og má því ætla að þeir þingmenn
sem setið hafi lengur hafi í flestum til-
fellum losað sig við sína eignarhluti,
hafi þeim verið til að dreifa. Umsvifa-
mestur í þessum efnum er þingmað-
ur Viðreisnar, Jón Steindór Valdi-
marsson, en hann á hluti í fjórum
félögum sem nema 25 prósentum
eða meiru af hlutafé eða stofnfé. Það
eru fyrirtækin Marel, Eimskipafélag-
ið og Össur, auk Nordberg Innovation
sem ekki hefur starfsemi.
Tveir sitja í sveitarstjórnum
Fimmtán þingmenn færa inn í hags-
munaskrá að þeir gegni launuð-
um störfum utan þingmennsku eða
standi í starfsemi sem sé tekjumynd-
andi fyrir þá eða félag í þeirra eigu.
Þeir Brynjar Níelsson og Haraldur
Benediktsson, þingmenn Sjálfstæðis-
flokksins, eiga báðir eigin fyrirtæki í
rekstri. Í tilfelli Brynjars er um að ræða
lögmannsstofu hans en í tilfelli Har-
aldar er um að ræða kúabú á Vestri-
Reyni sem hann á og rekur ásamt
konu sinni. Þá sitja tveir þingmenn
einnig í sveitarstjórnum, Bryndís
Haraldsdóttir, þingkona Sjálfstæðis-
flokksins, í Mosfellsbæ og Theodóra
S. Þorsteinsdóttir, þingkona Bjartrar
framtíðar, í Kópavogi. Það gerði raun-
ar Njáll Trausti Friðbertsson, þing-
maður Sjálfstæðisflokksins, á Akur-
eyri þar til um síðustu áramót. Þess
er þó ekki getið í hagsmunaskráningu
enda Njáll ekki búinn að skila henni.
Þingmenn tiltaka ýmis störf sem
þeir hafa sinnt tímabundið í hags-
munaskrá. Þannig tiltekur Birgitta
Jónsdóttir Pírati að hún hafi unnið
að ráðgjöf við handrit kvikmyndar-
innar The Fifth Estate. Athygli vekur
að Kristján Þór Júlíusson, þingmaður
Sjálfstæðisflokksins og heilbrigðis-
ráðherra, hefur skroppið einn túr á
makríl með Samherjatogaranum Vil-
helm Þorsteinssyni í ágúst árið 2010.
Eiga í fjölmiðlum
Tveir þingmenn eiga hluti í fjöl-
miðlum. Það eru þeir Óli Björn
Kárason, þingmaður Sjálfstæðis-
flokksins, sem er eigandi Þjóðmála
sem kemur út ársfjórðungslega og
Smári McCarthy, þingmaður Pírata,
sem á tveggja prósenta hlut í Stund-
inni. Smári hefur raunar greint frá
því að hann hyggist selja hlut sinn
og leiti nú kaupanda.
Tveir þingmenn hafa fengið eftir-
gjöf skulda, Framsóknarkonurnar
Elsa Lára Arnardóttir og Silja Dögg
Gunnarsdóttir. Elsa Lára fór í gegn-
um sértæka skuldaaðlögun en Silja
Dögg fékk leiðréttingu á evruláni. Þá
tiltekur Theodóra S. Þorsteinsdóttir,
þingkona Bjartrar framtíðar, að hún
standi í málaferlum við Landsbank-
ann vegna þess að fyrirtæki í hennar
eigu hafi verið tekið af henni með,
að hennar sögn, ólögmætum hætti.
Þingmenn sitja síðan margir
hverjir í stjórnum eða gegna
trúnaðar störfum fyrir ýmis félög.
Skemmtilegustu lýsinguna á slíku
er án efa að finna í skráningu Lilju
Rafneyjar Magnúsdóttur, þingkonu
Vinstri grænna. Lilja Rafney er
stjórnarmaður í Sæmundi Fróða
ehf., sem er „einkahlutafélag um
rekstur maka. Launalaust.“ n
Tveir þingmenn hafa
ekki skráð hagsmuni
n Ráðherra tók túr á makríl n Smári og Óli Björn eiga í fjölmiðlum
Freyr Rögnvaldsson
freyr@dv.is
Á eftir að skila Njáll Trausti Friðbertsson, sem sést hér fyrir miðri mynd, á eftir að skila hagsmunaskráningu sinni. MyNd SigTRygguR ARi
Reglum um hagsmunaskráningu er ætlað
að veita almenningi upplýsingar um
fjárhagslega hagsmuni þingmanna og
trúnaðarstörf þeirra utan Alþingis. Ber
þingmönnum að skrá upplýsingar um:
n Launuð störf sem þingmenn gegna
öðrum en þingmennsku.
n Hvort þingmenn standi að rekstri
félaga og fyrirtækja sem myndi tekjur.
n Skylt er þingmönnum að greina frá
fjárhagslegum stuðningi og gjöfum, sé
verðmætið meira en 50.000 krónur á ári.
n Eins er þingmönnum skylt að greina
frá því hafi þeir farið í ferðir sem kostaðar
hafa verið að hluta eða í heild af öðrum
en þeim sjálfum, ríkissjóði eða flokki
þeirra.
n Hafi þingmenn fengið eftirstöðvar
skulda gefnar eftir eða skilmálum við
lánardrottinn breytt með ívilnandi hætti
skal greina frá því.
n Þingmanni ber að greina frá því eigi
hann þriðjungshlut eða meira í fasteign,
utan húsnæðis til eigin nota.
n Eigi þingmaður hluti sem nema
meira en einni milljón króna í félögum,
sparisjóðum eða sjálfseignarstofnun í at-
vinnurekstri skal greint frá því. Sömuleiðis
ef hluturinn nemur meira en einu prósenti
og eignir eru meiri en 230 milljónir króna
eða rekstrartekjur eru hærri en 460 millj-
ónir króna. Einnig ef hluturinn nemur 25
prósentum eða meira í viðkomandi félagi,
sparisjóði eða sjálfseignarstofnun.
n Skrá skal hafi þingmaður gert
samkomulag við fyrrverandi vinnuveit-
anda sem sé fjárhagslegs eðlis og einnig
hafi verið gert samkomulag við framtíðar-
vinnuveitendur um ráðningu.
n Þingmaður skal skrá upplýsingar um
stjórnarsetu eða trúnaðarstörf utan
þings, önnur en þau sem þingmaður
gegnir innan stjórnmálaflokks.
Hagsmunir og trúnaðarstörf
Þetta er skylt að skrá