Dagblaðið Vísir - DV - 02.06.2017, Blaðsíða 62

42 fólk Helgarblað 2. júní 2017
Fanney og Ragnar
Fanney Eiríksdóttir gekk að eiga sinn heittelskaða, Ragnar Njálsson, síðastliðið
sumar. Fanney ákvað að hanna og sauma sinn eigin kjól ásamt móður sinni sem
er flink að sauma. Þetta var skemmtilegt og eftirminnilegt samstarfsverkefni
þeirra mæðgna. Kjóllinn er tvískiptur við mittið. Efri parturinn er þakinn fallegum
blúndum en neðri parturinn er sítt pils. Fallegt klassískt snið á kjólnum með
tignarlegu V-hálsmáli. Mynd Arnór Halldórsson. „Minn brúðarkjóll er hannaður
af mér og móður minni Rósu Láru, sem einnig saumaði kjólinn. Það kom eiginlega
ekkert annað til greina en að láta mömmu mína sauma kjólinn, því hún er algjör
snillingur í höndunum og það er alls ekki sjálfgefið að maður geti gift sig í kjól
sem mamma manns gerði. Mér þykir líka bara ótrúlega vænt um það að geta sagt
fólki að mamma mín hafi búið til brúðarkjólinn minn,“ segir Fanney. „Ég elska að
teikna upp föt og láta eitthvað verða úr hugmyndum sem ég fæ. Ég sjálf er ekki
mikil saumakona og því mjög gott að eiga eina svona snilldarmömmu. Ég vissi
nákvæmlega hvað ég vildi og mamma kom með sitt að borðinu og útkoman varð
þannig að ég hefði ekki getað verið ánægðari,“ segir Fanney um brúðarkjólinn sem
hún og móðir hennar bjuggu til saman.
Brúðarkjóllinn minn
Flíkin sem skiptir öllu máli
B
rúðkaupstímabilið er um
það bil að skella á og sjást
nú gæsir og steggir víða
um land. Ein stærsta tákn­
mynd brúðkaups í hugum
margra er sjálfur brúðarkjóllinn.
Ófáar stundir hjá verðandi brúður
fara í að skipuleggja kjólinn og fleira
sem tilheyrir þessum degi. Það er
eiginlega ótrúlegt að þessi flík, sem
mun einungis verða nýtt einu sinni
á ævinni af sama einstaklingi er sú,
sem konur leggja mestan metnað í.
Enda ekki ólíklegt að brúðina hafi
dreymt um að klæðast slíkum kjól
frá unga aldri.
Af þessu tilefni óskuðum við eftir
skemmtilegum ábendingum um
sérhannaða kjóla, heimagerða eða
jafnvel breytta og uppfærða kjóla.
Sumir hanna og sauma frá grunni,
aðrir vinna að einhvers konar eftir­
líkingum, enn aðrir breyta og bæta
keypta kjóla. n
Hönn-
unar-
Horn
Kolfinna Von Arnardóttir
kolfinna@artikolo.is
Kolfinna Von Arnardóttir
Ég gekk að eiga Björn Inga Hrafnsson sumarið 2015. Eftir að hafa heillast á
Another Creation-tískusýningunni á Reykjavik Fashion Festival fyrr um vorið
ákvað ég að hafa samband við hönnuðinn Ýri Þrastardóttur og fékk hana til
að hanna kjólinn. Við vildum hafa hann margbreytilegan svo úr varð þrískiptur
kjóll. Í grunninn er þetta stuttur kokteilkjóll. Saumaði svo Ýr tvö pils, eitt sítt
fyrir athöfnina og annað styttra fyrir veisluna. Kjóllinn er í takt við fatamerkið
sjálft. Brúðarkjóllinn sem Ýr Þrastardóttir hannaði og saumaði sést hér með
síða pilsinu sem var notað í athöfninni. Í veislunni var svo skipt um pils og sett
styttra pils sem auðveldara var að dansa í og fagna. Mynd Ásgeir Ásgeirsson.
Laufey Fríða Guðmundsdóttir
Giftist Benedikt Árna Jónssyni í fyrrasumar
í Skálholtskirkju. Dagurinn, staðurinn og
kjóllinn var dásamlega fallegur.
Brúðarkjóll Laufeyjar
„Eftir að hafa að skoðað marga kjóla og myndir af gömlum
klassískum kjólum þá var ég með einhverja ákveðna mynd af
kjólnum í huganum. Ég vissi að mig langaði í minn eigin, sem
enginn ætti eins og enginn hefði notað áður, þess vegna kom
ekkert annað til greina en að sérhanna og sauma,“ segir hún.
„Ég bjóst ekki við að finna einhvern góðan hönnuð í Noregi
þar sem ég bý, en það endaði á því að ég fór og talaði við
spænska konu sem var brúðarkjólameistari, hún var með alls
konar áherslur sem ég var mjög sammála og hún var algjör
sérfræðingur í sínu fagi. Ég sagði henni hvað ég var að hugsa
og við teiknuðum kjólinn upp í sameiningu. Ég vildi hafa hann
opinn í bakið, svo var ég eitthvað tvístígandi hvort ég ætti
að hafa ermar eða ekki, svo hún saumaði kjólinn þannig að
ef mig langaði að taka ermarnar af þá væri hægt að losa þær
með því að draga í mjög fínan silkiþráð, ég reyndar gerði það
aldrei þar sem ég var mjög ánægð með hann eins og hann var.
Eftir það fundum við ofsalega fallega perlusaumaða blúndu
sem var yfir undirkjólnum sem var úr satíni. Mér fannst svo
skemmtilegt að hafa svolítinn slóða en vildi ekki hafa hann
of þungan svo hann var úr fínu tjulli sem var saumað við
blúnduna. Ég var rosalega ánægð með hann, fannst heildar-
myndin koma mjög vel út. Þykir mjög vænt um hann og vona
að stelpurnar mínar vilji nota hann þegar þar að kemur,“ segir
Laufey um kjólinn sinn. Mynd Eddi Jónsson.
Brúðarkjóll Karítasar
„Maðurinn minn og ég giftum okkur
7.7.2012 í Laugarneskirkju en ég ólst
upp á Hofteigi nálægt kirkjunni. Við
bjuggum í London á þessum tíma og ég
keypti kjólinn þar. Ég heillaðist af efninu
og sniðinu og en lét breyta kjólnum að-
eins þar sem mig langaði að vera með
borða um mittið í staðinn fyrir skraut
sem var á honum fyrir ofan mitti,“ segir
Karítas. „Vera Þórðardóttir frænka
mín bjó til borða á kjólinn sem ég held
rosalega mikið upp á. Borðinn er úr silki
með silíkoni og Swarovski-steinum en
Vera er fatahönnuður og vann mikið
með slík efni á þessum tíma, Lady
Gaga klæddist m.a. flík eftir hana sem
var gerð úr þeim efnum. Mynd Baldur
Kristjánsson.
Glæsilegt belti Karítas Diðriks-
dóttir, markaðsstjóri hjá Igló & Indi,
fékk frænku sína til að hanna glæsi-
legt belti úr Swarovski-steinum.
Þannig gerði hún brúðarkjólinn að
sínum. Mynd Baldur Kristjánsson.
Karítas með sínum
heittelskaða