Dagblaðið Vísir - DV - 22.09.2017, Blaðsíða 22

22 sport Helgarblað 22. september 2017
mikilvægir. Ég hef verið með Jóni
Rúnari [Halldórssyni, formanni
knattspyrnudeildar FH] líka og
ég get alveg sagt að Börkur er ekki
síðri. Börkur sækir ekki jafn mikið
í athyglina eins og Jónsi. Ég sagði
Berki að ég myndi ráða hvernig
hlutirnir yrðu, það hjálpar svo
mikið að vera með Bjössa hérna
sem er Valsari og þekkir alla hérna
og allir sem tengjast Val þekkja
hann. Það hjálpaði líka, Bjössi gat
stigið á menn sem eru í kringum
þetta. Það er ekki bara í Val sem
hlutirnir eru svona, í öllum félög-
um eru menn sem vilja ráða öllu.
Svo ef hlutirnir ganga ekki upp þá
eru þeir alltaf með lausnir á því,
það verður þannig áfram. Þessi
þrjú ár hjá Val hafa gengið mjög
vel, það er aldrei erfitt þegar vel
gengur. Það er mjög einfalt. Ég hef
þjálfað síðan 1979 og hef oft lent
í mótlæti, það hafa allir sem hafa
tekið svona starf að sér lent í mót-
læti. Ég læri af því, ég hef aldrei ef-
ast um mína kunnáttu. Það hef ég
aldrei gert.“
Blaðamenn þorðu ekki í málið
Árið 2013 var Ólafur að þjálfa
Hauka og var liðið mjög nálægt því
að fara upp í efstu deild. Það eina
sem stoppaði það var 16-0 sigur
Víkings R. á Völsungi í næstsíðustu
umferð. Víkingur fór upp á marka-
tölu en Haukar sátu eftir með sárt
ennið. Ólafur segir að allt hafi
verið ólöglegt við þetta en blaða-
menn ekki þorað í málið. „Hauka-
tímabilið var mjög fínn tími, það
er náttúrlega rannsóknarefni fyrir
blaðamenn, sem þeir þorðu ekki
að fara í frekar en annað, af hverju
Haukar fóru ekki upp í efstu deild
í fótbolta. Það var allt ólöglegt við
þetta sem hægt var, blaðamenn
þorðu ekki að fara í það mál.“
Óvíst hvenær hann hættir
Ólafur hefur ekki ákveðið hvenær
hann hættir en hann segir Sigur-
björn, aðstoðarmann sinn, vera
framtíðarþjálfara Vals. „Bjössi á
stærri hlut í þessu en ég, hann
stjórnar öllu hérna. Það er nú alltaf
talað þannig að Bjössi sé hress og
skemmtilegur, vissulega er hann
það en fótboltakunnátta Bjössa og
allt í kringum það er fyrsta flokks.
Ég hef ekki haft jafn góðan mann
og Bjössa með mér frá því að ég
byrjaði í þessu. Ég stýri ekki miklu
sem gerist á æfingum, en ég veit
þó í flestum tilfellum hvað er að
fara að gerast. Bjössi er frábær í
fótboltafræðunum, hann er fram-
tíðarþjálfari Vals. Ef við verðum
ekki reknir héðan þá tekur hann
við af mér. Sama hvort það verði
eftir eitt ár, tvö ár eða tíu. Ég veit
ekki alveg hvenær það verður.
Ég er ekki byrjaður að hugsa um
hvenær ég hætti. Fyrst að Logi
Ólafsson fór í Víking 62 ára þá get
ég verið tvö ár í viðbót. Ég er bara
sextugur, kannski á ég 2–3 ár eft-
ir. Á meðan ég hef svona gaman
af þessu og tel mig geta gert eitt-
hvað í þessu þá held ég áfram. Ég
á fjölskyldu sem er kannski ekki
alltaf sammála mér í þessu, en
mér finnst þetta hrikalega gam-
an. Ég hugsaði um að hætta ef við
yrðum meistarar, að það gæti verið
flottur útgangspunktur. Það væri
ekkert vitlaust ef ég myndi vinna,
mig langaði að vinna þetta. Ég átti
frábær ár með FH en mig langaði
að vinna Íslandsmeistaratitilinn
með öðru liði. Það vildi ekki neinn
klúbbur ráða mig fyrr en Valur
kom til, ég þakklátur fyrir það. Ég
verð áfram í Val. Áhuginn á þessu
hefur ekki minnkað hjá mér, ég hef
alltaf jafn gaman af þessu.“
Telur að FH komi sterkara til baka
Það var í raun aldrei spurning um
að Valur yrði meistari og hans
gamla lið, FH, veitti Val aldrei
samkeppni. „Mér finnst deildin
hafa verið nokkuð jöfn, reyndar
erum við með mesta stöðugleik-
ann. Mér finnst önnur lið ekki
hafa náð upp þeim stöðug leika
sem ég átti von á. Ég átti ekki
von á því fyrir mót að við mynd-
um vinna þetta í 20. umferð,
ég sá ekki að það myndi gerast.
Botnbaráttan er bara eins og ég
sá hana fyrir mér; Akranes, Ólafs-
vík og Fjölnir, það kom ekki á
óvart. Gengi Grindavíkur hefur
verið frábært. Það er þannig að
þegar þú ert með mann sem skor-
ar þegar hann sér markið að þá
ertu í fínum málum. Ólafsvík var
í sömu málum í fyrra með Hrovje
Tokic og ÍA líka með Garðar
Gunnlaugsson. Það er gulls í gildi
að hafa mann sem skorar nán-
ast þegar hann sér markið, það
eru reyndar tvær umferðir eftir
af mótinu. Mér fannst vera smá
þreyta í FH, ég verð að segja það
þó að menn þar verði vondir út í
mig fyrir að segja það. Mér fannst
endurnýjunin á leikmannahópi
FH ekki vera eins og mörg önnur
ár hjá Heimi. Mér fannst hún ekki
eins öflug, ég gat alveg átt von á
því að þeir yrðu ekki sterkari en
við. Ég veit ekki hvort þeir fari í
miklar breytingar, ég er lítið að
velta því fyrir mér. FH hefur náð
einstökum árangri í 13 ár á Ís-
landi, sem er sögulegt, og það er
ekki óeðlilegt að liðið fái ágjöf . Ef
ég þekki mennina sem eru þarna
þá taka þeir á því eins og menn.“
Landsliðið betra með Heimi
Ólafur hefur horft á alla lands-
leiki Íslands eftir að hann lét af
störfum og hann elskar að fylgjast
með liðinu. „Mér finnst geggj-
að að horfa á landsliðið og alveg
frábært, ég hef séð hvern einasta
landsleik frá því að ég hætti. Ég
fer á alla leiki, mér finnst mik-
il framför á liðinu eftir að Heimir
tók við því einn. Ég verð að hrósa
honum, hann hefur bætt hlutum
inn í leik liðsins sem voru ekki
fyrir. Aðferðir Heimis hafa virk-
að mjög vel, það kom mér ekki á
óvart að hann færi að einhverju
leyti úr þessu 4-4-2 kerfi. Ég hef
aldrei verið hrifinn af því, Heimir
hefur gert stórkostlega hluti.
Hann hefur bætt hlutina mikið,
ég vona að þeir komist til Rúss-
lands. Það getur allt gerst í riðl-
inum, hver einasta mínúta skiptir
máli. Ég held að þetta verði hrika-
lega spennandi.“
Ánægður með tíma
sinn hjá landsliðinu
Ólafur stýrði landsliðinu í fjögur
ár með misjöfnum árangri en
uppistaða liðsins í dag steig sín
fyrstu skref undir stjórn Ólafs.
„Ég hef ekki verið hlynntur því að
tala mikið um það en ég var mjög
ánægður með minn tíma hjá
landsliðinu. Ég var mjög sáttur við
það sem ég gerði þar, ég er ófeim-
inn við að segja það. Árangurinn
var ekki eins og við vildum, inni-
stæðan var ekki til fyrir því held-
ur. Það var mikið af ungum leik-
mönnum sem voru að stíga sín
fyrstu skref með landsliðinu. Allt
í kringum landsliðið á þessum
tíma var lélegra en í kringum fé-
lagsliðin á Íslandi. Ég er óhræddur
við að segja það að ég var ánægð-
ur með minn tíma þarna. Ég var
ánægður með þróunina á því sem
við gerðum, landslið Íslands hafði
verið upp og niður. Unnið leik og
tapað leik, við áttum haug af ung-
um leikmönnum sem voru frá-
bærir í fótbolta og þeim hafði
gengið vel nánast öll sín ár í yngri
landsliðum. Á einhverjum tíma-
punkti, eftir eitt og hálft ár held
ég, talaði ég við Pétur Pétursson
sem var að aðstoða mig og spurði
hvort við ættum ekki að gefa þeim
séns. Þá verðum við með frábært
landsliðið eftir nokkur ár. Ég hélt
fund með leikmönnum og sagði
þeim að núna gerðum við þetta
svona og þið verðið komnir á stór-
mót eftir 6–8 ár. Það gerðist fyrr,
það var frábært. Ég tók ekki neinn
séns, það hafði ekkert gerst áður.
Ég sagði líka við leikmennina
þegar að ég ákvað að gera þetta
svona að ég yrði örugglega ekki
að þjálfa þá þegar þeir kæmust á
stórmót, það væri örugg lega búið
að reka mig. Ég var reyndar ekki
rekinn, samningurinn minn var
bara á enda.
Leikmenn tala vel um hann
Flestir leikmenn íslenska lands-
liðsins tala vel um Ólaf og það
þykir honum vænt um. Hann seg-
ist einnig hafa reynt að hætta með
landsliðið áður en samningur
hans var á enda en Geir Þor-
steinsson, þá formaður KSÍ, tók
það ekki í mál. „Mér þykir vænt
um það þegar leikmennirnir sem
ég tók inn tala fallega um tíma
minn í landsliðinu og þakka mér
fyrir að hafa gefið þeim tækifæri
snemma, það var nóg af því vonda
sem ég fékk. Mér þykir vænt um
það og ég er í ágætis sambandi við
marga af þessum strákum, ég fæ
reglulega frá þeim skilaboð þegar
ég vinn leiki og þegar ég vinn titla.
Það gleður mig. Ég fann að ég var
búinn inni hjá KSÍ, ég fann það
á ákveðnum tímapunkti. Það var
hundleiðinlegt að fara í vinnu, ég
vildi hætta en ég fékk það ekki.“ n
„Ég sagði að það
snerist um hvort
Börkur gæti starfað með
mér, því að ég ætlaði að
ráða hlutunum.
Sáttur „Ég hef ekki verið hlynntur
því að tala mikið um það en ég var
mjög ánægður með minn tíma hjá
landsliðinu. Ég var mjög sáttur við
það sem ég gerði þar.“ Mynd Brynja