Dagblaðið Vísir - DV - 22.09.2017, Síða 28

Heildsalinn Herdís „House Doctor“ Jóhannesdóttir býr í tæplega hundrað fermetra
einbýlishúsi í smáíbúðahverfinu í
Reykjavík ásamt átján ára dóttur
sinni, Helenu Ósk.
Herdís er mörgum kunn sem
eigandi verslunarinnar Fakó en þar
er hægt að fá fjölbreytta gjafavöru,
allt frá sælkera- og snyrtivörum yfir
í alls konar húsgögn. Í byrjun þessa
árs flutti Herdís svo verslunina úr
litlu fimmtíu fermetra rými við
Laugaveg yfir í Ármúla 7 þar sem
hún hefur tvö hundruð og fimmtíu
fermetra til umráða.
Margir vilja meina að á þessu
svæði sé nú að rísa mekka húsgagna
og gjafavöruverslana í Reykjavík.
Herdís er gríðarlega sátt við ná-
granna sína í hverfinu og áhrifin
sem myndast af því að sams konar
verslanir séu í grennd hver við aðra.
„Snúran er komin hingað í
Ármúlann, svo er Hjarn Living
hérna rétt hjá. Vogue er í Síðumúla
og Borð fyrir tvo er þar beint á móti.
Þá eru hér Hugmyndir og heimili,
Heimahúsið og svo mætti lengi telja,
að ónefndum öllum ljósabúðunum
sem eru hérna líka,“ segir hún og
bætir við að fólk þurfi ekki að leita
langt yfir skammt þegar til stendur
að kaupa húsgögn, ljós eða smá-
vöru. „Þetta er bara allt hérna, með
nokkurra metra millibili. Auðvelt að
rölta á milli.“
Gott að fá sér eitt
rauðvínsglas, en bara eitt
Í litla einbýlishúsinu er notalegt
um að litast. Stofan og eldhúsið eru
samliggjandi á jarðhæð en svefn-
herbergin og baðið eru á efri hæð.
Í stofunni er gólfið flísalagt, sem er
harla óvenjulegt á íslenskum heimil-
um en Herdís segist kunna ágætlega
við þetta enda sé hiti í gólfunum.
„Það var búið að gera þetta áður en
við mæðgurnar fluttum inn. Mér
finnst þetta mjög þægilegt en ég
hefði kannski valið öðruvísi flísar,“
segir heildsalinn, brosir út í annað
og hellir svolitlu rauðvíni í glas.
Ertu mikið fyrir rauðvín?
„Eftir átta tíma vinnudag þar
sem maður er í símanum allan
daginn, að tala við alls konar
skemmtilegt fólk, þá þarf maður
stundum að anda djúpt og fá sér
eitt rauðvínsglas til að ná sér niður
þegar heim er komið. Ég tek samt
fram að mér nægir alveg að fá mér
bara eitt. Stundum klára ég það ekki
einu sinni,“ segir hún og hlær.
Við eldhúsborðið, þar sem
Herdís situr, stendur falleg hilla
sem skartar ýmsum munum, allt
frá styttu af Maríu mey yfir í rúss-
neskar babúskur sem eru sérlegt
áhugamál hjá Herdísi.
„Mér hefur alltaf þótt eitthvað
sjarmerandi við þessar dúkkur.
Mamma og amma hafa alltaf átt
svona babúskur og ein vinkona mín
er að safna þeim. Krakkar hafa gam-
an af því að leika sér með þær og
fullorðnum finnst gaman að skoða
þær. Sem sagt eitthvað fyrir alla.
Það er eitthvað krúttlegt við þetta,“
segir heildsalinn og „húslæknirinn“
Herdís Jóhannesdóttir að lokum.
Konan
sem læKnar
heimilin í
landinu
Birtu var boðið upp á rauðvínsglas í heimsókn
hjá Herdísi „House Doctor“
Persónulegt gildi „Ester, systir mín, málaði þetta þegar hún var fimmtán, sextán
ára og hún fór síðar út í myndlistarnám. Núna er hún kennari í Álftamýrarskóla. Ég sjálf
er engin listakona en mér fannst alltaf svo gaman að hvetja hana til að mála þegar hún
var yngri. Mér finnst myndirnar mjög fallegar því þær hafa persónulegt gildi fyrir mig.“
innlit
Stærð: 98 fermetra einbýli á tveimur hæðum.
Íbúar: Herdís, 45 ára, og Helena Ósk, 18 ára.
Áhugamál: Babúskur og rauðvín.
Eldhúsið: Gott að hafa slitsterka mottu á gólfinu.
Stofan: Sófinn er þægilegri en hann lítur út fyrir að vera.
Svefnherbergi: Frábært að mála í fallegum litum.
Bannað að
slasa sig
LJÓSIÐ: „Þetta
ljós fékk ég í
kringum 2014
og það heillaði
mig gjörsam-
lega við fyrstu
sýn. Ástæðan
fyrir því að það
hangir fyrir ofan
eldhúsborðið
er að fólk má
ekki meiða sig
á þessum vírum.
Ég er samt mjög
sátt við að hafa
það þarna.
Finnst það
koma vel út.“