Dagblaðið Vísir - DV - 03.11.2017, Blaðsíða 2

2 Helgarblað 3. nóvember 2017fréttir
Já, ekki spurning. Ég var í Kvennalistanum hér áður fyrr
og mér finnst þörf á því núna að byrja á þessu að nýju
vegna síðustu kosninga.
Ásta Halldóra Guðmundsdóttir
Finnst þér þörf á kvennaframboði?Spurning vikunnar
Já. Mér finnst allt í lagi að skoða það.
Gunnar Óli Markússon
Nei. Það var búið að reyna það einu sinni og tókst ágæt-
lega. Konur verða bara að vera virkari.
Guðjón Pétur Jónsson
Já. Ég vil fá fleiri kvenmenn inn á þing.
Eva María Emilsdóttir
Magnús
Garðarsson
Talið er að Magn-
ús hafi blekkt
endurskoðanda
United Silicon
með því að þykj-
ast vera fulltrúi
fyrirtækis frá
Ítalíu sem sendi
háa reikninga
til íslenska
félagsins.
Verksmiðja United Silicon Félagið fór í
greiðslustöðvun í ágústmánuði.
Telja að Magnús hafi þóst
vera ítalskur sérfræðingur
Meint fjársvikaflétta Magnúsar Garðarssonar er ævintýraleg í meira lagi
M
agnús Garðarsson, fyrr­
verandi forstjóri og stofn­
andi United Silicon, var
kærður af félaginu til hér­
aðssaksóknara um miðjan sept­
ember. Mánuði síðar kærði Arion
banki Magnús fyrir sömu sakir.
Forstjórinn fyrrverandi er grun­
aður um stórfelld auðgunarbrot
og skjalafals sem ná allt til ársins
2014. Talið er að hann hafi svikið
út allt að hálfum milljarði króna
á meðan hann sinnti trúnaðar­
störfum fyrir félagið. Samkvæmt
heimildum DV kemur fram í kæru
United Silicon að félagið telji að
Magnús hafi í tölvupóstsamskipt­
um brugðið sér í líki ítalsks sér­
fræðings, Mark Giese, til þess að
sannfæra endurskoðanda fyrir­
tækisins um að allt væri í himna­
lagi. Magnús neitar alfarið sök
í málinu og segir að ásakanirn­
ar séu hluti af skítugum slag um
eignarhald fyrirtækisins.
Talinn hafa búið til
nýtt félag á Ítalíu
Hin meintu svik snerust um hjarta
fyrirtækisins, svokallaðan ljós­
bogaofn, sem ítalska fyrirtækið
Tenova Pyromet framleiddi. Til
að byrja með hljóðaði samkomu­
lag United Silicon og Tenova upp
á að kaupverðið væri ekki borg­
að að fullu heldur væri ákveðinn
hluti látinn standa ógreiddur þar
til allt virkaði eins og það átti að
gera. United Silicon stóð þannig í
skuld við framleiðandann en gat
átt kröfu á móti.
Samkvæmt heimildum DV
er talið að Magnús hafi í krafti
stöðu sinnar breytt greiðslufyrir­
komulaginu til Tenova Pyromet
og ítalska fyrirtækið hafi síðan
gefið út reikninga í samræmi við
það. Talið er að Magnús hafi síð­
an komið því í kring að stofnað
var félag á Kýpur sem síðan stofn­
aði félag á Ítalíu með afar áþekkt
nafn og áðurnefndur framleið­
andi ofnsins. Það félag hóf síðan
að senda United Silicon reikninga
og er Magnúsi gefið að sök að hafa
séð til þess að þessir reikningar
væru greiddir.
Þegar kom að endurskoðun
United Silicon spurðist endur­
skoðandi fyrirtækisins fyrir um
greiðslurnar og fékk upplýsingar
um hverja ætti að hafa samband
við hjá þessum tveimur ítölsku fé­
lögum. Ekki stóð á að fá upplýs­
ingar frá Tenova Pyromet en þegar
finna þurfti tengilið á hitt ítalska
félagið var leitað til Magnúsar.
Magnús Garðarson/Mark Giese
Samkvæmt heimildum DV hélt
Magnús því fram að sá sem var í
forsvari fyrir hið nýja félag væri
Mark Giese, sérfræðingur hjá
Tenova Pyromet. Giese átti tíð
erindi til landsins vegna upp­
byggingarinnar United Silicon og
tók meðal annars skóflustungu að
verksmiðjunni ásamt Magnúsi og
öðrum. Netfang Giese var því vel
þekkt á skrifstofu United Silicion.
Samkvæmt heimildum DV
kemur fram í títtnefndri kæru
United Silicon að Magnús hafi
talið samstarfsmönnum sínum
trú um að Giese væri kominn með
nýtt netfang sem hann gaf þeim og
endurskoðandanum upp. Í kjöl­
farið sendi endurskoðandi United
Silicon fyrirspurn til tengiliðsins,
sem hann taldi að væri áðurnefnd­
ur Mark, varðandi greiðslurnar og
ekki stóð á svörum. Þau gáfu til
kynna að allt stemmdi milli félag­
anna. Heimildir DV herma að í
kærunni sé Magnúsi gefið að sök
að hafa sjálfur séð um að svara
fyrir hönd Mark
Giese og séð um
samskiptin við
endurskoðand­
ann.
Upp komst um
hin meintu svik
þegar rekstur verk­
smiðju United Sili­
con var kominn í
kaldakol og fjárhagsleg
endurskipulagning hafin.
Í kjölfarið var Magnús
ákærður og málið er nú
í rannsókn. n
Kristjón Kormákur
Björn Þorfinnsson
kristjon@dv.is / bjornth@dv.is