Morgunblaðið - 14.02.2017, Blaðsíða 4
4 FRÉTTIRInnlent
MORGUNBLAÐIÐ ÞRIÐJUDAGUR 14. FEBRÚAR 2017
Staðan í miðlunarlónum Landsvirkjunar er mjög
góð um þessar mundir. Haustið var hagfellt
rekstrinum og innrennsli vel umfram meðallag á
öllum vatnssviðum, samkvæmt upplýsingum
Magnúsar Þórs Gylfasonar yfirmanns sam-
skiptasviðs Landsvirkjunar.
Staða miðlunarlóna um áramótin var betri en
hefur verið síðan Hálslón var tekið í rekstur árið
2007 eða um 86% fylling miðlunarforða.
Veturinn hefur verið mildur og úrkomusamur
og hefur það hjálpað til. Í hlýindum og rign-
ingum síðustu daga hefur jafnvel hækkað örlítið
í Hálslóni og Þórisvatni.
„Í sjálfu sér er það ekki óvenjulegt og má allt-
af eiga von á lægðum sem flytja úrkomu og hlýtt
loft til landsins yfir vetrarmánuðina,“ segir
Magnús Þór.
Í Hálslóni, sem er miðlunarlón fyrir Fljóts-
dalsstöð, var vatnsstaðan hinn 12. febrúar 614,76
metrar yfir sjávarmáli. Er þetta rúmum tveimur
metrum hærri vatnsstaða en í fyrra og rúmum
sjö metrum betri staða en í meðalári.
Vatnsstaðan í Þórisvatni, sem er miðlunarlón
fyrir virkjanir á Þjórsársvæðinu, er 577,5 metrar
yfir sjávarmáli. Það er þremur metrum hærra
en í fyrra og næstum fimm metrum hærri vatns-
staða en í meðalári.
Í Blöndulóni, sem er miðlunarlón fyrir
Blöndustöð, er vatnsstaðan 476 metrar yfir sjáv-
armáli, rúmum tveimur metrum hærri en í
meðalári. sisi@mbl.is
Vatnsstaða á hálendinu aldrei betri
Staðan í miðlunarlónum Landsvirkjunar er mjög góð Vatnsyfirborð Hálslóns hefur ekki
verið hærra frá upphafi 2007 Veturinn hefur verið einstaklega mildur og úrkomusamur
Morgunblaðið/Frikki
Hálslón Vatnsstaðan í vetur er sú hæsta síðan lónið var tekið í notkun fyrir 10 árum.
Aflstöðvar
» Landsvirkjun starfrækir
fjórtán vatnsaflsstöðvar víðs
vegar um landið.
» Fljótsdalsstöð er aflmesta
stöðin með 690 megavatta
uppsett afl. Stöðin nýtir vatn
úr Hálslóni til rafmagns-
framleiðslunnar.
» Á Þjórsársvæðinu eru sex
aflstöðvar. Þeirra stærst er
Búrfellsstöð en uppsett afl
hennar er 270 MW.
» Blöndustöð er með 150
MW uppsett afl. Hún nýtir
vatn úr Blöndulóni til miðl-
unar.
„Það hefur verið veitt fé til fram-
kvæmda við þetta flugskýli á fjárlög-
um Bandaríkjanna. Grunnhönnun
þess er hafin og útboð verður vænt-
anlega í lok sumars,“ sagði Jón M.
Guðnason, framkvæmdastjóri loft-
helgis- og öryggismálasviðs hjá
Landhelgisgæslunni, þegar Morgun-
blaðið leitaði fregna af nýju flugskýli
fyrir P-8 eftirlitsflugvélar Banda-
ríkjahers sem staðið hefur til að reisa
á Keflavíkurflugvelli.
Varnarmálaráðuneytið bandaríska
fór fram á fjárveitingu að jafnvirði 2,7
milljarða króna til framkvæmdanna,
fyrir hönd sjóhersins, en heimildin
sem er fyrir hendi hljóðar upp á jafn-
virði 1.950 milljóna króna. Flugskýl-
ið, sem heyra mun undir Atlantshafs-
bandalagið, er gríðarlega stórt,
rúmlega 12.000 fermetrar. Landhelg-
isgæslan á Keflavíkurflugvelli mun
hafa umsjón með notkun og rekstri
byggingarinnar, en Framkvæmda-
sýsla ríkisins annast útboðið. Útboðs-
gögn eru unnin bæði í Norfolk, höf-
uðstöðvum sjóhersins, og hér heima.
Líklegt er að fram fari alútboð þar
sem bjóðendur sjá um fullnaðarhönn-
un og framkvæmd. Gangi áætlanir
eftir má búast við því að framkvæmd-
ir hefjist snemma á næsta ári.
Flugskýli Bandaríkjahers á Kefla-
víkurflugvelli hefur verið notað fyrir
P-3 Orion eftirlitsflugvélar, sem hafa
haft það verkefni að fylgjast með
rússneskum kafbátum í Norður-Atl-
antshafi. Það dugar hins vegar ekki
fyrir nýjar og fullkomnari vélar af
gerðinni P-8 Poseidon. Þær vélar eru
byggðar á algengri og þrautreyndri
gerð farþegaþotna, Boeing B-737-
800, og eru búnar helstu nýjungum í
könnunarbúnaði sem völ er á. Flug-
vélar af þessari gerð hafa þegar tekið
við keflinu í þjónustu Bandaríkjaflota
í Evrópu og hafa nokkrum sinnum
komið til starfa á Keflavíkurflugvelli
undanfarin misseri.
gudmundur@mbl.is
Flugskýli fyrir P-8 vélar á næsta ári
Varnir Kafbátaleitarvél bandaríska sjóhersins af gerðinni P-8 Poseidon.
Framkvæmdin verður líklega boðin út síðsumars Um tveir milljarðar króna til byggingarinnar
Flugskýlið verður 12 þúsund fermetrar að stærð P-8 fullkomnustu kafbátaleitarvélar sem völ er á
Skipaviðgerðum í Slippnum í vesturhöfninni í
Reykjavík hefur stundum fylgt málningarpus,
sem ami hefur verið af. Nú er hins vegar komið
upp viðvörunarskilti nærri Mýrargötunni svo
fólk hefur enga afsökun þótt litir regnbogans
fari á flug. Hins vegar er allur varinn góður og
skjólflíkur úr plasti sem verja fólk fyrir veðri og
vatni koma sér vel. Erlendir ferðamenn eru
strax komnir upp á lagið.
Morgunblaðið/Golli
Varað við málningarúða á Mýrargötunni
Allur er varinn góður þegar litir regnbogans fara á flug
Innanríkisráðu-
neytið kynnti í
gær til umsagnar
drög að reglum
um nefnd um eft-
irlit með störfum
lögreglu. Þetta er
gert í krafti breyt-
inga á lögreglu-
lögum og stofn-
unar stjórnsýslunefndar þangað sem
borgarar eiga að geta leitað telji þeir
brotið á sér í samskiptum við lög-
reglu. Getur það átt við um meint
refsiverð brot lögreglumanna, ámæl-
isverða háttsemi eða framkomu, al-
menna starfshætti lögreglunnar og
fleiri. Á nefndin að greina erindi sem
henni berast, senda þau til meðferðar
hjá viðeigandi stjórnvaldi og fylgjast
með afgreiðslu þeirra. Hún fer sjálf
hvorki með ákæruvald, rannsókn
sakamála né vald til að beita viður-
lögum. Einnig getur nefndin rann-
sakað mál að eigin frumkvæði.
Í drögum að reglunum er kveðið á
um starfsemi eftirlitsnefndarinnar,
svo sem um tímafresti við afgreiðslu
mála, eftirfylgni og birtingu upplýs-
inga. Markmiðið er að stuðla að vand-
aðri og samræmdri málsmeðferð.
Óskað er
umsagna
Rannsóknarnefnd
fylgist með lögreglu
Flugskýlið fyrir P-8 vélarnar á
Keflavíkurflugvelli er svar við
auknum ferðum rússneskra kaf-
báta í Norður-Atlantshafi að
undanförnu. Rússneski flotinn
sem hefur siglt frá Kólaskaga
hefur aukið umsvif sín í nágrenni
Íslands. Ekki hafa fengist upplýs-
ingar um það hvort rússneskra
kafbáta hefur orðið vart innan ís-
lenskrar lögsögu, en vitað er að
þeir sigla í grenndinni. Mikilvægt
þykir að fylgjast með ferðum
þeirra og kortleggja þær.
Brugðist við
FLEIRI KAFBÁTAR Á FERÐ