Morgunblaðið - 14.02.2017, Blaðsíða 29
DÆGRADVÖL 29
MORGUNBLAÐIÐ ÞRIÐJUDAGUR 14. FEBRÚAR 2017
Stjörnuspá
21. mars - 19. apríl
Hrútur Ykkur er nauðsynlegt að halda ykkur
til hlés um sinn til að íhuga ykkar gang og
endurnýja orkuna. Til að byrja á því gerðu þá
eitthvað þér einungis til skemmtunar.
20. apríl - 20. maí
Naut Þú hefur búið svo um hnútana að fátt á
að geta komið þér í opna skjöldu. Sérstaklega
hagstætt er allt sem tengist útlöndum, ferða-
lögum, æðri menntun og mikilvægum mál-
um.
21. maí - 20. júní
Tvíburar Stjörnurnar koma á töfrasambandi.
Hann lítur á það verkefni sem áskorun. Sýndu
skoðunum annarra virðingu og leitaðu sam-
komulags við þá.
21. júní - 22. júlí
Krabbi Þú nærð engan veginn að klára verk-
efnalista þinn í dag. Ræktaðu það sem vekur
áhuga þinn.
23. júlí - 22. ágúst
Ljón Þú þarft að setjast niður með ein-
hverjum og ræða hvernig þið ætlið að verja
sameiginlegum fjármunum. Vertu nær-
gætin/n á öllum sviðum.
23. ágúst - 22. sept.
Meyja Meðan vinnufélagarnir eru enn að
velta hlutunum fyrir sér hefur þú þegar tekið
ákvörðun. Reyndu að sjá hvatirnar í réttu
ljósi, þær eru viðbrögð.
23. sept. - 22. okt.
Vog Það skiptir öllu máli að hafa hlutina í
jafnvægi svo gætið þess að forgangsraða rétt
til þess að ná árangri. Mundu að tíminn vinn-
ur með þér og störf þín bera þér best vitni.
23. okt. - 21. nóv.
Sporðdreki Þú munt sjá að samvinna skilar
betri árangri en að hver sé í sínu horni. En
þetta snýst ekki um hversu margar hug-
myndir þú færð, heldur hve margar þú fram-
kvæmir.
22. nóv. - 21. des.
Bogmaður Dagurinn í dag er afleitur til að
samþykkja eitthvað mikilvægt eða að skrifa
undir samning. Að setja saman sögur og ljóð
er góð dægrastytting.
22. des. - 19. janúar
Steingeit Einhverjir draugar úr fortíðinni eru
að gera þér lífið leitt. Aðstæður á heimili
munu batna til muna og hið sama gildir um
sambandið við þína nánustu.
20. jan. - 18. febr.
Vatnsberi Gættu þess umfram allt að taka
ekki þátt í neikvæðu umtali um náungann.
Vertu sáttur við sjálfa/n, þig gakktu glöð/
glaður fram á veginn.
19. feb. - 20. mars
Fiskar Þú hefur nú beðið nógu lengi eftir
tækifærinu til þess að láta til skarar skríða.
Líttu á björtu hliðarnar og þú munt sjá að
ástandið er ekki svo alvarlegt eftir allt saman.
Seint verður fullort um veðrið ogvínið – Fía á Sandi orti um lág-
nættið:
Þó að enn sé úti kalt
og ófært hér á næsta bar
vínið fraus þó ekki allt
ekki það sem drukkið var.
Sr. Skírnir Garðarsson svaraði:
„Hóflega drukkin skál gleður
mannsins hjarta …
Einatt lífs í ólgusjó,
úfnum velkjast synir.
Brjóst- þá reynist birtan ó-
brigðul, kæru vinir.
… hvernig konurnar upplifa
þetta veit ég minna um.“
Páll Imsland heilsaði „eld-
snemma vors“ og sagði sögu af
bráðsnilli kokksins á sjónum:
Það var bálfjandi’ og bræla á sjónum
og bilaðar reimar í skónum
en svo hált uppi’ á dekki
að hann hætti sér ekki.
Sendi kallinum kaffið með drónum.
Í sunnudagshádeginu var Páll
aftur á ferðinni:
Fjallmikil húsfreyja’ á Hæli
um hádegi skreiddist úr bæli.
Eftir áralangt leg
hún lagði’ út á veg
og lallaði’ allt norður að Dæli.
Og undir miðnættið lét Páll enn í
sér heyra: „Auðsveipni getur fólg-
ist í fleiru en því að sveipa sig
auði:“
Hún saumaði stanslaust hún Stína
á strákana hreint alla sína.
Hún átti þá fjórtán
og flikkurnar sextán
og allt fyrir auðsveipni sína.
Árni Eyjafjarðarskáld orti og
mátti trútt um tala:
Mælti nokkur menja Týr sem missti
Immu:
„Þá er aftur önnur Gunna.“ –
Ýmsir þetta máltak kunna.
Sigluvíkur-Sveinn var dótt-
ursonur Árna. Hann orti þegar
hann var spurður um efnahag sinn:
Ekki bíður svarið Sveins
síst eru hagir duldir
ég á ekki neitt til neins
nema börn og skuldir
Um sjálfan sig kvað hann:
Þótt með sjáist svarta brá
og sólir gráar hvarma
mér hafa fáar ógeð á
eikur láar bjarma.
Og enn:
Ég er mæddur, böli bræddur,
blárri klæddur skyrtu líns,
kaffibelgur, óráðselgur
einnig svelgur brennivíns.
Halldór Blöndal
halldorblondal@simnet.is
Vísnahorn
Um veðrið, vínið og venjulegt fólk
Í klípu
„ELDA, ÞRÍFA, ÞVO, ELDA, ÞRÍFA, ÞVO.
ÞETTA VAR GRIMMUR VÍTAHRINGUR.
SUMIR SÖGÐU AÐ HANN HEFÐI
VERIÐ OF GRIMMUR.“
eftir Mike Baldwin eftir Jim Unger
„ÞAÐ ER VERIÐ AÐ INNKALLA BÍLINN
ÞINN. ÞAÐ ER EITTHVAÐ VESEN MEÐ
SÆTISÓLARNAR Í HONUM.“
Hermann
Ferdinand
Hrólfur hræðilegi
Grettir
... Að ná fram því besta
úr litla skrattanum
þínum.
HEY, FEITI! ÉG VIL BARA
AÐ ÞÚ VITIR ÞAÐ AÐ ÞÚ
HRÆÐIR MIG EKKI!
NEIBBS,
KÖNGULÆR
HAFA ÁTTA
LÍF, ÞÚ VEIST
EKKI
ÞAÐ?
ÞÚ MEINAR
ÁTTA LEGGI
ÚPS
VÍKINGAR ERU
UMBÓTAAFL!
VIÐ ÖRVUM
EFNAHAGSLÍFIÐ!
ÉG LÉT
ÚTBÚA HEST-
VAGNINN
VIÐ ÞURFUM AÐ FARA
Í HÚSGAGNAVERSLUN!
Víkverji gæti skrifað langa greinum Trump en ætlar að hlífa les-
endum við þeim lestri. Í staðinn skal
fjallað um vorið, sem kemur snemma
þetta árið. Eins og gat að líta á for-
síðu Morgunblaðsins í gær eru vor-
verkin hafin í borginni og íbúar farn-
ir að taka til í görðum og næsta
umhverfi. Hitamet í febrúar er fallið
og Víkverji áttar sig hreinlega ekki á
hvað er að gerast. Er kannski bara
farið að hitna svo á norðurhveli jarð-
ar að heimsendir sé í nánd?
x x x
Túlipanar eru farnir að kíkja uppúr moldinni, trén farin að
bruma, fuglarnir skríkja sem aldrei
fyrr og Víkverji er ekki frá því að
hann hafi heyrt í lóunni, kannski í
draumi sínum en hver veit. Sólin
hækkar á lofti með hverjum deg-
inum, bros færist yfir andlit borg-
arbúa, aldrei þessu vant sjást hjól-
reiðamenn á reiðhjólastígum
borgarinnar, kaffihúsaeigendur
draga fram stóla og borð á gang-
stéttina og bílaþvottastöðvar hafa
ekki undan að þrífa skítinn af öku-
tækjunum.
x x x
Víkverji er að velta fyrir sér tiltektí garðinum og hvort ástæða sé
til að fara að mála grindverkið, jafn-
vel að taka til í bílskúrnum. Allt eru
þetta verkefni sem jafnan hafa beðið
í apríl eða maí. Í febrúar, í enda
þorra, hefur flest af þessu legið í
dvala og helst puðað við snjómokstur
á tröppum og í innkeyrslu. Þetta er
allt með miklum ólíkindum.
x x x
Vorblíðan gerir það einnig að verk-um að Víkverji hefur enga af-
sökun fyrir því að drífa sig ekki í
golf. Margir vellir eru opnir þessa
dagana og einhvers staðar hefur ver-
ið efnt til golfmóts, nú þegar
almanakið segir okkur að sé miður
vetur. Vinir Víkverja á Facebook eru
í öllu falli farnir að pósta myndum af
sér í golfi, t.d. í Sandgerði og Leir-
unni, og meira að segja gerst svo
djarfir að birta skorið um leið. Hvað
sem veldur þessum hlýindum er
vissara að njóta þeirra sem mest, áð-
ur en fer að snjóa í sumar!
vikverji@mbl.is
Víkverji
„… Því að hvar sem tveir eða þrír eru
saman komnir í mínu nafni þar er ég
mitt á meðal þeirra.“
(Matt. 18:20)
Mikið úrval af snögum
og snagabrettum
Snagabretti frá kr. 890
Snagar frá kr. 260
Opið
virk
a
dag
a frá
9-18
lau
frá 1
0-16
Laugavegi 29 | sími 552 4320 | www.brynja.is | verslun@brynja.is