Morgunblaðið - 14.02.2017, Blaðsíða 14

14 FRÉTTIRInnlent
MORGUNBLAÐIÐ ÞRIÐJUDAGUR 14. FEBRÚAR 2017
Sigtryggur Sigtryggsson
sisi@mbl.is
Innanríkisráðuneytið auglýsti um
helgina til umsóknar embætti 15
dómara við hinn nýja Landsrétt,
sem taka mun til starfa hinn 1. jan-
úar 2018. Umsóknarfrestur er til 28.
febrúar næstkomandi.
Samkvæmt lögum um skipan
dómstóla, sem samþykkt voru á
Alþingi í fyrravor, verða þrjú dóm-
stólastig. Hæstiréttur Íslands er
æðsti dómstóll ríkisins og hefur að-
setur í Reykjavík. Landsréttur er
áfrýjunardómstóll og hefur aðsetur í
Reykjavík. Héraðsdómstólar eru
átta í landinu öllu.
Með stofnun Landsréttar verður
til millidómstig sem mun létta álagi
af Hæstarétti.
Sjálfstæð stjórnsýslustofnun,
Dómstólasýslan, mun annast sam-
eiginlega stjórnsýslu dómstólanna.
Stjórn dómstólasýslunnar skipar
framkvæmdastjóra hennar til fimm
ára í senn og fer hann með daglega
stjórn dómstólasýslunnar í umboði
stjórnar. Framkvæmdastjóri ræður
aðra starfsmenn dómstólasýslunnar.
Ströng skilyrði sett
Sem fyrr segir munu 15 dómarar
eiga sæti í Landsrétti sem forseti
Íslands skipar ótímabundið sam-
kvæmt tillögu ráðherra. Ráðherra
skal leggja tillögu sína um hverja
skipun dómara í embætti fyrir
Alþingi til samþykktar. Samkvæmt
lögunum verða landsréttardómarar
að hafa náð 35 ára að aldri. Þeir
verða að fullnægja ströngum skil-
yrðum svo sem um menntun og
reynslu.
Sigríður Á. Andersen dóms-
málaráðherra hefur lagt fram á
Alþingi frumvarp til laga um breyt-
ingu á dómstólafrumvarpinu sem
samþykkt var í fyrra.
Þar segir m.a: Við lögin bætist
nýtt ákvæði til bráðabirgða er hljóð-
ar svo: „Þrátt fyrir ákvæði 2. gr.
getur Landsréttur haft aðsetur utan
Reykjavíkur fram til 1. janúar
2022.“
Fram kemur í greinargerð með
frumvarpinu lagt sé til að heimilt
verði tímabundið að aðsetur Lands-
réttar verði utan Reykjavíkur þar
sem erfitt hafi reynst að finna hús-
næði sem hæfir réttinum í Reykja-
vík. Fyrirhugað sé að byggja fyrir
réttinn framtíðarhúsnæði í Reykja-
vík. Þar til slíkt húsnæði er tilbúið
verði að finna réttinum húsnæði til
bráðabirgða. Gert er ráð fyrir að
bráðabirgðahúsnæðið verði á höf-
uðborgarsvæðinu, þ.e. í Kópavogi,
Hafnarfirði, Garðabæ, Mosfellsbæ
eða á Seltjarnarnesi.
Fram hefur komið í fréttum að
ráðuneytið hafi augastað á húsnæði
sem Siglingastofnun hafði áður til
umráða Kópavogsmegin við Skerja-
fjörð, Vesturvör 2.
Þá kemur fram í greinargerðinni
að á árinu 2017 sé gert ráð fyrir 104
milljóna króna fjárveitingu til und-
irbúnings að stofnun Landsréttar
15 embætti dómara
við Landsrétt auglýst
 Tillögur um skipan dómara verða bornar undir Alþingi
Morgunblaðið/Golli
Hæstiréttur Íslands Stofnun Landsréttar á að létta miklu álagi sem hefur
verið á réttinum. Hann hefur verið eini áfrýjunardómstóll landsins.
Stjórn Faxaflóahafna hefur sam-
þykkt að undirbúa samkeppni um
listaverk sem minni á þátt kvenna í
starfsemi Gömlu hafnarinnar í
Reykjavík.
Miðað verði við að samkeppnin
verði lokuð með forvali samkvæmt
reglum Sambands íslenskra mynd-
listarmanna.
Í minnisblaði Gísla Gíslasonar
hafnarstjóra og Vignis Albertssonar
skipulagsfulltrúa Faxaflóahafna kem-
ur fram að þeir hafi átt fund með Ingi-
björgu Gunnlaugsdóttur, fram-
kvæmdastjóra SÍM þar sem farið var
yfir nokkrar samkeppnistegundir og
hvað myndi henta Faxaflóahöfnum
best.
Þá kemur fram að SÍM hafi tilnefnt
Ingunni Fjólu Ingþórsdóttur sem
trúnaðarmann. Hún mun vinna
keppnislýsingu, annast auglýsingar,
upplýsingar og samskipti við þátttak-
endur o.fl.
Miðað við að farið verði í lokaða
samkeppni með forvali þarf að skipa
þriggja manna forvalsnefnd, einn frá
SÍM og tvo frá Faxaflóahöfnum, sem
taki afstöðu til þeirra listamanna sem
valdir verða til að vinna tillögur að
verki. Síðan þarf að skipa fimm
manna dómnefnd þar sem tveir koma
frá SÍM og þrír frá Faxaflóahöfnum.
Kostnaðarmat við samkeppnina
sjálfa er liðlega 3,0 milljónir króna en
við bætist verðlaunafé til þeirra sem
valdir eru til þátttöku og loks gerð
viðkomandi verks.
Fram kemur í greinargerðinni að
til greina komi að í keppnislýsingu
verði miðað við að tillaga geti verið
um verk á ákveðnu svæði (t.d. frá
Vesturbugt að Miðbakka) í stað þess
að tilgreina ákveðinn stað eða
ákveðna staði. sisi@mbl.is
Samkeppni um
hafnarlistaverk
 Minni á þátt
kvenna í starfsemi
Gömlu hafnarinnar
Morgunblaðið/Eggert
Höfnin Listaverkið verður líklega
við Miðbakka eða Vesturbugt.
Anna Sigríður Einarsdóttir
annaei@mbl.is
Kynbundinn launamunur er alltaf
mælanlegur, þrátt fyrir að mismun-
andi aðferðir séu notaðar til að
reikna hann út og notast sé við mis-
munandi tölulega útreikninga. Þetta
segir Kristín Ástgeirsdóttir, fram-
kvæmdastýra Jafnréttisstofu.
„Ótal kannanir hafa sýnt fram á
kynbundinn launamun,“ segir Krist-
ín, en Sigríður Á. Andersen dóms-
málaráðherra segist í grein, sem
birtist í nýútkomnu árshátíðarriti
laganema í Háskóla Íslands, efast
um tilvist kynbundins launamunar.
Kristín segir þau 5%, sem ráðherra
segir að mælist í könnunum sem
kynbundinn launamunur, vera
lægstu töluna sem nefnd hafi verið í
þessu sambandi. „Það hafa verið
birtar tölur alveg upp í 17-18% ef
síðustu ár eru skoðuð og stéttarfélög
á borð við VR og SFR hafa árlega
gert sambærilegar kannanir sem
hafa undanfarin ár sýnt í kringum
10-11% launamun,“ segir Kristín.
Unnið að samræmingu
Fjallað var um kynbundinn launa-
mun í Morgunblaðinu í gær og þar
var m.a. haft eftir þeim Einari Stein-
grímssyni stærðfræðingi og Helga
Tómassyni tölfræðingi, sem báðir
hafa gagnrýnt reikniaðferðir við að
greina kynbundinn launamun, að
máli skipti hvaða breytur væru not-
aðar við slíka út-
reikninga. „Okk-
ar vandi er að
aðferðafræðin er
ekki samræmd,“
segir Kristín um
þessi ummæli.
„Vandinn er að
það hafa verið
notaðar mismun-
andi aðferðir og
þess vegna eru
niðurstöðurnar svona mismunandi.“
Hún segir að nú vinni velferðarráðu-
neytið að aðgerðaáætlun og eitt af
því sem í henni felist sé að ákveða
eigi ákveðna aðferðafræði til mæl-
inga.
Er þetta bara eitthvert rugl?
Kristín bendir á útreikninga Hag-
stofu Íslands frá síðasta hausti sem
byggðir voru á aðferðafræði Evr-
ópsku hagstofunnar. „Evrópusam-
bandið hefur komið sér saman um
ákveðna aðferðafræði þar sem þeir
mæla tímakaup og þetta reiknaði
Hagstofan út hér á landi. Útkoman
var að launamunurinn hér væri um
17% og svipaður og í Evrópulönd-
unum. Er þetta bara eitthvert rugl?
Vita þessir spekingar, þeir Einar og
Helgi, meira en þessir hagfræðingar
og tölfræðingar sem hafa komið sér
saman um þessa aðferðafræði?“
spyr Kristín og varpar fram þeirri
spurningu hvort við verðum ekki að
treysta á Hagstofu Íslands.
Morgunblaðið/Golli
Launamunur Frá kvennafrídeginum á Austurvelli í fyrra þar sem þess var
m.a. krafist að konur og karlar fengju sömu laun fyrir sömu störf.
Segir ótal kannan-
ir sýna launamun
 Aðferðafræðin er ekki samræmd
Kristín
Ástgeirsdóttir
„Fyrirhugað er að byggja nýtt
húsnæði fyrir réttinn í Reykja-
vík og hefur nú um nokkurt
skeið verið einkum verið horft
til hins svokallaða Stjórn-
arráðsreits í miðborg Reykja-
víkur og hafinn er undirbún-
ingur að því að búa réttinum
nýtt framtíðarhúsnæði,“ sagði
Sigríður Á. Andersen dóms-
málaráðherra á Alþingi í síð-
ustu viku.
Ráðherra sagði ennfremur
að það mundi taka nokkur ár
að byggja slíkt hús. Því mundi
rétturinn tímabundið í fimm ár
hafa aðsetur utan Reykjavíkur.
Stjórnarráðs-
reitur valinn?
FRAMTÍÐARHÚSNÆÐI