Morgunblaðið - 14.02.2017, Blaðsíða 17

FRÉTTIR 17Erlent
MORGUNBLAÐIÐ ÞRIÐJUDAGUR 14. FEBRÚAR 2017
Stefán Gunnar Sveinsson
sgs@mbl.is
Antonio Guterres, framkvæmda-
stjóri Sameinuðu þjóðanna, for-
dæmdi í gær tilraunir Norður-
Kóreumanna með langdrægar
eldflaugar og kallaði eftir alþjóð-
legri samstöðu gegn ítrekuðum
brotum þeirra á samþykktum Sam-
einuðu þjóðanna.
Öryggisráðið var kallað saman
til fundar klukkan tíu í gærkvöldi
að íslenskum tíma til þess að ræða
stöðuna sem komin væri upp eftir
að Norður-Kóreumenn skutu á
loft tilraunaeldflaug á sunnudag-
inn. Þetta er fyrsta tilraunaskot
þeirra síðan Donald Trump tók
við embætti forseta Bandaríkj-
anna. Samþykkti öryggisráðið að
fordæma tilraunir Norður-Kóreu-
manna, líkt og Guterres hafði
gert. Hótaði ráðið að gera frekari
ráðstafanir gegn yfirvöldum í
Pyongyang.
Kim Jong-Un, einræðisherra
Norður-Kóreu, sendi frá sér til-
kynningu í gær, þar sem hann
lýsti yfir ánægju sinni með að ríki
sitt byggi nú yfir „enn einni öfl-
ugri aðferð til þess að beita kjarn-
orkuvopnum“.
Tilraunaskotinu var hins vegar
fálega tekið annars staðar. Sendu
til dæmis bæði Kínverjar og Rúss-
ar frá sér tilkynningu þar sem
framferði Norður-Kóreumanna
var fordæmt, en bæði ríkin eiga
fastafulltrúa í öryggisráðinu.
Sagði í tilkynningu frá utanrík-
isráðuneyti Rússlands að tilraunin
sýndi „fullkomna fyrirlitningu á
ályktunum öryggisráðsins“.
Þá sögðu Kínverjar, sem hafa
verið helstu bandamenn Norður-
Kóreumanna um langt skeið, að
þeir væru andvígir eldflaugaskot-
um, þar sem þær gengju gegn
ályktunum öryggisráðsins.
Fyrsta prófraun Trumps
Suður-Kóreumenn sögðu að til-
raunaskotið væri hugsað sem próf-
raun fyrir Donald Trump, sem ný-
tekinn er við forsetaembættinu í
Bandaríkjunum. Trump brást þeg-
ar við með því að heita Japönum
og Suður-Kóreumönnum fullkomn-
um stuðningi.
Trump hefur einnig þrýst á Kín-
verja um að þeir reyni að fá Kim
Jong-Un og stjórnvöld í Pyon-
gyang til þess að draga í land með
kjarnorkuvopnaáætlun sína.
Öryggisráðið hefur ályktað að
kjarnorkuvopnaáætlun Norður-
Kóreu sé í trássi við vilja alþjóða-
samfélagsins. Þeim hefur því verið
meinað að gera nokkrar tilraunir
með eldflaugar eða annað sem
gæti nýst við gerð kjarnorku-
vopna. Norður-Kóreumenn hafa
ekkert skeytt um það bann og
segjast nú búa yfir getu til þess að
ráðast á meginland Bandaríkjanna.
Fordæma eldflaugaskotið
 Öryggisráð Sameinuðu þjóðanna fundaði í gærkvöldi um tilraunaskot Norður-
Kóreumanna  Sýnir „fullkomna fyrirlitningu á ályktunum öryggisráðsins“
AFP
Norður-Kórea Kim Jong-Un var hæstánægður með tilraunaeldflaugina.
Burhan Ozbilici, ljósmyndari Associated Press, hlaut í
gær hin virtu ljósmyndaverðlaun World Press Photo
fyrir bestu fréttaljósmynd síðasta árs, en hún sýndi
tyrkneska lögreglumanninn Mevlut Mert Altintas, þar
sem hann stóð og hrópaði vígorð eftir að hann myrti
Andrei Karlov, sendiherra Rússlands í Tyrklandi.
Sögðu meðlimir dómnefndarinnar að myndin hefði náð
að fanga hatrið sem einkennir alþjóðasamskipti í dag.
AFP
World Press Photo verðlaunin afhent
Fangaði hatrið á filmu
Talið er að meira
en 12 ráðherrar í
ráðuneyti Ther-
esu May muni
greiða atkvæði
með vantrausts-
tillögu á John
Bercow, forseta
neðri deildar
breska þingsins,
samkvæmt heim-
ildum breska blaðsins Daily Tele-
graph, en May hefur leyft að ráð-
herrar sínir greiði atkvæði
samkvæmt samvisku sinni í málinu.
Tillagan var lögð fram af íhalds-
manninum James Duddridge í kjöl-
far þess að Bercow gagnrýndi
Donald Trump Bandaríkjaforseta
og sagðist myndu neita því að bjóða
honum til þess að ávarpa þingheim.
Þá ljóstraði Bercow því upp á fundi
með stúdentum að hann hefði kosið
með veru Breta innan Evrópusam-
bandsins. Þykir gagnrýnendum
Bercows sem hann hafi farið á svig
við strangar reglur sem gildi um
hlutleysi forseta þingsins.
Bercow hefur gegnt embættinu
frá árinu 2009.
Hitnar undir
sæti Bercows?
John Bercow
STÓRA-BRETLAND
Nærri 200.000 manns höfðu fengið
fyrirmæli um að yfirgefa heimili sín í
gær, eftir að skemmdir komu í ljós á
hjáveitugöngum frá Oroville-
stíflunni í norðurhluta Kaliforníu-
fylkis. Var óttast að göngin myndu
bresta og valda stórflóði.
Stíflan sjálf var ekki talin í bráðri
hættu, en hún er hæsta stífla Banda-
ríkjanna, tæplega 235 metrar á hæð.
Hún er um 120 kílómetrum norðan
við Sacramento, höfuðborg fylkisins.
Mikil rigningartíð hefur verið á
svæðinu, og hefur uppistöðulón stífl-
unnar verið yfirfullt síðustu vik-
urnar.
Yfirvöld á svæðinu brugðust við
með því að hleypa vatni í gegnum
önnur hjáveitugöng stíflunnar, og
nam vatnsmagnið um 2.830 rúm-
metrum á sekúndu. Nægði það til
þess að lækka uppistöðulónið þannig
að vatn flæddi ekki lengur um hin
hjáveitugöngin. Neyðarástand ríkti
þó enn á svæðinu og var fólki ráðlagt
að halda sig fjarri.
Óttast að
stórflóð
bresti á
 Um 200.000 fluttir
á brott í Kaliforníu
Voltaren 11,6 mg/g hlaup. Inniheldur díklófenaktvíetýlamín. Staðbundnir bólgukvillar. Lesið vandlega upplýsingar á umbúðum og fylgiseðli fyrir notkun lyfsins.
Leitið til læknis eða lyfjafræðings sé þörf á frekari upplýsingum um áhættu og aukaverkanir. Sjá nánari upplýsingar um lyfið á www.serlyfjaskra.is.
Viltu meðhöndla liðverkinn
án þess að taka töflur?
150g50%
meira m
ag
n!
Prófaðu að meðhöndla liðverkina
með Voltaren geli.
Lyfjaauglýsing
Fjórir skíðamenn létust og fimm
annarra er saknað eftir að snjóflóð
féll á skíðasvæðið Tignes í frönsku
Ölpunum. Snjóflóðið var um 400
metra breitt og er talið að aðrir
skíðamenn ofar í fjallinu hafi valdið
því, samkvæmt tilkynningu sem
björgunarmenn sendu frá þsér.
Flóðið lenti á skíðahóp sem sam-
anstóð af átta ferðamönnum og leið-
sögumanni, en hópurinn var að skíða
utan helstu leiða þegar slysið varð
um hálfellefuleytið í gærmorgun.
Var fjölmennt björgunarlið þegar
kallað út. Í fyrstu fregnum sagði að
tveir hefðu fundist á lífi, en þeir lét-
ust fljótlega eftir að þeim hafði verið
bjargað.
Óttast var að hinir fimm væru
einnig látnir, en einnig var verið að
kanna það hvort hópurinn hefði
skipt sér í tvennt áður en flóðið féll.
Fjórir létust
í snjóflóði
 Leitað að fimm
manns í Ölpunum
AFP
Tignes Leitarfólk að störfum.