Morgunblaðið - 27.05.2017, Page 10

10 FRÉTTIRInnlent
MORGUNBLAÐIÐ LAUGARDAGUR 27. MAÍ 2017
Ný glæsileg
heimasíða
acredo.is
Hátúni 6a Sími 577 7740
carat.is acredo.is
Trúlofunarhringir
fh
Giftingarhringir
fh
Demantsskartgripir
Frelsi &
jafnrétti
Forsenda
framfara
S JÁ L F S TÆÐ I S F L O KKUR I N N
Áréttri leið
Vorferð eldri
sjálfstæðismanna
Samtök eldri sjálfstæðismanna og Félag eldri sjálf-
stæðismanna á Suðurnesjum efna til vorferðar
næsta miðvikudag 31.maí.
Farið verður fráNesvöllum í Reykjanesbæ kl. 9:30
og ekið aðValhöll. Kl. 10:00 verður farið frá Valhöll
og ekið til Eyrarbakka, Selfoss ogHveragerðis.
Nánari dagskrá er auglýst á xd.is.
Fargjaldið er 3.500 kr. á mann og best að leggja það
inn á reikning 0513-26-007414, kt. 570269-1439.
Vinsamlegast tilkynnið þátttöku í síma 515-1700,
ekki síðar enmánudaginn 29. maí kl. 15:00.
Íþróttafélagið Fylkir fagnar 50 ára
afmæli sínu um helgina en félagið var
stofnað árið 1967 og hefur verið
þungamiðja íþrótta- og tómstunda-
starfs í Árbænum allar götur síðan.
„Við ætlum að fagna þessum
merka áfanga í sögu félagsins með
fólkinu hér í hverfinu og Fylkis-
mönnum um allt land,“ segir Björn
Gíslason, formaður Fylkis, en boðið
hefur verið til sérstakrar afmælis-
dagskrár á sunnudag.
„Það verður mikið um að vera hjá
okkur og við ætlum að hefja afmælis-
dagskrána með því að endurvekja Ár-
bæjarhlaupið en það hefst klukkan
tíu við Krónuna og hlaupið verður
niður Rofabæinn að Þykkvabæ.“
Sérstök fimleikasýning verður í
Fylkishöllinni að loknu hlaupi og boð-
ið verður upp á afmæliskaffi klukkan
12:30 í Fylkisheimilinu. Þá verða
íþróttakarl og íþróttakona Fylkis árið
2016 krýnd.
„Þetta er líka stór dagur fyrir mei-
starflokka okkar í knattspyrnu en
bæði karla- og kvennalið okkar verða
í sviðsljósinu. Stelpurnar munu taka
á móti KR hér á Fylkisvellinum
klukkan tvö og strákarnir sækja HK í
Kópavoginum heim klukkan fimm,“
segir Björn og að sjálfsögðu hvetur
hann alla Fylkismenn til að fjölmenna
á völlinn.
Ljósmynd/Christopher Lund
Afmæli Fylkir heldur upp á 50 ára afmæli félagsins á sunnudag. Árbæj-
arhlaupið verður endurvakið og er öllum Árbæingum boðið til veislu.
Fylkir fagnar fimm-
tíu ára afmælinu
Benedikt Jóhannesson, fjármála-
ráðherra og núverandi formaður
Hollvinafélags Menntaskólans í
Reykjavík, gefur ekki kost á sér til
áframhaldandi formennsku á aðal-
fundi sem fram fer í dag, klukkan 13,
á sal skólans. Listfræðineminn
Hrafnkell Hringur Helgason er í
framboði.
Hrafnkell telur óheppilegt að fjár-
málaráðherra fari fyrir hollvina-
félagi stofnunar sem hann ákvarðar
sjálfur fjárframlög til. Benedikt
sagði í ræðu við skólaslitin í gær að
kannski hefði skólinn liðið fyrir það
að margir stjórnmálamenn hefðu
komið úr skólanum. Þeir væru
hræddir um að láta skólann njóta
jafnræðis við aðra skóla af ótta við
að vera sakaðir um að hygla sínum
gamla skóla. Í því ljósi sagðist hann
ekki gefa kost á sér til endurkjörs,
þannig að slíkar ásakanir kæmu ekki
í hans garð, þó svo að einhvern tím-
ann yrði staðið við loforð um að bæta
húsnæði skólans og hann njóti jafn-
ræðis við aðra.
Benedikt
segir af sér
formennsku
Morgunblaðið/Eggert
Bikarinn á loft Nemendur MR í
kunnuglegum stellingum.
BAKSVIÐ
Jón Þórisson
Stefán E. Stefánsson
Uppnám er nú varðandi eignarhalds-
breytingu á Arion banka sem hófst
með kaupum vogunarsjóðanna Taco-
nic Capital, Attestor Capital og Och-
Ziff Capital, ásamt fjárfestingar-
bankanum Goldman Sachs úr hópi
hluthafa Kaupþings, á ríflega 27%
hlut í bankanum. Fyrirtækin voru
fyrir viðskiptin eigendur að Kaup-
þingi, sem átti 87% hlut í Arion banka
fram að viðskiptunum. Tilkynnt var
um viðskiptin í mars síðastliðnum.
Tveir hafa leitað heimildar
Samhliða þessum hlutabréfavið-
skiptum var sjóðunum veittur kaup-
réttur að 21,9% hlut í bankanum til
viðbótar. Í kjölfarið hafa Taconic
Capital og Attestor Capital tilkynnt
Fjármálaeftirlitinu að þeir hygðust
fara með virkan eignarhlut í bank-
anum, hver í sínu lagi. Virkur telst sá
eignarhlutur sem er 10% hlutafjár
eða meira, samkvæmt lögum um fjár-
málafyrirtæki. Och-Ziff festi kaup á
6,6% hlut í Arion banka í fyrrnefnd-
um viðskiptum og því er beinn eign-
arhlutur sjóðsins sá. Hins vegar er
Och-Ziff einnig meðal stærstu hlut-
hafa Kaupþings og fer því yfir 10%
mörkin sem beinn og óbeinn eigandi
að bankanum.
Hljóti ekki náð hjá FME
Það sem uppnámi veldur nú er að
samkvæmt staðfestum heimildum
Morgunblaðisins mun Och-Ziff Capi-
tal hafa fengið ábendingu um að ekki
væri víst að sjóðurinn myndi hljóta
náð fyrir augum FME sem virkur
eigandi í bankanum. Einkum veldur
þar sú staðreynd að umtalsvert rót
hefur verið á sjóðum vogunarsjóðsins
eftir háværa umræðu um spillingar-
mál tengd starfsemi fyrirtækisins í
Afríku. Fram kom í umfjöllun sunnu-
dagsblaðs Mogunblaðsins 2. apríl sl.
að vogunarsjóðurinn hafi tapað 130
milljónum Bandaríkjadala og fjár-
festar dregið alls 5,5 milljarða dala út
úr sjóðum þess á árinu 2016. Þá hafa
einnig verið fluttar af því fréttir að
matsfyrirtækið Standard&Poors hafi
fært lánshæfiseinkunn Och-Ziff niður
í ruslflokk. Við mat á því hvort aðili
telst hæfur til að fara með virkan
eignarhlut í fjármálafyrirtæki er
einkum litið til orðspors og fjárhags-
legs heilbrigðis.
Alþjóðleg orðsporsáhætta
Munu forsvarsmenn Och-Ziff meta
stöðuna svo, samkvæmt heimildar-
mönnum Morgunblaðsins, að ef FME
hafnar beiðni fyrirtækisins geti það
falið í sér alvarlega og alþjóðlega orð-
sporsáhættu sem smitað geti út í aðra
starfsemi sjóðsins en hann er skráður
í kauphöllina í New York og er eitt
stærsta fyrirtæki sinnar tegundar í
heiminum. Telja þeir að ekki sé bæt-
andi á það „orðsporsvandamál“ sem
sjóðurinn tekst nú á við, eins og einn
heimildarmanna orðaði það.
Staðan sem upp er komin veldur
því að þeir hinna sem eftir eru í hópi
kaupendanna þurfa að finna stað-
gengil Och-Ziff í viðskiptunum eða
bæta hlut þess við það sem þeir þegar
höfðu í hyggju að fara með, til þess að
tryggja að beinn og óbeinn hlutur
Och-Ziff fari ekki yfir fyrrnefnd 10%
mörk. Ekki er talið að FME geti stað-
ið í vegi fyrir því að Och-Ziff haldi í
hlut sem er skilgreindur undir mörk-
um.
Lífeyrissjóðir aftur að borðinu
Heimildir Morgunblaðsins herma
jafnframt að til greina komi að reyna
að fá lífeyrissjóðina, sem aðild áttu að
viðræðum um kaup á hlutum í bank-
anum á síðasta ári og fram að því að
tilkynnt var um kaup vogunarsjóð-
anna, aftur að borðinu. Heimildir inn-
an úr lífeyrissjóðunum herma að
blendnar tilfinningar séu til þess að
taka viðræður upp að nýju þar sem
sjóðirnir telji að Kaupþing hafi dregið
þá á asnaeyrunum meðan unnið var
að því að landa samningum við vog-
unarsjóðina.
Morgunblaðið leitaði viðbragða
Unnar Gunnarsdóttur, forstjóra
Fjármálaeftirlitsins, vegna málsins
en hún brást ekki við beiðni blaðsins.
Och-Ziff hættir ekki á
mögulega neitun FME
 Hefur ekki lagt inn beiðni um heimild til að fara með virkan eignarhlut í Arion banka
Morgunblaðið/Eggert
Langt ferli Kaupþing skuldbatt sig til að selja 87% hlut sinn í bankanum árið 2015 og að gera það innan þriggja ára.