Morgunblaðið - 30.06.2017, Blaðsíða 69

MINNINGAR 69
MORGUNBLAÐIÐ FÖSTUDAGUR 30. JÚNÍ 2017
✝ Ragnar EmilHallgrímsson
fæddist á Lands-
spítalanum 25. júní
2007. Hann lést 25.
júní 2017.
Foreldrar hans
eru Aldís Sigurð-
ardóttir, f. 15.
ágúst 1977, og
Hallgrímur Guð-
mundsson, f. 21.
apríl 1969. Systkini
Ragnars Emils eru Guðmundur
Freyr, f. 25. janúar
1989, Silja Katrín,
f. 15. október 2003
og Sigurður Sindri,
f. 20. maí 2005.
Ragnar gekk í
Hraunvallaskóla í
Hafnarfirði og lauk
þaðan 4. bekk í vor.
Ragnar verður
jarðsunginn frá
Víðistaðakirkju í
Hafnarfirði í dag,
30. júní 2017, klukkan 15.
Elsku besti drengurinn okkar.
Þegar við setjumst hér niður að
hugsa um hvað við ættum að
skrifa rifjast upp margar góðar
minningar. Þegar við sátum og
spiluðum, lásum saman góða bók
og sungum og trölluðum í eldhús-
inu heima. Þú elskaðir ekkert
meira en að fara á rúntinn, fara í
heimsókn til ömmu og afa, leika í
sólinni úti á palli, skella þér í heita
pottinn og blása sápukúlur. Ipad-
inn þinn var samt alltaf þitt uppá-
halds. Það sem þú gast rannsakað
hvert einasta smáatriði í öllum
þeim teiknimyndum sem þú elsk-
aðir. Þú varst heillaður af tónlist.
Þú gast sungið með allri tónlist og
þá sérstaklega teiknimyndatón-
list hvort sem var í forgrunni eða
bakgrunni.
Nú ertu lagður af stað í ævin-
týraförina miklu. Þessi 10 ár sem
við höfðum þig í lífi okkar voru
ekkert minna en stórkostleg í öll-
um skilningi þess orðs. Þú brædd-
ir okkur með einlægni þinni, sner-
ir okkur frávinstri til hægri með
dyntunum þínum og fylltir okkur
stolti með dugnaði þínum og stað-
festu. Þú söngst þig inn í hjörtu
fólks og tókst þér þar varanlega
bólfestu. Þú skildir engan eftir
ósnortinn og það fór aldrei fram
hjá neinum þegar Raggalestin fór
um.
Skarðið sem þú skilur eftir
verður aldrei fyllt. Við munum
ávallt geyma þig í hjarta okkar og
hafa þig með okkur hvert sem við
förum. Hjörtu okkar eru aum og
sorgin er yfirþyrmandi en við
huggum okkur við að þú ert kom-
inn til langafa og Ólafar sem
passa þig. Mollý ætlar svo að
fylgja þér, elsku kúturinn okkar.
Passið vel upp á hvort annað.
Nú skaltu rokka með Rauð-
hólsrokkurunum, synda í sjónum
með Nemó og Dóru, fara í könn-
unarleiðangur með Dóru og
Diego, skreppa inn í Múmíndal, fá
þér hunang með Bangsímon og
skoppa með Tuma í Hundrað-
ekruskógi, hlæja að Kjartani
galdrakarli langt, langt inni í
skóginum og lenda í fjörugum æv-
intýrum með Bósa, Vidda og fé-
lögum.
Við elskum þig að eilífu, ferða-
kveðja,
mamma og pabbi.
Elsku Raggi minn!
Ég elska þig svo mikið og mun
sakna þín enn þá meira. Þú ert
besti bróðir sem hægt er að hugsa
sér.
Hér er lagið okkar úr Toy
Story.
Eitt sinn var mér unnað,
allt var þá svo dásamlegt.
Sérhver stund sem áttum saman
býr í brjósti mér.
Og er hún var döpur
þurrkað gat ég tárin burt,
og er hún var ánægð gladdist ég,
hún unni mér.
Vetur, sumar, vor og haust,
við vorum saman endalaust,
svo órjúfandi voru
þau traustu vinabönd.
(Þýð. ók.)
Þinn bróðir,
Sigurður (Siggi).
Elsku Raggsinn minn!
Það er erfitt að hugsa til þess
að við munum aldrei hittast aftur í
okkar lífi. Vá hvað við gátum samt
fíflast mikið saman. Eins og þegar
ég var alltaf að bregða aðstoðar-
konunum og þú hlóst og hlóst.
Líka þegar við földum okkur und-
ir teppi og við vorum að þykjast
vera í huliðsskikkju Harry Pot-
ters.
Við vorum svo náin og ég mun
sakna þín svo óbærilega mikið.
Ég vona að þér líði vel og sért
kominn til langafa og Ólafar.
Góða nótt dúllinn minn. Ég
elska þig.
Dvel ég í draumahöll
og dagana lofa.
Litlar mýs um löndin öll,
liggja nú og sofa.
Sígur ró á djúp og dal,
dýr til hvílu ganga.
Einnig sofna Skolli skal
með skottið undir vanga.
(Þýð. Kristján frá Djúpalæk)
Þín systir,
Silja Katrín.
Elsku hjartans litli Ragnar
Emil.
Ég sit hér með tár á hvarmi og
skrifa minningarorð um þig, elsku
vinur. Ótrúlega óraunverulegt og
skrítið. Þó svo að þú hafir í raun
alla tíð verið í lífshættu hefurðu
samt alltaf verið í huga mér litli
Raggi sem getur allt. Allir sigr-
arnir sem þú hefur unnið, öll þau
skipti sem þú hefur hrist af þér
erfið veikindi. Svo skrítið að það
hafi ekki verið raunin nú, að litli
fallegi Ragnar Emil okkar sé nú
farinn á annan stað og það á sjálf-
an 10 ára afmælisdaginn sinn.
Ævi þín er í raun alveg ótrúleg og
svo yndislega falleg. Full af ást og
umhyggju frá foreldrum þínum
og systkinum, ömmu og afa, og
öllum okkar sem elskuðum þig.
Þér var aldeilis ætlað stórt hlut-
verk í lífinu, elsku vinur, þú hefur
allavega kennt mér svo ótrúlega
margt. Mikið þykir mér vænt um
allar minningarnar okkar saman,
elsku litli ljúfur. Minningin um
yndislegan og fallegan dreng mun
lifa áfram í hjörtum okkar um
ókomna tíð.
Elsku Aldísi minni, Halla,
Silju, Sigga, Gumma, Rögnu,
Sigga og öðrum aðstandendum
sendi ég mínar innilegustu sam-
úðarkveðjur umvafðar ást og
hlýju.
Sigrún Jóna G. Eydal.
Undir háu hamrabelti
höfði drúpir lítil rós.
Þráir lífsins vængja víddir
vorsins yl og sólarljós.
Ég held ég skynji hug þinn allan
hjartasláttinn rósin mín.
Er kristallstærir daggardropar
drjúpa milt á blöðin þín.
Æsku minnar leiðir lágu
lengi vel um þennan stað,
krjúpa niður kyssa blómið
hversu dýrðlegt fannst mér það.
Finna hjá þér ást og unað
yndislega rósin mín.
Eitt er það sem aldrei gleymist,
aldrei, það er minning þín.
(Guðmundur G. Halldórsson)
Elsku Raggi, takk fyrir allar
góðu stundirnar okkar, við eigum
eftir að sakna þín.
Þínir vinir
Finnbogi Örn og Bríet Björg
Rúnarsbörn.
Kveðja frá Hraunvallaskóla
Ragnar Emil var mikill per-
sónuleiki sem sýndi á sinn hátt
hvað honum fannst um hlutina.
Hann kom alltaf glaður í skólann
og var bekkjarfélögum sínum
kær.
Honum þóttu námsgreinarnar
mis-skemmtilegar og naut sín
best í dansi, íþróttum og tón-
mennt. Hann elskaði að láta lesa
fyrir sig en hafði ákveðnar skoð-
anir á hvaða bók eða sögu hann
vildi hlusta á. Eins og öðrum nem-
endum fannst Ragnari Emil
skemmtilegt þegar hann vann sér
inn tölvutíma en þá valdi hann
gjarnan að horfa á uppáhalds
Youtube-tónlistarmyndböndin
sín.
Hann lærði margt í samskipt-
um sínum við bekkjarfélaga en
það var líka margt sem við starfs-
fólk og nemendur lærðum af hon-
um.
Fallegu augun hans sögðu oft
meira en þúsund orð. Það verður
tómlegt að byrja næsta skólaár án
Ragnars Emils, við munum öll
sakna hans.
Þó vindar blási á litla logann þinn
og líka streymi regn – hann blikar
þarna!
Því flýgurðu ekki hátt í himininn?
Þar hlýtur þú að vera fögur stjarna.
(Þýð. Helgi Hálfdánarson)
Foreldrum, systkinum og öðr-
um ástvinum sendum við innileg-
ar samúðarkveðjur.
Fyrir hönd starfsfólks Hraun-
vallaskóla,
Ásta Björk Björnsdóttir.
Þó svo að tíu ár sé ekki langur
tími afrekaði Ragnar Emil ótrú-
lega hluti á sinni tíu ára ævi, með
fjölskyldu sína sér við hlið. Fáir
tíu ára drengir skilja eftir sig
jafnsterk og -djúp spor og hann,
sem kvaddi líf sitt á 10 ára afmæl-
isdaginn sinn. Sporin eru djúp í
hjörtum þeirra sem voru svo
heppnir að fá að kynnast honum.
Ekki aðeins skilur hann eftir spor
hjá þeim sem hann þekktu heldur
skilur hann eftir sig djúp, merk og
söguleg spor í sögu mannrétt-
indabaráttu okkar Íslendinga.
Veruleiki íslenskra barna sem
þurftu margþætta aðstoð, líkt og
Ragnar Emil, hafði ætíð verið sá
að dvelja allt sitt líf á sjúkrahúsi
því enga aðra aðstoð var að fá.
Þessu breytti Ragnar Emil og
fjölskylda hans á hans tíu árum.
Ragnar Emil var barn, og börn
eiga rétt á að búa hjá foreldum
sínum. Það þurfti bara að finna
leiðina. Hann markaði það stóra
spor í mannréttindasögu okkar að
búa heima hjá sér. Hann var
fyrsta barnið á Íslandi til þess að
fá notendastýrða persónulega að-
stoð (NPA) allan sólarhringinn,
það breytti öllu.
Ragnar Emil var harðjaxl,
sjálfstæður og skemmtilegur
söngfugl. Hann var vinur og góð-
ur skólafélagi en öðru fremur var
Ragnar Emil mikill fjölskyldu-
maður. Hann var mömmustrák-
ur, pabbastrákur og elskaði ekk-
ert meira en samveru með
systkinum sínum þeim Gumma,
Silju og Sigga. Amma, afi og aðrir
ættingjar voru aldrei langt undan
heldur.
Við, NPA-fjölskyldan, eins og
við höfum kallað okkur árum
saman, áttum margar góðar
stundir með Ragnari Emil sem
við erum þakklát fyrir. Við höfum
skapað okkar hefðir eins og fjöl-
skyldur gera. Okkar eigin þjóðhá-
tíð í Mosó um verslunarmanna-
helgina með spilamennsku,
grillpartýi, tjald- og pottakósý
eru dýrmætar stundir sem við
minnumst með hlýju. Eins hafa
páskaboð NPA-fjölskyldunnar
verið dásamlegar stundir og erfitt
er að hugsa sér án Ragnars Em-
ils.
Ragnar Emil lifði góðu lífi og
fékk tækifæri til læra, leika sér,
þroskast og lifa. Forsenda þessa
alls er að fá tækifæri til að reyna
og taka þátt. Það var ekkert sem
Ragnar Emil gat ekki gert, hindr-
unum var einfaldlega rutt úr vegi.
Það skipti heldur engu máli hve
langan tíma það tók að láta hluti
verða að veruleiki. Ragnar Emil,
fjölskylda hans, vinir og aðstoðar-
fólk fundu alltaf leiðir til að hann
tæki þátt, hvort sem það var að
spila fótbolta, fara á hestbak,
leika í tjaldi, á trampólíni, róla eða
hlaupa maraþon – hann gat það!
Hann gat!
Ragnar Emil gat á sinni tíu ára
ævi fengið stjórnvöld, pólitíkusa,
almenning, skólayfirvöld og fólkið
í kringum sig til að breyta sýn
sinni á mannréttindi, þátttöku og
lausnamiðun. Nú búa börn sjaldn-
ar á spítala, þau fara heim með
foreldum sínum. Það eigum við
Ragnari Emil og fjölskyldu að
þakka, hann sýndi að það er hægt.
Ragnar Emil fann leiðirnar og
lifði í tíu hamingjurík ár, ár sem
við þökkum fyrir að hafa fengið að
eiga með honum.
Hann lifir í mannréttindasög-
unni og hjörtum okkar að eilífu.
Við vottum fjölskyldu, vinum
og aðstoðarkonum Ragnars Em-
ils innilegrar samúðar.
NPA-fjölskyldan,
Auður, Rúnar, Finnbogi Örn
og Bríet Björg, Embla og
Vala, Gísli, Vilborg, Freyja,
Sandra og Bo.
Ragnar Emil
Hallgrímsson
HINSTA KVEÐJA
Elsku Ragnar Emil.
Manstu þegar ég og þú
vorum að leika saman á
dýnunni þinni með bangs-
ana sem hreyfast og þegar
við vorum að spila saman,
það var gaman. Manstu
þegar við vorum að róla
saman og fara í heita pott-
inn og manstu þegar við
fórum í Húsdýragarðinn,
var það ekki gaman? Ég
mun aldrei gleyma þér,
elsku Ragnar Emil minn.
Þín
Steinunn (Steina.)
 Fleiri minningargreinar
um Ragnar Emil Hallgríms-
son bíða birtingar og munu
birtast í blaðinu næstu daga.
Útfararþjónusta
Vönduð og persónuleg þjónusta
athofn@athofn.is - www.athofn.is
ATHÖFN ÚTFARAÞJÓNUSTA - s: 551 7080 & 691 0919
Inger Steinsson
Ástkær eiginkona mín, móðir, tengdamóðir,
amma og langamma,
MARGRÉT J. HELGADÓTTIR
Norðurvangi 8,
Hafnarfirði,
lést sunnudaginn 18. júní á kvennadeild
Landspítalans.
Útförin fer fram frá Víðistaðakirkju mánudaginn 3. júlí
klukkan 15.
Blóm og kransar eru vinsamlega afþökkuð en þeim sem vilja
minnast hennar er bent á Krabbameinsfélagið og Líf styrktar-
félag kvennadeildar Landspítalans.
Hjörtur Á. Ingólfsson
Jóhanna Inga Hjartardóttir Halldór Jörgen Gunnarsson
Jónas Friðrik Hjartarson Ólöf Björk Halldórsdóttir
Hjördís Ósk Hjartardóttir Baldur Páll Guðmundsson
ömmubörn og langömmubörn
Ástkær eiginmaður minn, faðir, tengdafaðir,
afi og langafi,
SIGURJÓN HANNESSON,
fv. skipherra,
Klapparhlíð 5,
Mosfellsbæ,
sem andaðist laugardaginn 24. júní, verður jarðsunginn frá
Guðríðarkirkju mánudaginn 3. júlí klukkan 15.
Maggý Björg Jónsdóttir
Jóhann Sigurjónsson Ásta Hilmarsdóttir
Ólafur G. Sigurjónsson Lilja Guðbjartsdóttir
barnabörn og barnabarnabörn
Elskuleg dóttir okkar, systir og mágkona,
LILJA STURLUDÓTTIR
skrifstofustjóri,
Bólstaðarhlíð 16,
lést í Reykjavík 22. júní.
Útför hennar fer fram frá Háteigskirkju
fimmtudaginn 6. júlí klukkan 16.
Þeim sem vilja minnast hennar er bent á Krabbameinsfélag
Íslands eða líknarfélög.
Sturla Þórðarson Ásta Garðarsdóttir
Kjartan Sturluson Kristín Gunnarsdóttir
Halldór Sturluson Heba Eir Kjeld Jónasdóttir
Móðir okkar, tengdamóðir, amma,
langamma og langalangamma,
AÐALHEIÐUR KJARTANSDÓTTIR,
(Alla frá Svanavatni),
lést á hjúkrunar- og dvalarheimilinu
Kirkjuhvoli, Hvolsvelli, þriðjudaginn 27. júní.
Viðar Marmundsson Bóel Ágústsdóttir
Hjördís Marmundsdóttir Ingvi Ágústsson
Gunnar Marmundsson Guðrún Óskarsdóttir
Ingibjörg Marmundsdóttir
ömmubörn, langömmubörn og langalangömmubörn
Ástkæri bróðir okkar,
EINAR HÓLM JÓNSSON,
lést á sjúkrahúsi Stykkishólms 25. júní.
Útförin fer fram frá Stykkishólmskirkju
þriðjudaginn 4. júlí klukkan 13.
Þökkum starfsfólki sjúkrahúss
Stykkishólms og dvalarheimilinu Silfurtúní í Búðardal fyrir
yndislega umhyggju og hlýhug.
Hilmar Jónsson og fjölskylda
Kristinn Jónsson og fjölskylda
Svanur Jónsson og fjölskylda
Morgunblaðið birtir minn-
ingargreinar endurgjalds-
laust alla útgáfudaga.
Skil | Þeir sem vilja senda Morg-
unblaðinu greinar eru vinsam-
lega beðnir að nota innsendikerfi
blaðsins. Smellt á Morgunblaðs-
lógóið í hægra horninu efst og
viðeigandi liður, „Senda inn
minningargrein,“ valinn úr felli-
glugganum. Einnig er hægt að
slá inn slóðina www.mbl.is/
sendagrein
Undirskrift | Minningargreina-
höfundar eru beðnir að hafa
skírnarnöfn sín en ekki stutt-
nefni undir greinunum.
Minningargreinar