Víkurfréttir - 15.12.2016, Qupperneq 44

44 fimmtudagur 15. desember 2016VÍKURFRÉTTIR
Dagný Hulda Erlendsdóttir
dagnyhulda@vf.is
Petrína Mjöll Jóhannesdóttir, prestur
við Árbæjarkirkju, fagnaði fimmtíu
ára afmæli sínu síðasta þriðjudag.
Sama dag fagnaði hún útgáfu á bók
sinni Salti og hunangi. Petrína ólst
upp í Keflavík og tók virkan þátt í
kristilegu starfi og heillaðist ung af
Biblíunni.
„Það eru margir sem hafa áhuga
á Biblíunni en finnst hún vera svo-
lítið óaðgengileg og erfið sem hún
vissulega er,“ segir Petrína Mjöll Jó-
hannesdóttir sem í vikunni sendi frá
sér bókina Salt og Hunang. Bókin
inniheldur orð úr Biblíunni til íhug-
unar fyrir hvern dag ársins. Petrína
segir bókina bæði til uppbyggingar
og hvatningar í daglega lífinu. Petrína
vann að bókinni í mörg ár og hefur
valið vers og túlkað þau út frá því sem
þau geta sagt okkur. „Þetta er mín leið
til að sýna fólki að það er heilmikið í
Biblíunni sem veitt getur svör við því
sem fólk er að glíma við í hinu daglega
lífi.“ Í bók Petrínu eru vers úr öllum
bókum Biblíunnar en þær eru 66 að
tölu. Aftast í bókinni er orðaskrá og
því hægt að fletta upp íhugunum sem
henta fyrir sérstakar aðstæður, eins og
gleði, sorg, samskipti, erfiðleika og svo
framvegis.
Núvitund í Biblíunni
Petrína er prestur við Árbæjarkirkju
í Reykjavík. Hún ólst upp í Keflavík
í stórum systkinahópi og hefur verið
heilluð af Biblíunni síðan í æsku en
þá tók hún mikinn þátt í kristilegu
starfi. „Mér fannst Biblían alltaf svo-
lítið erfið. Hún er svo innihaldsrík
en maður áttar sig ekki alltaf á því.
Það er margt í henni sem við teljum
okkur vera að uppgötva í dag eins
og til dæmis árvekni og núvitund en
um það er fjallað í Biblíunni. „Látið
hverjum degi nægja sína þjáningu,“
segir Jesús í fjallræðunni. Í Biblíunni
má finna ýmis gömul sannindi sem
gilda alltaf, til dæmis um það hvernig
maður getur orðið hamingjusamur
og lifað góðu lífi.“ Petrína segir það
hafa verið mikið heillaskref á sínum
tíma að fara í guðfræðideildina enda
hafi Biblían opnast þar fyrir henni á
nýjan hátt.
Eiginmaðurinn hefur umsjón
með jólabakstrinum
Í gegnum tíðina hefur gegnið mis vel
hjá Petrínu og fjölskyldu að halda í
jólahefðirnar. Börnin hennar fjögur
eru á aldrinum 14 til 25 ára og heldur
fjölskyldan ennþá í þá hefð að eiga há-
tíðlega stund í hvert sinn þegar kveikt
er á kerti á aðventukransinum. „Þessa
hefð höfum við haft síðan börnin voru
lítil. Við setjumst niður, syngjum að-
ventusálminn, biðjum og kveikjum á
kerti. Nú eru þau orðin eldri, eigin-
lega fullorðið fólk, en það er alltaf jafn
dýrmætt að eiga þessa stund saman.“
Eiginmaður Petrínu, Ögmundur
Máni Ögmundsson, hefur yfirumsjón
með bakstrinum á heimilinu. „Það
eru ákveðnar sortir sem við bökum
alltaf og mömmukökurnar og lak-
krístopparnir eru vinsælastar.“
Hefur alltaf verið
heilluð af Biblíunni
„Í Biblíunni má finna ýmis gömul sannindi sem gilda alltaf, til dæmis
um það hvernig maður getur orðið hamingjusamur og lifað góðu lífi“
ALLTAF PLÁSS
Í B Í L N U M
FINNDU OKKUR Á FACEBOOK
DAGLEGAR FERÐIR ALLA VIRKA DAGA, TVISVAR Á DAG.
S U Ð U R N E S - R E Y K J A V Í K
SÍMI: 845 0900
Petrína vann að bókinni Salt og Hunang í mörg ár. Í henni túlkar hún vers Biblíunnar og tengir við daglegt líf.
Petrína hefur unnið að bókinni í mörg ár.
Í henni túlkar hún vers Biblíunnar og tengir við daglegt líf.
Við óskum samstarfsaðilum
okkar á Suðurnesjum og
landsmönnum öllum
gleðilegra jóla og
farsældar á nýju ári