Dagblaðið Vísir - DV - 22.12.2017, Blaðsíða 48

48 Helgarblað 22. desember 2017
Ég hélt upp á jólin í gær, þann 21. desember. Þetta geri ég á hverju ári enda fullkomin ástæða til að fagna
því að frá og með gærdeginum munum við
njóta dagsbirtunnar örlítið lengur, mínútu
fyrir mínútu. Vetrarsólstöður. Meiri birta!
Meiri gleði!
Þessi jákvæði viðsnúningur varð nákvæm­
lega klukkan 16.28 og héðan í frá, eða alveg
fram til 21. júní á næsta ári, mun sólin hækka
á lofti og dagurinn verða lengri. Fullkomin
ástæða til hátíðarhalda – finnst þér ekki?
Ég fagnaði með einföldum hætti.
Kveikti bara á fleiri kertum og hlustaði á
Here comes the sun.
Little darling,
I feel that ice is slowly melting
Little darling,
It seems like years since it's been clear
Here comes the sun
Here comes the sun, and I say
It's all right
Fallegt.
Einhvern tímann heyrði ég að kirkjunnar
feður hefðu komið fæðingardegi frelsara síns
fyrir á þessa hentugu tímasetningu þar sem
Rómverjar og aðrir héldu sína sólhvarfahátíð.
Hjá okkur Íslendingum hefur hátíðin alltaf
kallast „jól“ en margir vilja meina að orðið
eigi skylt við „hjól“ og merki árstíðaskiptin og
framgang lífsins.
Kirkjukörlum þótti ástæða til minnast
innkomu átrúnaðargoðsins með sérlegri
hátíð enda alveg frábært að guðinn þeirra
skyldi stíga niður af himnum og gerast mað­
ur. Og þvílíkur maður! Gæðadrengur í gegn
sem óð berfættur um og boðaði kærleika,
umburðarlyndi og ást. Endalausa ást. Það
gerði Búdda reyndar líka um fimm hundruð
árum fyrr, Lennon fyrir 50 árum og Louise
Hay þar til hún lést í ágúst á þessu ári. Love
is all you need. Einfalt.
Hvort sem við kjósum að taka við skila­
boðunum í gegnum Búdda, Krist, Lennon
eða Louise þá gildir það einu. Áminningin
um ástina og kærleikann er nauðsynleg og í
raun er þessi blanda af sólarhá­
tíð heiðinna og kærleikshá­
tíð kristinna alveg skothelt
kombó. Við höfum öll
gott af meiri BIRTU!
Gleðileg jól!
Here comes the sun, and I say: It's all right
Margrét H.
gústavsdóttir
margret@dv.is
Þröstur Leó Gunnarsson fæddist þann 23. apríl árið 1961 á Bíldudal. Hann er
sonur Vilborgar Kristínar Jóns­
dóttur ljósmóður og Gunnars
Knúts Valdimarssonar sem var
lengi þekktur sem bíóstjórinn í
þorpinu.
Þröstur átti fimm systkini en
elsti bróðir hans, Rúnar, lést úr
hrörnunarsjúkdómi árið 2012.
Þröstur lauk níunda bekk frá
gagnfræðaskólanum á Selfossi og
hélt þá aftur til Bíldudals þar sem
hann vann á sjó og við beitingar
til nítján ára aldurs. Þá fór hann
til Reykjavíkur og hóf nám við
Leiklistarskóla Íslands sem hann
lauk svo árið 1985. Síðan hefur
Þröstur Leó misst töluna á þeim
verkum og kvikmyndum sem hann
hefur tekið þátt í. Á annan dag jóla
verður Hafið eftir Ólaf Hauk Sím­
onarson frumsýnt í Þjóðleikhúsinu
en þar verður hann í aðalhlutverki.
Þröstur býr í Álftamýri ásamt
eiginkonu sinni, Helgu Sveindísi
Helgadóttur rithöfundi, og dóttur
þeirra Maríu, tólf ára. Fyrir á
hann fjögur börn úr fyrra hjóna­
bandi; Vilborgu, Silju, Pálínu og
Guðmund og svo fósturdæturnar
Sólveigu og Gauju.
07.00
Venjulegur dagur byrjar um klukk­
an sjö eða hálf átta, ég vek dóttur
mína og keyri hana í Vesturbæjar­
skóla. Sjálfur borða ég engan
morgunmat en ég gef henni yfirleitt
bara það sem hana langar í, það er
oftast einhver grautur eða svoleiðis.
Yfirleitt fer ég beint niður í leikhús
þegar ég er búinn að skutla henni
en æfingar byrja um klukkan tíu
á morgnana. Á fyrstu æfingum er
bara setið og lesið en eftir einhvern
tíma byrjum við að æfa litlar senur
og samtöl. Þess á milli er maður að
læra textann sinn, það er að segja
ef maður er með einhvern texta
að ráði. Þessa dagana erum við á
lokametrunum fyrir Hafið en þar
leik ég Þórð, útgerðarstjórann sem
er kominn með heilablæðingu og
kallar börnin til sín til að opinbera
eitthvað fyrir þeim sem svo kemur í
ljós. Nú hafa verið rennsli öll kvöld
fram að Þorláksmessu frá klukkan
átta til ellefu því verkið verður
frumsýnt annan í jólum.
12.00
Stundum er ég ekkert svangur í há­
deginu og get þá bara sleppt því að
borða þangað til um kvöldið. Borða
sem sagt ekkert yfir daginn sem
mörgum hefur þótt undarlegt. Það
fer alveg eftir því hvað er í matinn
í mötuneytinu hvort mig langar í
það eða ekki. Fiskibollur og slíkt,
ég nenni ekki að borða það. Ef ég
fæ mér fisk þá þarf ég oftast að fá
mér kjöt svona klukkutíma síðar.
Ætli ég sé ekki svona grannur út af
þessu? Ég borða eiginlega bara kjöt.
16.00
Æfingar eru vanalega búnar um
fjögur og þá fer ég heim að taka
á móti dóttur minni sem kemur
úr skólanum um það leyti. Ég sé
vanalega um matinn á heimilinu og
það er ekki óvanalegt að við séum
að borða kvöldmatinn um klukkan
fimm síðdegis. Þótt ég borði frekar
kjöt en fisk þá finnst mér ótrú­
lega gaman að elda fisk. Sólkola,
skötusel og þess háttar. Það er samt
auðvelt að eyðileggja fisk með því
að klúðra eldamennskunni. Aðal­
lega með ofeldun, þá verður hann
eins og einhver þurr og bragðlaus
pappi.
18.00
Við klárum oftast að borða svona
um klukkan sex og ef ég er ekki
að fara í leikhúsið aftur þá er bara
eitthvað venjulegt afslappelsi sem
tekur við um. Kannski horfum við
á mynd eða einhverja þætti sem við
getum öll dottið inn í. Síðast voru
það Stranger Things sem dóttir mín
er mjög hrifin af, og reyndar ég líka.
Þetta voru ágætir þættir.
01.00
Mér finnst yfirleitt ekki taka því
að fara inn í rúm að sofa fyrr en
eftir miðnætti svo oft hangi ég
í tölvunni fram eftir, legg kapal,
skoða vídeó og eitthvað. Vinnutím­
inn hjá mér er líka svo skrítinn að
það er enginn sérstök regla á lífinu.
Lífsstíllinn ræðst af leikhúsinu.
Þröstur Leó gunnarsson
-fiskibollur, kjöt, kapall og einfaldleikinn sem reynist yfirleitt bestur„ef ég fæ mér
fisk þá þarf
ég oftast að fá mér
kjöt svona klukkutíma
síðar. Ætli ég sé ekki
svona grannur út af
þessu? Ég borða
eiginlega bara kjöt.Besta ráð sem þér hefur
verið gefið?
Mamma lagði ríka áherslu á það
við mig að vera alltaf stundvís. Ég
var í fjögur ár í leiklistarnámi og
kom bara einu sinni of seint, það
var þegar fyrsta dóttir mín fæddist.
Stundvísin hefur reynst mér mjög
vel í starfinu enda verulega óheppi-
legt að vera óstundvís leikari.
Besta ráð sem þú getur
gefið öðrum?
Bara að vera heiðarlegur við sjálf-
an sig og aðra. Koma heiðarlega
fram, sleppa leyndarmálum og
feluleikjum. Koma hreint til dyra.
hvað vildir þú að þú
hefðir vitað fyrr?
Ég vildi að ég hefði vitað að leik-
listin er ekki eins flókin og ég hélt í
fyrstu. Maður var allaf að rembast
við að gera of mikið en einfaldleik-
inn reynist yfirleitt bestur.
Da
gur
í l
ífi
instagraM.coM/Birta_vikuBLad viKuBlað - Ritstjóri: Margrét H. Gústavsdóttir Ábyrgðarmenn: Karl Garðarsson Markaðssamstarf: Svava Kristín Gretarsdóttir s: 690 6900