Dagblaðið Vísir - DV - 22.12.2017, Blaðsíða 4

4 Helgarblað 22. desember 2017fréttir
Lestur DV
hefur aukist um
74% á hálfu ári
Samkvæmt nýbirtum niður-
stöðum Gallup um lestur
prentmiðla jókst lestur á DV
um tæplega
13% á milli
mánað-
anna
október og
nóvember.
Lestur DV
mældist
12,5% í
nóvember
en var
11,1% í
október. Í apríl var lestur
blaðsins 7,2% og hefur hann
því aukist um tæp 74% á síð-
asta hálfa ári. Hefur lestur
blaðsins ekki mælst meiri síðan
í mars árið 2014.
Starfsfólk DV er ánægt og
þakklátt fyrir þessar góðu við-
tökur upp á síðkastið og mun
sem fyrr leitast við að bæta
og styrkja blaðið enn frekar í
hverri viku.
Sviðin jörð Jóhanns
í Já iðnaðarmönnum
n Kennitöluflakk og þjófnaðir n Dæmdur fyrir nauðgun og fíkniefnasmygl á
tíunda áratugnum
Á
dögunum var tilkynnt um
126 milljóna króna gjald-
þrot fyrirtækis sem áður
hét Já iðnaðarmenn. Eig-
andi fyrirtækisins, Jóhann Jónas
Ingólfsson, hefur margoft komið
við sögu lögreglu undanfarna ára-
tugi. Hann hefur meðal annars
hlotið dóm fyrir nauðgun, þjófnað
og innflutning eiturlyfja. Þá flúði
hann land á sínum tíma og slapp
þannig við afplánun fangelsis-
dóms. Í kjölfar áðurnefnds gjald-
þrots hefur Jóhann fært rekstur Já
iðnaðarmanna yfir á aðra kenni-
tölu og heldur áfram rekstri eins
og ekkert hafi í skorist. Að sögn
birgja skilur Jóhann eftir sig sviðna
jörð.
Breytti um nafn rétt fyrir
gjaldþrot
Þann 11. desember síðastliðinn
lauk skiptum í þrotabúi Verktaka
og endurbóta ehf. Lýstar kröfur
voru um 126 milljónir króna en
engar eignir fundust í búinu. Fé-
lagið hét áður Já iðnaðarmenn
ehf. en þann 27. mars á þessu ári,
þegar ljóst var að gjaldþrot blasti
við, var nafni fyrirtækisins breytt í
Verktakar og endurbætur ehf. Fé-
lagið var síðan úrskurðað gjald-
þrota nokkrum vikum síðar eða
þann 12. apríl. Lauk þar með tæp-
lega tveggja ára rekstrarsögu fé-
lagsins.
Eigandi fyrirtækisins, Jóhann
Jónas Ingólfsson, er þó hvergi
nærri af baki dottinn. Hann hef-
ur haldið áfram með rekstur Já
iðnaðarmanna á annarri kenni-
tölu eins og ekkert hafi í skorist.
Þá hefur Jóhann auglýst grimmt
eftir starfsmönnum undanfarna
mánuði, til dæmis eftir smiðum,
málurum, bifvélavirkjum, verk-
stjóra og traustum og ábyggileg-
um fjármálastjóra. Umsvifin virð-
ast því vera talsverð enda óhætt
að fullyrða að eftirspurnin eftir
iðnaðarmönnum og verktökum
hefur sjaldan verið meiri.
Aldrei kynnst öðrum eins
siðblindingja
Já iðnaðarmenn hafa komið að
margs konar verktakastarfsemi
undanfarin misseri. DV hefur
heimildir fyrir því að margar
kvartanir vegna starfseminnar hafi
borist til eftirlitsaðila undanfarna
mánuði. Þá hafi fyrirtækið ver-
ið kært til lögreglu vegna meints
brots á iðnaðarlögum. Brotin fel-
ast í því að ófaglærðir starfsmenn
hafi verið að sinna verkefnum sem
þeir höfðu engin réttindi til að
vinna.
Þess konar fúsk hefur orðið til
þess að margir viðskiptavinir sitja
eftir með sárt ennið eftir viðskipti
sín við Já iðnaðarmenn. Þá hafa
birgjar einnig orðið illa úti. „Ég er
búinn að vera í þessum bransa í
þrjátíu ár og ég hef aldrei kynnst
öðrum eins siðblindingja,“ segir
Ingólfur Steingrímsson, eigandi
Kvarna ehf. Félagið leigir meðal
annars út vinnupalla fyrir verk-
taka og hefur Ingólfur brennt sig
á viðskiptum sínum við Jóhann.
„Hann skuldar okkur tæplega sex
milljónir auk þess sem hann er
enn með palla fyrir um tvær millj-
ónir króna. Þegar við höfum geng-
ið á hann þá vísar hann bara á
skiptastjóra þrotabúsins og virðist
telja að málið komi sér ekki lengur
við,“ segir Ingólfur.
Sömu sögu er að segja að af
samkeppnisaðila Kvarna, Stoð
pallaleigu. „Við höfum unnið
saman við að hafa upp á pöllun-
um sem Jóhann hefur leigt af okk-
ur. Við höfum verið að finna þá um
allan bæ þar sem Jóhann er með
verk í gangi á nýju kennitölunni,“
segir Ingólfur. Hann fordæmir
framgang lögreglu og eftirlits aðila
í málinu. „Ég kærði Jóhann fyrir
löngu en hann er ekki einu sinni
kallaður til skýrslutöku. Á meðan
fær hann að halda áfram óáreittur
og skilja eftir sig sviðna jörð,“ segir
Ingólfur.
Nauðgun, eiturlyfjasmygl og
tálbeituaðgerð
Ef framferði Jóhanns undanfarin
misseri er skuggalegt þá er for-
tíð hans hið fullkomna myrkur.
Hann var fyrst handtekinn fyrir
þjófnað árið 1974 en ákæru var
frestað skilorðsbundið. Þrem-
ur árum síðan fékk hann tvo skil-
orðsbundna dóma fyrir þjófnað. Í
frétt Pressunnar í september 1992
kemur fram að Jóhann, sem þá var
35 ára gamall, hafi komist yfir tutt-
ugu sinnum í kast við lögin á átján
árum.
Í byrjun tíunda áratugar síð-
ustu aldar sat Jóhann í fangelsi
vegna dóms sem hann hlaut fyr-
ir nauðgun. Nauðgunin átti sér
stað í heimahúsi að morgni ný-
ársdags árið 1990. Klæddi Jó-
hann sofandi konu úr fötun-
um og hafði við hana samræði
gegn hennar vilja. Hlaut Jóhann
sex mánaða óskilorðsbund-
inn dóm fyrir ódæðið. Hann
sat inni í Hegningarhúsinu við
Skólavörðustíg í þrjá mánuði.
í afplánuninni kynntist hann
afbrotamanninum Steini Ár-
manni Stefánssyni og tókst með
þeim vinskapur. Steinn Ármann
trúði Jóhanni fyrir því að hann
ætti von á stórri kókaínsendingu
til landsins. Þær upplýsingar
ákvað Jóhann að nýta sér til
hins ítrasta.
Hann var í
erfiðri stöðu því í febrúar 1991
hafði hann verið handtekinn með
þrjú kíló af hassi. Ákæra í mál-
inu hafði verið gefin út og átti Jó-
hann því þungan dóm yfir höfði
sér. Um leið og hann lauk afplán-
un nauðgunardómsins gaf hann
sig fram við lögreglu, sagði allt af
létta og tók að sér að þykjast ætla
að kaupa efnið með það að mark-
miði að grípa Stein Ármann með
það undir höndum. Áætlunin
gekk upp og var málið, sem fékk
mikla fjölmiðlaumfjöllun, þekkt
sem Stóra – Kókaínmálið. Fram
kom að Jóhann hafi freistað þess
að fá mildari dóm í hassmáli sínu í
staðinn fyrir uppljóstrunina.
Ekki verður hér lagt mat á hvort
það ætlunarverk Jóhanns hafi tekist
en árið 1993 var hann dæmdur í sjö
mánaða fangelsi fyrir innflutning á
fíkniefnum og kynferðis-
brot. Í kjölfarið ákvað
Jóhann að yfir-
gefa landið.
Interpol ekki að standa sig
Þann 26. mars 1999 greindi DV
síðan frá því að Jóhann væri aftur
kominn til Íslands eftir að dómur-
inn gegn honum hafði fyrnst.
Starfaði hann þá fyrir breskt
heildsölufyrirtæki sem lét til sín
taka hérlendis. Í frétt blaðsins
kom fram að íslensks yfirvöld
hefðu leitað til Interpol til þess
að hafa uppi á Jóhanni en án ár-
angurs. Blaðamaður hafði þá
samband við Jóhann og bar undir
hann hvort hann hefði vísvitandi
flúið land til þess að komast hjá
fangelsisvist. Því svaraði Jóhann:
„Nei, ég var ekki að því. Það er
ekki við mig að sakast ef Interpol
nær ekki að sinna sínu starfi.“ Hélt
hann því fram að honum hefði
aldrei verið birt boðun um af-
plánun refsingar og íslensk yfir-
völd hefðu auðveldlega getað
haft uppi á honum. n
Björn Þorfinnsson
bjornth@dv.is
Jóhann Jónas Ingólfsson Jóhann hefur
ítrekað komist í kast við lögin undanfarna áratugi.
STEFÁN
HANDTEKINN
Í MEXÍKÓ
Íslenskur karlmaður,
Stefán Ingimar
Koeppen Brynjars-
son, var í október
í fyrra handtekinn
í Cancún í Mexíkó
grunaður um
fíkniefnasmygl. Aldrei
hefur verið greint frá handtöku hans á
Íslandi en fjallað var um handtökuna
erlendis. DV hefur heimildir fyrir því að
handtaka hans tengist máli íslenskrar
konu sem var eftirminnilega handtekin í
Kanada í fyrra með tæpt kíló af kókaíni
sem fannst í golfsetti í farangri hennar.
Hún var handtekin á Pearson-flugvelli
í Toronto þar sem hún millilenti á leið
sinni til Íslands frá Cancún.
Heimildir DV herma að Stefán Ingimar
hafi verið búsettur í Mexíkó um árabil.
Hann hlaut einn þyngsta dóm sem fallið
hefur á Íslandi í fíkniefnamáli árið 2003.
Þá dæmdi Hæstiréttur hann í átta ára
fangelsi fyrir stórfellt fíkniefnasmygl til
Íslands á árunum 1998 til 2001. Hann var
dæmdur fyrir að hafa staðið að innflutn-
ingi á um sex kílóum af amfetamíni og
300 grömmum af kókaíni.
Grímur
Grímsson
yfirlögreglu-
þjón segist í
samtali við DV
ekki kannast
við málið. Hann segir að ef Stefán hefði
verið framseldur til Íslands þá væri hon-
um kunnugt um málið. Þær upplýsingar
fengust hjá utanríkisráðuneytinu að mál
hans væri ekki skrá hjá borgaraþjónust-
unni. Það þýddi að hann hafi ekki óskað
eftir aðstoð íslenskra stjórnvalda.
Mál íslensku konunnar vakti mikla
athygli í febrúar í fyrra, ekki síst vegna
skrautlegra lýsinga íslenskra kvenna
sem sögðust hafa verið narraðar í
ferðina til
Mexíkó.
Konurnar þrjár
töldu sig þess
fullvissar eftir
á að hyggja
að markmiðið
hafi verið að nota þær sem burðardýr
án þeirra vitneskju. Heimildarmaður DV
sem er nátengdur þeim segir að nafn
Stefáns hafi borið á góma.
Síðastliðinn nóvember ákvað ákæru-
valdið í Kanada að stöðva réttarhöld
yfir konunni. Að sögn Penny Her-
mann, upplýsingafulltrúa konunglegu
kanadísku riddaralögreglunnar, var
ákveðið að bíða með ákæru (e. charges
stayed). Í kanadísku réttarkerfi þýðir slík
ákvörðun yfirleitt að ekki verði dæmt í
málinu nema aðstæður breytist.