Dagblaðið Vísir - DV - 29.12.2017, Page 36

36 umræða
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
aðalnúmer: 512 7000
auglýsingar: 512 7050
ritstjórn: 512 7010
Heimilisfang
Kringlan 4-12, 4. hæð
103 Reykjavík
Sandkorn
Áramótablað 29. desember 2017
Útgáfufélag: Frjáls fjölmiðlun ehf. Stjórnarformaður: Sigurður G. Guðjónsson Framkvæmdastjóri: Karl
Garðarsson Aðalritstjóri: Kristjón Kormákur Guðjónsson Aðstoðarritstjóri: Einar Þór Sigurðsson
Ritstjórar: Kolbrún Bergþórsdóttir og Sigurvin Ólafsson Prentun: Landsprent Dreifing: Árvakur
fréttaskot
512 7070
Spurning vikunnar
Áramótaheit til góðs
Á
áramótum líta margir um
öxl, kryfja liðið ár, íhuga
hvað þeir hefðu getað gert
betur og strengja síðan ára-
mótaheit. Þetta er góður siður
einstaklinga sem vilja sýna þroska-
merki og gera betur á nýju ári en
gert var á því gamla. Við skulum
vona að ráðamenn þjóðarinnar
séu í þessum fjölmenna hópi. Þeir
hafa völd og áhrif og bera jafn-
framt mikla ábyrgð og hefðu ræki-
lega gott af að fara í vandlega sjálf-
skoðun um áramót. Þannig ætti
hin splunkunýja ríkisstjórn lands-
ins að strengja þess heit að vanda
sig og ganga ekki erinda valda-
mikilla sérhagsmunahópa heldur
huga að hagsmunum almennings.
Hver og einn ráðherra ætti síðan
að heita sjálfum sér því að haga
verkum sínum á þann hátt að
ekki verði hægt að saka hann um
að hafa gengið fram af offorsi og
þverbrotið reglur. Sem dæmi má
nefna að það geta ekki talist með-
mæli með ráðherra að hafa á fer-
ilskránni að hafa verið stefnt fyrir
dóm fyrir augljós embættisafglöp
og sitja svo uppi með það að hafa
tapað málinu. Ráðherrar þurfa að
muna að þeir geta ekki hagað sér
eins og einræðisherrar, þótt þá
langi óskaplega mikið til þess. Hafi
þeir þetta í huga verður samfélag
okkar betra.
Fleiri ættu að íhuga gjörðir sín-
ar. Þar á meðal þeir einstaklingar
sem vita upp á sig skömmina í
sambandi við kynferðisafbrot og
áreiti. Kannski sjá þeir sjálfir ekk-
ert athugavert við gjörðir sínar
en umræða síðustu mánaða ætti
þó að hafa leitt til þess að þeir
vita að umhverfið er ekki á sama
máli. Það eru meðmæli með sam-
félagi þegar fólk rís upp og lýs-
ir því yfir að kynferðislegt áreiti
verði ekki þolað. Um áramót ættu
þeir sem hafa gerst sekir um slíkt
áreiti að heita sjálfum sér því að
koma framvegis fram af kurteisi
og tillitssemi við aðra. Iðrun sakar
heldur aldrei.
Nettröllin alræmdu ættu síð-
an að leggjast í sjálfskoðun um
áramót og spyrja sig þeirrar sjálf-
sögðu spurningar hvort þau
myndu virkilega vilja fá yfir sig
þann óhroða sem þau skrifa um
aðra á netinu. Svarið er alveg ör-
ugglega nei. Þetta sama fólk ætti
að spyrja sig að því hvaðan hún
er sprottin, þessi óskaplega reiði
sem virðist búa innra með því, og
hvort það geti ekki á einhvern hátt
sefað hana. Það tekur á að vakna
í reiði, lifa í reiði allan daginn og
sofna í reiði. Hvar er gleðin, kátín-
an og kurteisin? Nettröllin ættu að
skipta um ham og heita því að láta
af hinum ljóta munnsöfnuði sín-
um og gera samfélag okkar þannig
betra. n
Gleðilegt nýtt ár,
kæru landsmenn!
Leiðari
Kolbrún Bergþórsdóttir
kolbrun@dv.is
„Ráðherrar þurfa
að muna að þeir
geta ekki hagað sér eins
og einræðisherrar, þótt
þá langi óskaplega mikið
til þess.
Strengir þú áramótaheit?
„Nei, ég er nú löngu hættur því.“
Jón Kristjánsson
„Nei. Ég hef reynt það.“
Atli Freyr Egilsson
„Já, að vera hamingjusamari.“
Þórunn Berg
„Reyni það. Að standa við öll markmiðin.“
Kristín Tómasdóttir
Skotleyfi á biskup?
Jólin voru eflaust súrsæt hjá
Agnesi M. Sigurðardóttur, bisk-
upi Íslands. Fyrst bárust henni
þau gleðitíðindi
frá kjararáði að
hún fengi ríflega
launahækkun
og 3,3 milljón-
ir í eingreiðslu.
Þegar greint var
frá þessu opinberlega kárnaði
gamanið og almenningur setti
hávært spurningarmerki við
ákvörðun kjararáðs. Séra Agn-
es sendi frá sér yfirlýsingu um
að hún vildi ekki ræða mál-
ið frekar en þegar fréttamað-
ur Stöðvar 2 mætti í hálftóma
dómkirkju á Jóladag sagði
Agnes að það væri biskupinn
en ekki Agnes sem hafi feng-
ið launahækkun. Einnig kaus
hún að svara ekki hvort pen-
ingarnir sem biskupinn fékk
rynnu til góðgerðarmála eða
ekki. Þau orð urðu ekki til að
slökkva neina elda. Athygli vek-
ur að enginn prestur eða leik-
maður innan kirkjunnar hef-
ur stigið fram biskupi og/eða
Agnesi til varnar, því er von að
spurt sé hvort gefið hafi verið
út skotleyfi á biskupinn?
Ekkert of stórt má gerast
Landspítalinn var settur á gult
viðbragðsstig í kjölfar hörmu-
legs rútuslyss skammt frá
Kirkjubæjarklaustri á mið-
vikudag, Blóðbankinn aug-
lýsti sömuleiðis sérstaklega
eftir einstaklingum í O-blóð-
flokki. Eins hræðilegt og þessi
atburður er þá afhjúpar hann
bæði styrk- og veikleika í heil-
brigðiskerfinu. Styrkurinn felst
í mannauðnum sem mætir í
útkall og í vinnu á frívakt til að
sinna slösuðum. Veikleikinn
felst hins vegar í því að eitt stórt
slys veldur því að þeir sem eru
ekki í bráðri þörf þurfa að bíða
eftir þjónustu og spítalinn þarf
sérstaklega að hvetja almenn-
ing til að nota heilsugæslu-
stöðvar og Læknavaktina á
Smáratogi til að hlífa spítalan-
um. Við getum rétt svo ímynd-
að okkur stöðuna ef slysin yrðu
tvö á sama deginum. Ekkert of
stórt má gerast á Íslandi, blá-
kalda staðreyndin er sú að við
myndum ekki ráða við það.
F
lugeldasala á ekki bara
að vera í höndum björg-
unarsveitanna. Þetta er
bara vara eins og hver
önnur vara. Segjum sem svo
að einhverjum dytti í hug að
einoka þetta við björgunar-
sveitir, eða við Félag hjúkr-
unarfræðinga eða guð má vita
hvað, þá verðum við náttúrlega
að byrja á að fara með EES-
samninginn niður á Austur-
völl og brenna hann. Almenn
samkeppni er ein af grunn-
samþykktum Evrópusam-
bandsins, ég skal viðurkenna
það er margt annað í þessum
blessaða Evrópusamningi sem
fer mikið í taugarnar á mér.
Það er ekki hægt að segja að
verslun sé opin og jöfn og hins vegar ætla að fá einhverja til að ein-
oka eitthvað. Það er ekki hægt að setja einokun á flugelda eins og það
er ekki hægt að setja einokun á að selja broskalla eða eitthvað annað.
Sovétleiðin gekk ekkert rosalega vel. Ég hvet annars fólk til að styrkja
björgunarsveitirnar, það getur keypt flugelda af mér á því verði sem ég
sel þá á og gefið þeim mismuninn.
F
lugeldasalan er okkar
stærsta og mikilvægasta
fjáröflun. Þetta er meira
en helmingur af öllum
okkar tekjum, að minnsta kosti
í okkar sveit. Þetta er enn mik-
ilvægara fyrir sveitir á lands-
byggðinni þar sem flugelda-
salan getur verið allt að 90% af
tekjunum. Við treystum á fram-
lög allrar þjóðarinnar til að
styðja okkur. Fjármunirnir sem
við fáum fara að hluta í tækja-
kaup og viðhald á útbúnaði,
þjálfun björgunarsveitarfólks
er mjög dýr. Við erum með
mjög sérhæfða þjálfun fyrir ný-
liða og svo eins alls konar sér-
hæfð námskeið, því við viljum
hafa mjög vel þjálfað fólk. Við
viljum auðvitað ekki koma í veg fyrir heilbrigða samkeppni á flugelda-
markaði, en við hvetjum fólk til að koma til okkar og styðja við okkur,
láta það fé sem fer í flugeldakaup renna til góðs málefnis. Við erum
með langstærsta úrvalið af öllum flugeldasölum og það eiga allir að
geta fundið eitthvað hjá okkur.
MEð og á MóTi - Flugeldar hjÁ björgunarsveitunum
Ylfa Garpsdóttir hjá Hjálparsveit skáta í Reykjavík Einar Ólafsson hjá Alvöru flugeldum
MEð á MóTi