Fréttatíminn - 03.02.2017, Side 20

20 | FRÉTTATÍMINN | Föstudagur 3. febrúar 2017
Halla Harðardóttir
halla@frettatiminn.is
Rannsóknir sýna að ung-menni í dag hafa það, á nær alla hefðbundna mælikvarða, betra í dag en nokkru sinni áður.
Glæpatíðni er lægri, færri ung-
menni reykja og drekka, einkunn-
ir eru betri og fleiri útskrifast úr
námi. Jarðvegurinn ætti því að vera
kjörinn fyrir ungmenni að dafna en
þó sýna aðrar rannsóknir að það er
ekki raunin. Ungmenni sýna ein-
kenni þunglyndis fyrr, sjálfsvígum
hefur fjölgað, kvíði hefur aukist og
mörg eiga erfitt með að mynda náin
sambönd. Ingvi Hrannar Ómars-
son, kennari og verkefnastjóri ný-
sköpunar og skólaþróunar, vakti
máls á þessum staðreyndum í
bloggfærslu í vikunni og benti á að
við erum ekki að bregðast við erfið-
leikum ungmenna í skólum, heldur
þvert á móti ýta undir þá. Og nem-
endur taka undir með hon-
um.
Innilokuð daglangt
Ing vi gagnrýnir
styttingu fram-
haldsskóla úr fjór-
um árum í þrjú og
bendir á að nemendur séu undir allt
of miklu álagi nú þegar sem bitni á
geðheilsu þeirra. Hann tekur sem
dæmi stundatöflu fyrsta árs nema
við Menntaskólann á Akureyri þar
sem sjá má að alla daga vikunnar
er nemandinn frá klukkan 8.15 til
16.30 í skólanum, nema á föstudög-
um þegar dagurinn endar klukk-
an 14.35. Þá eru aðeins 5 mínútur
milli kennslustunda og klukkutími
í matarhlé. Ingvi bendir á að engar
listgreinar né valfög megi finna á
stundaskránni og aðeins þrjá ein-
falda íþróttatíma á viku. „Ég skrifa
þetta fyrst og fremst sem áhuga-
maður um geðheilsu barna, en ekki
sem sérfræðingur í kennsluaðferð-
um framhaldsskóla,“ segir Ingvi
aðspurður um tildrög færslunn-
ar. „Það er þvílíkt álag á þessum
krökkum og það er að aukast. Kvíði
er að aukast hjá ungmennum og af
hverju finnum við þá ekki aðferðir
sem kenna þeim að ráða við ólíkar
aðstæður, í stað þess að loka þau
inni í skólastofu allan daginn. Ung-
menni þurfa að taka þátt í lífinu
og tala við annað fólk. Ég heyri
það oft frá krökkum að þau eigi
erfitt með samskipti og finn-
ist jafnvel erfitt að hringja og
panta pítsu.“
Allt í klessu
„Ég sá þennan pistil
og tengi mikið við
hann,“ segir Kara
Björk Sævarsdótt-
ir, fyrsta árs nemi í
Kvennaskólanum,
en hún æfir auk þess
dans í þrjá og hálfan
tíma á dag. „Ég fæ
dansinn sem betur
fer metinn sem val
í Kvennó en það
er svo lítið val
á fyrsta ári að
þetta er dá-
lítið mikið.
Kvíði er að aukast hjá
ungmennum og af hverju
finnum við þá ekki aðferð­
ir sem kenna þeim að ráða
við ólíkar aðstæður, í stað
þess að loka þau inni í
skólastofu allan daginn.
Engin tími til að anda í skólanum
Ingvi Hrannar Ómarsson, kennari og verkefna stjóri nýsköpunar, segir styttingu framhaldsskóla valda álagi sem ung-
menni í dag megi ekki við. Fyrsta árs nemar í MR og Kvennó taka undir gagnrýni Ingva og segja kvíða og neikvæðni
einkenna andrúmsloft skólans.
Ég reyni að hitta vini mína á laugar-
dögum en þá er ég samt alltaf rosa-
lega þreytt og langar mest til að
vera bara heima. Það eru allir að
tala um þetta, það tala margir um
að vera með kvíða og það er mikil
neikvæðni í gangi gagnvart skólan-
um.“
„Það er engin tími til að anda,“
segir Guðrún Diljá Agnarsdóttir,
nemi á fyrsta ári í Menntaskólan-
um í Reykjavík, en hún er ein af fjöl-
mörgum sem deildu grein Ingva í
vikunni. „Ég er sammála öllu sem
hann segir því þetta er einmitt það
sem er að gerast í kringum mig.
Við tölum mikið um þetta í skól-
anum og ég veit að vinum mínum
í öðrum skólum líður eins. Þetta er
samt sérstaklega erfitt í MR því þeir
vilja ekki sleppa neinu efni, hér er
tveimur árum troðið í eitt með því
að sleppa eins litlu og hægt er.“
Guðrún Diljá er í fyrsta árgangn-
um sem þarf að taka skólann á
þremur árum í stað fjögurra og seg-
ir hún mikla óánægju og neikvæðni
ríkja meðal nemenda. „Við mynd-
um miklu frekar vilja vera einu ári
lengur og njóta þess betur. Mér
finnst þetta ekki hafa verið hugs-
að nógu vel og þess vegna er allt í
klessu núna.“
Erfitt að panta pítsu
Er einhver tími fyrir áhugamál og
félagslíf?
„Nei, alls ekki,“ segir Guðrún Diljá.
„Ég hitti aldrei vini mína nema á
föstudagskvöldum og kannski
laugardögum. Ég kem heim klukk-
an fjögur á daginn og þá sinni ég
heimanáminu sem tekur svona
fimm klukkutíma og svo er ég
reyndar líka að læra á fiðlu svo það
er enginn tími.“
Ingvi talar um að ungmenni eigi
erfitt með samskipti og eigi jafnvel
erfitt með að panta pítsu. Kannast
þú við það? „Já þetta eru sko engar
ýkjur, segir Guðrún Diljá og hlær.
„Við rífumst oft um það hver eigi að
hringja. Við erum svo vön að tala á
netinu því við hittumst svo sjaldan í
alvöru. Það nota langflestir Domin-
os því þar er hægt að panta á netinu
og þarf ekki að hringja. Ég bið alltaf
mömmu að hringja og panta fyr-
ir mig tíma, og ég veit að vinkonur
mínar gera það líka.“
Minnir á þróun í Bandaríkjunum
„Það er ekkert verið að spá í geð-
heilsu þessara krakka. Stór hluti
náms fer fram utan skólastofunn-
ar svo það er skrítin þróun að láta
allt sem ekki er bóknám sitja á
hakanum,“ segir Ingvi og bendir á
að þróunin hér á landi, að þjappa
námi saman á kostnað hreyfingar,
samskipta og list- og valgreina,
sé farin að minna óþægi-
lega mikið á Bandaríkin.
„Þetta minnir á No child
left behind stefnuna þar
sem allt snýst um að ná
hámarksárangri í bók-
námsprófum, svo skólinn
skori hátt í samanburði í
einkareknu umhverfi. Það
er ekkert í þessum stunda-
töflum sem raunverulega
skiptir máli; samskipti,
samvinna, skapandi hugs-
un, gagnrýnin hugsun og að
taka þátt í samfélagi.“
Kara Björk Sævarsdóttir og vinir hennar í Kvennaskólanum eru ekki ánægð með styttingu framhaldsskóla. Þau eru
sammála um að álagið á fyrsta ári sé allt of mikið. Þau myndu vilja hafa meiri tíma utan skóla til að stunda áhugamál og vera
með vinum sínum en í dag geti þau í mesta lagi hist á laugardögum.
Breyttur vinnumarkaður framtíðarinn­
ar mun þurfa einstaklinga sem kunna að
hugsa út fyrir boxið. Er þetta rétta
leiðin til þess, að fylla alla daga
af bókfögum, útiloka val og
sköpun og leggja enga
áherslu á samskipti?,
spyr Ingvi Hrannar
Ómarsson, kennari
og verkefnastjóri
nýsköpunar í
skólamálum.
Guðrún Diljá Agnars­
dóttir, nemi á fyrsta ári í
MR, segir óánægju
með styttingu
framhaldsskóla
meðal fyrstu
bekkinga.
Mynd |
Rut
GLÆSILEGAR
BORGIR Í A-EVRÓPU
Í BEINU FLUGI
Við bjóðum uppá glæsilegar borgir í A-Evrópu. Tilvalið fyrir hópa,
fyrirtæki og einstaklinga. Veldu tímann og farðu þegar þú vilt, 2,3,4
daga eða lengur. Verðlag er hagstætt bæði í mat og drykk. Þá er hægt
að gera góð kaup á hinum ýmsu verslunum og mörkuðum. Við bjóðum
uppá skoðunarferðir fyrir hópa og fyrirtæki.
BÚDAPEST Í UNGVERJALANDI
Ein af fallegri borgum Evrópu, hún
er þekkt fyrir sínar glæsi byggingar
sem margar eru á minjaskrá Unesco,
forna menningu og spa/heilsulindir.
Þar hefur í árhundruði blandast
saman ýmis menningaráhrif sem
gerir borgina svo sérstaka.
Flogið er tvisvar í viku allt árið.
GDANSK Í PÓLLANDI
Hansaborgin Gdansk er elsta og
fallegasta borg Póllands, saga
hennar nær aftur til ársins 997.
Glæsilegur arkitektúr, forn menning
og tónlistar-hátíðir hafa gert borgina
að vinsælustu ferðamannaborg
Póllands.
Flogið er tvisvar í viku allt árið.
VERÐ FRÁ 87.900.-
WWW.TRANSATLANTIC.IS SÍMI: 588 8900
VILNÍUS Í LITHÁEN
Vilníus er eins og margar aðrar borgir í
Eystrasaltinu frá miðöldum og glæsileg eftir
því. Upphaf borgarinnar má rekja til ársins
1330 og er gamli bærinn á minjaskrá Unesco.
Þröngar steinilagðar götur er viða að finna í
gamla bænum og gamli byggingastíllinn
blasir hvarvetna við.
Flogið er tvisvar í viku allt árið.
DÆMI UM BORGIR